1 أيث-كورينث 7:14 - ثريفيث 2020

¹⁴ شُوْف، أَرْيَاز مَاشِي ذ ڒْمُوْمن اَقَاث سْوَادَّاي إ لْعِنَايَا ن أَربِّـي س ثمْغَارْث نّس. ثَمْغَارْث مَاشِي ذ ڒْمُوْمنَا اَقَات سْوَادَّاي ن لْعِنَايَا ن أَربِّـي س ورْيَاز نّس. مڒَا مَاشِي اَمنِّي، ثَارْوَا نْوم اَذ يڒِين س بَارَّا ن لْعِنَايَا ن أَربِّـي. وَلَكِن ڒخُّو اَقَاثن سْوَادَّاي إِ لْعَنَايَا نّس.

1 أيث-كورينث 7:14 Խաչաձեւ Հղումներ

ڒخذايم 10:23

ئِكَّر بُطْرُس يسِيذف-يثن غَار ذَاخڒ يسْنوْجو-يثن. ثِيوشَّا نّس يرُوْح اَكِذْسن بُطْرُس. مُوْنن اَكِذس ڒبْعَاض ن اَيثْمَاس زِي ثنْدِينْت ن يَافَا.

أيث-روما 11:16

مڒَا ثْقرّْصذ شْوَايْت زݣ ورشْثِي يصْفَان ثْقدّْمذ-ث إِ أَربِّـي، أَتَاف اَذ يِيڒِي اَمنِّي يصْفَا ؤُرشْثِي نِّي اَمن-يكْمَاڒ. أُو مڒَا اَذ يڒِين يࢲوْرَان ن ثْشجَّارث صْفَان، أَتَاف اَذ يڒِين ؤُڒَا ذ ڒفْرُوْع، يعْنِي ثِسضْوِين.

1 أيث-كورينث 7:13

عَاوذ ثَمْغَارْث، مڒَا غَارس اَرْيَاز مَاشِي ذ ڒْمُوْمن يقْبڒ اَكِذس يعِيش، ممْنُوْع اَذَاس ثدْجف.

1 تيموتاوس 4:5

أَقَا مَانَايَا يحدْجڒ حَلَال عْلَاحْسَاب اَوَاڒ ن أَربِّـي ذ ثْࢲَادْجِيث.

ثبرات غار تيتوس 1:15

أَقَا يِنِّي إِݣ يدْجَان صْفَان اَتَاف قَاع ثِمسْڒَايِين اَذَايْسن يڒِينْت صْفَانْت. وَلَكِن يِنِّي يخنْزن وَار ؤُمِينن شَا اَتَاف وَار ذَايْسن تِيڒِي ؤُڒَا ذ يجّن ن ثْمسْڒَايْث ثصْفَا. أَتَاف ڒْعَقُوْرَاث نْسن ذ ضَّمِيرَاث نْسن س ثْنَاين تخْنِيزن.