1 أيث-كورينث 6:17 - ثريفيث 2020

¹⁷ وَلَكِن ونِّي يمُوْنن اَكذ سِيذِيثْنغ اَذ يذْوڒ ذ يج ن اَرُّوْح اَكِذس.

1 أيث-كورينث 6:17 Խաչաձեւ Հղումներ

أيث-ݣلاطيا 2:20

تْوَاصلّْبغ اَك لْمَسِيح. سَّا اَڒ ثْسَاونْت مَاشِي ذ نش إِ غَا يدَّرن؛ لَّا، ذ لْمَسِيح إِي غَا يدَّرن ذَايِي. ثُوْذَارْث-أَ إِي دَّرغ ڒخُّو ذِي دَّات ينُو، أَقَا دَّرغ-ت س لْإِيمَان ينُو زِي مِّيس ن أَربِّـي إِي ذَايِي يحِبّن يصدّق خَافِي يخف نّس.

1 أيث-كورينث 12:13

لِأَنَّا نشِّين مَارَّا نتْوَاطهَّار س وَامَان س يِجّن ن أَرُّوْح بَاش أَ نِيڒِي ذ يجّن ن جْمَاعث، يعْنِي أَيث-إِسْرَائِيل نِغ ذ ييُوْنَانِيْين، ذ يِنِّي غَار يدْجَا بَاب نْسن نِغ ذ يِنِّي غَار ثدْجَا لْحُرِّيَا نْسن. نشِّين مَارَّا إِذْنغ يُوْشَا-ٱنغ أَ نْسو يعْنِي أَ نْشَرش ذݣ يِجّن ن أَرُّوْح.

يوحنا 3:6

مِين يتْوَاخڒْقن زِي دَّات، نتَّاث ذ دَّات. مِين يتْوَاخڒْقن زِي أَرُّوْح ن أَربِّـي، نتَّا ذ أَرُّوْح.

أيث-ؤفسوس 5:30

لِأَنَّا نشِّين ذ طْرُوْفَاث ن دَّات نّس.

أيث-فيليـپـي 2:5

أَرَّاي نْوم يتْخصَّا اَذ يِيڒِي اَم اَرَّاي ن عِيْسَى لْمَسِيح.

أيث-روما 8:9

أَمَّا كنِّيو، مڒَا يزدّغ ذَايْوم اَرُّوْح ن أَربِّـي، أَتَاف اَذ تْعِيشم خ وبْرِيذ ن اَرُّوْح اَتَاف وَار تݣّم اَرَّاي إِ طَّبِيعَا ثَعفَّانْت نْوم. أُو ونِّي وَار غَار يدْجِي اَرُّوْح ن لْمَسِيح، وَار يدْجِي شَا زِي لْمَسِيح.

1 أيث-كورينث 6:15

مَا وَار ثسِّينم شَا بلِّي دَّات نْوم نتَّاث ذ طْرُوْفَاث ن دَّات ن لْمَسِيح؟ إِيوَا طْرُوْفَاث-أَ، مَا ٱثنْت يْسِيغ اَثنْت سْمُوْنغ اَكذ لْفَسْدَاث؟ لَّا، عمَّارْص!