1 أيث-كورينث 6:7 - ثريفيث 2020

⁷ خْمِي كنِّيو تمْشَرَّاعم اَك وَايَاوْيَا، أَتَاف صَافِي ثخْسَرم. إِيوَا حْسن إِ كنِّيو مڒَا تْوَاضڒْمم نِغ تْوَاغشّم.

1 أيث-كورينث 6:7 Խաչաձեւ Հղումներ

لوقا 19:8

ئِبدّ زَكِي ينَّا-ٱس إِ سِيذِيثْنغ: "آ سِيذِي، أَذ ؤُشغ اَزْين ن وَاݣْڒَا ينُو إِ ڒْمُسَاكِين. مڒَا شمْثغ شَان يِجّن اَذَاس اَرْنِيغ اَرْبعَا ن ثْسقَّار."

لوقا 6:29

ونِّي ش غَا يُوْوْثَان غَار ومݣِّيز نّش، ؤُش-اَس شك ؤُڒَا ذ اَمݣِّيز نّش نّغْنِي. ونِّي ذَاش غَا ييْسِين اَزدْجَاب نّش، اجّ-يث شك اَذَاش ييْسِي ؤُڒَا ذ ثَقْمِيجَات نّش.

1 أيث-سلونيك 5:15

أَرّم-د ڒْبَاڒ نْوم، ئِتْخصَّا ؤُڒَا ذ يجّن وَار يتْخدْجِيس شَّرّْ س شَّرّْ نّغْنِي؛ لَّا، ڒبْدَا رزُّوْث مِين يدْجَان ذ اَصبْحَان جَارَاوم ذ جَار يِوْذَان مَارَّا.

1 بطرس 3:9

وَار تَارَّاث شَا شَّرّْ س شَّرّْ نّغْنِي نِغ ڒْعِيب س ڒْعِيب نّغْنِي. لَّا، بَرْكث ينّغْنِي، مَايمِّي؟ مِينْزِي يڒَاغَا-د خَاوم إِ مَانَايَا بَاش اَذ تْخَاڒْسم س يِجّن ن لْبَرَكَا.