1 أيث-كورينث 7:11 - ثريفيث 2020

¹¹ مڒَا ثَمْغَارْث ثسْمح ذݣ ورْيَاز نّس يتْخصَّا-يَاس وَار تْمدْجش شَا عَاوذ، نِغ اَذ تْمصْڒَاح اَك ورْيَاز نّس. ممْنُوْع عَاوذ اَرْيَاز اَذ يدْجف إِ ثمْغَارْث نّس.

1 أيث-كورينث 7:11 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 5:32

وَلَكِن نش قَّارغ-اَوم: مَارَّا ونِّي غَا يدْجْفن إِ ثمْغَارْث نّس، نتَّاث وَار ثزْنِي شَا، أَتَاف يتَارَّا-ت ثزْنَا يعْنِي مڒَا ثْعَاوذ ڒمْڒَاش. ونِّي إِي غَا يمڒْشن اَك ثنِّي يدْجْفن، أَتَاف يزْنَا.

مرقس 10:12

ثَمْغَارْث مڒَا ثدْجف إِ ورْيَاز نّس ثُوْوِي شَان يجّن نّغْنِي، أَتَاف ثزْنَا."

مرقس 10:2

قَارّْبن-د غَارس شَان يِوْذَان زِي ڒْحِزب ن يفَرِّيسِيْين حمَا اَث جَرّْبن نَّان-اَس: "مَا حَلَال اَذ يدْجف شَان ورْيَاز إِ ثمْغَارْث نّس؟"

لوقا 16:18

مَارَّا ونِّي غَا يدْجْفن إِ ثمْغَارْث نّس يُوْوِي شَان يِشْتن نّغْنِي، أَتَاف يزْنَا. مَارَّا ونِّي إِي غَا يمڒْشن اَك ثنِّي يدْجْفن، أَتَاف يزْنَا."

1 أيث-كورينث 7:10

فَا يِنِّي يمڒْشن، ئِوصَّا خَاسن سِيذِيثْنغ مَاشِي ذ نش: ممْنُوْع ثَمْغَارْث اَذ تسْمح ذݣ ورْيَاز.

1 أيث-كورينث 7:12

فَا يِنِّي نّغْنِي، قَّارغ-اَسن نش (يعْنِي وَار ت يقَّار شَا سِيذِيثْنغ، غِير نش): مڒَا شَان ؤُمَاثْنغ غَارس ثَمْغَارْث مَاشِي ذ ڒْمُوْمنَا ثقْبڒ اَكِذس ثْعِيش، ممْنُوْع اَذَاس يدْجف.