1 أيث-كورينث 7:35 - ثريفيث 2020

³⁵ مَانَايَا قَّارغ-ث بَاش اَكنِّيو نفْعغ، مَاشِي اَكنِّيو سْحسْڒغ. لَّا، رزُّوْغ اَذ تْعِيشم س لْمَعْقُوْل اَذ تْعبّْذم سِيذِيثْنغ مَاشِي س شَان ن لْمُهِيمَا نّغْنِي.

1 أيث-كورينث 7:35 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 19:12

ذِنِّي ڒبْعَاض زݣ وَامِي خڒْقن وَار زمَّرن اَذ مڒْشن. ذِنِّي ڒبْعَاض نّغْنِي قّْنن-ثن يِوْذَان. أُو ذِنِّي ڒبْعَاض نّغْنِي ؤُݣِين اَذ مڒْشن خ سَّبَاب ن ڒْمُلْك وجنَّا. ونِّي يزمَّرن اَذ يقْبڒ ثِمسْڒَايِين-أَ اَثنْت يقْبڒ."

أَسڒْمذ ن سِيذِيثْنغ عِيْسَى لْكِتَاب ن مَتَّى 22:15

كَّرن يفَرِّيسِييْن مْشَاوَارن جَارَاسن ݣِّين يجّن ن لْخُطَا اَذ طّْفن عِيْسَى خ مِين يقَّار.

لوقا 21:34

مَا ثخْسم اَذ تشّم ؤُڒ نْوم؟ حْضَاث يخف نْوم زِي لْمَدّْلَا ن سّكْرَا ذ وَاطَّاس ن شّْرب ذ ڒهْمُوْم ن دُّنشْت-أَ. قَا اَذ د يَاس نْهَار نِّي اَنݣَّارُو عْلَاغَفْلَا اَم يِجّن ن ثخْشفْث.

لوقا 8:14

زَّرِّيعث نِّي إِݣ يوْضَان جَار يسنَّانن نتَّاث اَم يِوْذَان إِي تسْڒَان إِ وَاوَاڒ ن أَربِّـي، وَلَكِن ذغْيَا تمْجيَّافن س ومْنُوْس ذ وَاݣْڒَا ذ شّهَاوَاث ن دُّنشْت-أَ وَار نفّْعن شَا.

1 أيث-كورينث 7:2

وَلَكِن حْسن مڒَا كُڒ يجّن اَغَارس ثِيڒِي ثمْغَارْث نّس، كُڒ يشْتن اَغَارس يِيڒِي ورْيَاز نّس حمَا وَار يتِيڒِي شَا لْفَسَاد.

1 أيث-كورينث 7:28

وَلَكِن شك مڒَا ثْمڒْشذ مَعْلِيش، وَار ثعْصِيذ شَا. عَاوذ ثَحَرْمُوْشْت مڒَا ثمْڒش مَعْلِيش، وَار ثعْصِي شَا. وَلَكِن يِنِّي يمڒْشن اَغَارْسن يڒِين لْمَشَاكِل ذِي دُّنشْت-أَ. نش رزُّوْغ اَخَاوم سْبعّْذغ مَانَاينِّي.

1 أيث-كورينث 7:36

فَا ونِّي يخظْبن، مڒَا وَار يزمَّر شَا اَذ يصْبَر خ ثْحنْجِيرْث نِّي يعْنِي وَار يحكّم شَا مْلِيح خ شّهَاوَاث نّس، صَافِي يتْخصَّا-ٱس اَذ يݣّ لْوَاجِب نّس يعْنِي اَذ يمْڒش اَكِذس. مَعْلِيش نتَّا وَار يعصِّي شَا.

أيث-ؤفسوس 5:3

وَا لَابُد وَار يتِيڒِي وَالُو جَارَاوم زِي لْفَسَاد نِغ ذ مِين يسخْنِيزن نِغ ذ طّْمَع ڒَاحقَّاش مَانَايَا مَاشِي مَعْقُوْل إِ صَّالِحِين.

أيث-فيليـپـي 4:8

غَار ونݣَّارُو آي أَيثْمَا، مِين يدْجَان ذ لْحَقِيقَا ذ مِينْدِي يدْجَا ڒوْقَّار ذ مِين يدْجَان يسݣّْذن ذ مِين يدْجَان يصْفَان ذ مِين يدْجَان ذ اَصبْحَان ذ مِين خَانغ يعِيزّن ذ اَيِّي ثَمسْڒَايْث ذ ثَصبْحَانْت اَطَّاس اَذَاس نُوْش لْقِيمَا يتْخصَّا كنِّيو اَذ تْفكَّرم ذِي ثْمسْڒَايِين-أَ.

1 تيموتاوس 1:10

ذ يِنِّي يتݣّن لْفَسَاد ذ يرْيَازن يفسّْذن اَك وَايَاوْيَا ذ يِنِّي يتَاشَارن يوْذَان حمَا اَثن اَرّن ذ يسمْغَان ذ يِنِّي يقَّارن يخَرِّيقن ذ يِنِّي يشهّْذن ࢲُّوْر نِغ ذ يِنِّي يتݣّن شَان ن ثْمسْڒَايِين نّغْنِي يدْجَان ضد إِ تَّعْلِيم ن لْإِيمَان يدْجَان نِيشَان.

ثبرات غار تيتوس 2:3

ثِنِّي يمْغَارن عَاوذ اَذ عِيشّنْت عْلَاحْسَاب لْإِيمَان، وَار ذَايْسنْت تِيڒِي بُو نَّمِيمَا، وَار تبْلِيْيِينْت شَا اَطَّاس س بِينُو. أَذ سْڒمْذنْت مِين يدْجَان ذ اَصبْحَان.