1 أيث-كورينث 6:9 - ثريفيث 2020

⁹ مَا وَار ثسِّينم شَا بلِّي يِنِّي وَار يُوْمِينن شَا وَار زْمَّرن اَذ وَارْثن ڒْمُلْك ن أَربِّـي؟ وَار خدّْعم شَا يخف نْوم. يِنِّي يتݣّن لْفَسَاد، ذ يِنِّي يعبّْذن لْأَصْنَام، ذ يِنِّي يزنَّان، ذ يحَنْجِيرن يفسّْذن اَك يرْيَازن، ذ يرْيَازن يفسّْذن اَك يرْيَازن،

1 أيث-كورينث 6:9 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 19:29

أُو مَارَّا يِنِّي يسمّْحن ذِي ثُوْذْرِين نْسن نِغ ذِي أَيثْمَاس نِغ ذِي سُوْيْثْمَاس نِغ ذِي بَابَاس ذ يمَّاس نِغ ذِي ثَارْوَا نْسن نِغ ذݣ يمَرْجعِيون نْسن خ سَّبَاب ينُو نش، أَتَاف اَغَارْسن ثِيڒِي مِيَّا ن ثْسقَّار كْتَار، أَذ وَرْثن ثُوْذَارْث ن ڒبْدَا.

أَسڒْمذ ن سِيذِيثْنغ عِيْسَى لْكِتَاب ن مَتَّى 25:34

ڒخْدّنِّي يِنِّي يدْجَان خ وفُوْسِي اَذَاسن يِينِي وزدْجِيذ-أَ: آ يِنِّي إِي ذِي يݣَّا بَابَا لْبَرَكَا، أَرَاحم-د كنِّيو وَرْثم ڒْمُلْك إِي ذَاوم يسوْجذ زݣ وَامِي ثدْجَا دُّنشْت.

لوقا 21:8

ينَّا-ٱسن: "حْضَام يخف نْوم حمَا وَار كنِّيو يخدّع حَدّ. أَطَّاس إِي د غَا يَاسن س يِيسم ينُو زَعْمَا اَذ ينِين قَا نش ذ لْمَسِيح! عَاوذ اَذَاوم ينِين قَا ڒْوقْث ثُوْوض-د! وَلَكِن كنِّيو يتْخصَّا وَار ثن تذْفِيرم شَا.

ڒخذايم 20:32

آي اَيثْمَا، ڒخُّو اَخَاوم ودِّيغ، إِڒِيث اَݣ أَربِّـي ذ وَاوَاڒن ن أَرْضَا نّس. أَوَاڒن-أَ ذَايْسن ثِزمَّار اَذَاوم ؤُشن جّْهذ اَذَاوم ؤُشن ڒْوَاڒث اَك مَارَّا ڒْمُوْمِنِين صَّالِحِين.

ڒخذايم 24:25

وَامِي يسِّيوڒ بُوْلُس خ مِين يدْجَان نِيشَان، ذ مَامّش غَا يحْكم بْنَاذم خ يِيْخف نّس، ذ يُوْم لْحِسَاب ذ لْعِقَاب إِي د غَا يَاسن أُوْشَا ئِنخْڒع فِيلِيكْس ينَّا-ٱس: "صَافِي ڒخُّو، عْقب. خْمِي غَارِي غَا ثِيڒِي لْفُرْصَا اَخَاك د ڒَاغِيغ."

أيث-روما 1:18

فَا يمظْهَار-د وغْضَاب ن أَربِّـي زݣ وجنَّا خ مَارَّا شَّرّْ ذ ڒْبَاطڒ إِي تݣّن يِوْذَان يعْنِي يِنِّي يتْبطَّاڒن لْحَقِيقَا س شَّرّْ نْسن.

1 أيث-كورينث 15:33

وَار خدّْعث شَا يخف نْوم: "ثَمْعَاشَارث ثَعفَّانْت، تْضيَّاع تَّرْبِيَا ثَصبْحَانْت."

1 أيث-كورينث 15:50

فَا قَّارغ-اَوم آي أَيثْمَا، قَا اَيْسُوْم ذ يذَامّن وَار زمَّرن اَذ وَارْثن ذِي ڒْمُلْك وجنَّا. مِين يفنَّان وَار يوَارّث شَا مِين وَار يفنِّين.

1 أيث-كورينث 3:16

مَا وَار ثسِّينم شَا بلِّي ذ كنِّيو إِي يدْجَان ذ ثَمْزِيذَا ن أَربِّـي، يزدّغ ذَايْوم اَرُّوْح ن أَربِّـي؟

1 أيث-كورينث 5:1

ئِفّغ-د يجّن ن ڒخْبَار بلِّي ذِنِّي يجّن ن نُّوْع ن لْفَسَاد جَارَاوم وَار خَاس صبَّرن شَا وَاخَّا ذ لْكُفَّار! ئِجّن ن ورْيَاز غَارس ثَمْغَارْث ن بَابَاس.

1 أيث-كورينث 5:10

وَلَكِن تُوْغَا وَار سِّيوِيڒغ شَا خ لْكُفَّار ن دُّنشْت-أَ يِنِّي يتݣّن لْفَسَاد نِغ ذ يضمَّاعن نِغ ذ يغشَّاشن نِغ ذ يِنِّي يعبّْذن لْأَصْنَام. مَعْلِيك اَمنِّي اَذ يِيڒِي لَابُد اَذ تفّْغم زِي دُّنشْت-أَ قَاع.

1 أيث-كورينث 5:11

لَّا، وَلَكِن ڒخُّو نش ؤُرِيغ-اَوم-د بَاش وَار تْعَشَارم شَا ڒْمُوْمن ونِّي يقَّارن قَا نش ذ ؤُمَاش وَلَكِن نتَّا يتݣّ لْفَسَاد نِغ ذ اَضمَّاع نِغ يعبّذ لْأَصْنَام نِغ يقَّار ڒْبَاطڒ نِغ يسسّ اَطَّاس ن شّْرب نِغ ذ اَغشَّاش. ئِجّن اَم وَانِيتَا، وَار تتّم شَا اَكِذس قَاع.

1 أيث-كورينث 6:10

ذ يشفَّارن، ذ يضمَّاعن، ذ يِنِّي يسسّن اَطَّاس ن شّْرب، ذ يِنِّي يقَّارن ڒْبَاطڒ، ذ يغشَّاشن وَار تْوَارَاثن شَا ڒْمُلْك ن أَربِّـي.

1 أيث-كورينث 6:18

اَروْڒث زِي لْفَسَاد. كُڒ ڒْمُعْصِيّث نّغْنِي إِݣ يتݣّ بْنَاذم اَذ تِيڒِي غَار بَارَّا ن دَّات نّس. ونِّي يتݣّن لْفَسَاد يعصَّا دَّات نّس نِّيث.

1 أيث-كورينث 6:19

نِغ مَا وَار ثسِّينم دَّات نْوم نتَّاث ذ ثَمْزِيذَا ن اَرُّوْح يقدّْسن إِݣ يزدّْغن ذَايْوم؟ إِيوَا غَارْوم اَرُّوْح-أَ زِي أَربِّـي. كنِّيو وَار تْرَايِيم شَا خ يِيخف نْوم

1 أيث-كورينث 9:24

مَا وَار ثسِّينم شَا ثَازْڒَا نِّي يتݣّن ذِي لْملْعَب؟ مَارَّا تَازّْڒن وَلَكِن يجّن وَاهَا إِي غَا يربْحن لْجَائِزَا. أَمنِّي ؤُڒَا ذ كنِّيو يتْخصَّا اَذ تَازْڒم بَاش اَت ثْربْحم.

22 أيث-كورينث 12:21

ݣّْوْذغ اَغَارْوم د عقْبغ اَذ سذْحِيغ زِي أَربِّـي ينُو اَذ رُوْغ اَطَّاس خ يِنِّي إِݣ يعْصَان زِي قْبڒ، عَاذ وَار تُوْبن شَا زݣ ؤُفلّس ذ لْفَسَاد ذ ڒقْبَاحث إِ تُوْغَا تݣّن.

أيث-ݣلاطيا 6:7

وَار خدّْعث شَا يخف نْوم، أَربِّـي وَار ث يشمّث ؤُڒَا ذ يجّن. يعْنِي مِين مَا يزْرع بْنَاذم، ذ مَانَاينِّي إِي غَا يمْجَار.

أيث-كولوس 3:5

خ مَانَايَا نْغث مِين يدْجَان ذَايْوم ذِي طَّبِيعَا نْوم ن دُّنشْت-أَ يعْنِي لْفَسَاد ذ مِين يخنْزن ذ شّهْوث ذ ڒْخَاضَر اَعفَّان ذ طْمَاع إِݣ يدْجَان نتَّا اَم لْعِبَادَا ن لْأَصْنَام.

يعيبرانيين 12:14

ݣّث لْمجْهُوْد بَاش اَذ تْعِيشم ذِي ڒهْنَا اَك مَارَّا يوْذَان أُو بَاش اَذ تِيڒِيم ثصْفَام. بْڒَا أَ نِيڒِي نصْفَا وَار ذِنِّي حَدّ إِي غَا يࢲرن مَاوْلَانَا.

يعيبرانيين 12:16

أَرّم-د ڒْبَاڒ نْوم بَاش وَار يتݣّ شَان يِجّن زَّايْوم لْفَسَاد، نِغ شَان يِجّن وَار غَارس يتِيڒِي بُو أَربِّـي اَم عَسُو نِّي يرُوْح نتَّا يزّنْز ڒْحَقّ نّس زِي لْبَرَكَا ن بَابَاس خ يِجّن ن طّبْصِي ن لْمَكْلَا.

يعيبرانيين 13:4

وقَّارث ڒمْڒَاش مَارَّا. قَامَا ن ڒمْڒَاش اَذ تِيڒِي س نِّيّث بْڒَا ڒْغدْڒَان. أَقَا أَربِّـي اَذ يعَاقب يِنِّي يفسّْذن ذ يِنِّي يزنَّان.

ثبرات غار يعقوب 1:16

آي أَيثْمَا يمْعِيزّن ينُو، وَار خدّْعث شَا يخف نْوم.

1 يوحنا 3:7

آ يحنْجِيرن، وَار تجَّام حَدّ اَكنِّيو يخْذع. ونِّي إِݣ يقِّيمن يسْخدَّام مِين يدْجَان نِيْشَان قَا نتَّا اَقَاث نِيْشَان مَامّش إِݣ يدْجَا سِيذِيثْنغ.

لواحي ن يوحنا 21:8

وَلَكِن شّْمَايث ذ يِنِّي وَار يُوْمِينن شَا ذ يِنِّي يدْجَان ذ يعفَّانن ذ يِنِّي ينقّن يوْذَان ذ يِنِّي يفسّْذن ذ يسحَّارن ذ يِنِّي يعبّْذن لْأَصْنَام ذ مَارَّا يِنِّي يسْخرِّيقن قَا اَمْشَان نْسن اَذ يِيڒِي ذِي ڒبْحَر يرقّن س ثْمسِّي ذ ڒكْبْرِيْيث. قَا ثنِّي ذ ڒْموْث وِيس ثْنَاين."

لواحي ن يوحنا 22:15

غَار بَارَّا ن ثنْدِينْت دْجَان ذِنِّي يقْزِينن ذ يسحَّارن ذ يِنِّي يفسّْذن ذ يِنِّي ينقّن يوْذَان ذ ينِّي يعبّْذن لْأَصْنَام ذ مَارَّا يِنِّي يسْخرِّيقن إِي تْحِبَّان يخَرِّيقن.