1 أيث-كورينث 4:14 - ثريفيث 2020

¹⁴ مَاشِي ؤُرِيغ ثِمسْڒَايِين-أَ بَاش اَكنِّيو فضْحغ؛ لَّا، ؤُرِيغ-ثنْت بَاش اَكنِّيو نْهِيغ اَم شَا ن ثَارْوَا ينُو يعِيزّن.

1 أيث-كورينث 4:14 Խաչաձեւ Հղումներ

ڒخذايم 20:31

إِيوَا إِڒِيث عْلَابَال! وَار تتُّوْم شَا نش ثڒْت-سْنِين إِي كِذْوم كِّيغ، قِّيمغ تْوصِّيغ مْكُڒ يجّن زَّايْوم دْجِيڒث ذ وَاسّ س يمطَّاون ينُو.

1 أيث-كورينث 15:34

أَرّم-د ڒْبَاڒ نْوم، وَار عصَّاث شَا. قَّارغ-اَوم مَانَايَا بَاش اَذ تْسذْحَام مِينْزِي ڒبْعَاض زَّايْوم ذَايْسن ڒقْفَاڒث خ أَربِّـي.

1 أيث-كورينث 4:15

وَاخَّا اَكِذْوم عشْرَاڒَاف ن لْمُربِّيِين ذِي لْمَسِيح، وَار غَارْوم شَا اَطَّاس ن بَابَاثْوم. لِأَنَّا ذِي عِيْسَى لْمَسِيح نش ذ بَابَاثْوم ذِي لْإِنْجِيل.

1 أيث-كورينث 4:17

خ مَانَاينِّي إِي خف كنِّيو د سّكِّيغ تِيْمُوْتَاوُس. نتَّا يعِيزّن خَافِي اَم شَان ممِّي، ذَايس تِّيقث ذِي سِيذِيثْنغ. أَكنِّيو يسْفكَّر خ يبْرِيذن ينُو ذِي لْمَسِيح مَامّش ثن سڒْمَاذغ ذِي مَارَّا يمُوْشَان ذ مَارَّا ثِجُمَاع ن ڒْمُوْمِنِين.

1 أيث-كورينث 6:5

قَّارغ-اَوم مَانَايَا حمَا اَذ تْسذْحِيم. مَا ذ صَّح وَار ذِنِّي حَدّ جَارَاوم ذَايس ڒفْهَامث حمَا اَذ يحلّ شِّكَايَاث-أَ جَار ڒْمُوْمِنِين؟

1 أيث-كورينث 9:15

وَلَكِن نش وَار كْسِيغ شَا ؤُڒَا ذ يجّن زِي ڒْحُقُوْق نِّي. عَاوذ نش وَار تَارِيغ شَا ثَبْرَات-أَ ڒخُّو حمَا اَتَاف كنِّيو اَذَايِي ثُوْشم ڒْحُقُوْق نِّي؛ لَّا، نش حْسن مڒَا مُّوْثغ قْبڒ مَا ٱذَايِي يكّس حَدّ مَانَايَا مِينْزِي غَا فْتَخْرغ.

22 أيث-كورينث 11:11

مَايمِّي؟ مَا وَار كنِّيو تخْسغ شَا؟ قَا أَربِّـي يسّن بلِّي ثْعِيزّم خَافِي.

22 أيث-كورينث 12:19

مشْحَاڒ زݣ وَامِي ثْنوَّام زَعْمَا نْدَافع خ يِيخف نّغ زَّاثْوم وَاهَا؟ لَّا آي يمْعِيزّن ينُو، نسَّاوَاڒ مَارَّا مَانَايَا ذِي لْمَسِيح زَّاث إِ أَربِّـي بَاش اَكنِّيو نْسجْهذ.

22 أيث-كورينث 7:3

وَار قَّارغ شَا مَانَايَا بَاش اَكنِّيو عيّْبغ لَّا. ڒَاحقَّاش نِّيغ-اَوم قْبڒ قَا كنِّيو ذݣ وُوْڒَاون نّغ، أَ نمّث نِغ أَ ندَّر اَكِذْوم.

أيث-كولوس 1:28

لْمَسِيح-أَ نتْبشَّار زَّايس إِ يِوْذَان، نْنهَّا-ثن مَارَّا إِذْسن، نْسڒْمَاذ-يثن س مَارَّا ڒفْهَامث بَاش أَ نْقدّم يوْذَان مَارَّا ذِي لْمَسِيح بْڒَا شَا ن ڒْعِيب إِ أَربِّـي.

1 أيث-سلونيك 2:11

نْتݣّ اَكِذْوم اَم يِجّن ورْيَاز اَك ثَارْوَا نّس. نتْوصَّا-كنِّيو نتْشجَّاع-يكنِّيو نتْزيَّار خَاوم

1 أيث-سلونيك 5:14

آي أَيثْمَا، نْهَاث يِنِّي يتْبَاعن فَرْق-شّْغڒ، شجّْعث يِنِّي يتفْشِيڒن، عَاوْنث يِنِّي يتضْعِيفن، صبَّارث اَك مَارَّا.

2 أيث-سلونيك 3:14

ونِّي وَار يتْطِيعِين شَا إِ وَاوَاڒ نّغ ذِي ثبْرَات-أَ ݣّم-ث ذِي ڒْبَاڒ نْوم، وَار كِذس ݣُوْرم شَا بَاش اَذ يسذْحَا.

ثبرات غار فليمون 1:10

تتَّارغ-شك خ وَانِيسَامُو ونِّي يدْجَان اَم ممِّي، أَرِّيغ-ث نش ذ مِّي وَامِي تُوْغَاث اَكِذِي ذِي ڒحْبس.

1 يوحنا 2:1

آ يحنْجِيرن ينُو، تَارِيغ-اَوم-د ثِمسْڒَايِين-أَ حمَا وَار ثْعصِّيم شَا أَربِّـي. وَلَكِن مڒَا نعْصَا-ث اَقَا غَارْنغ يجّن ن لْوَسِيط اَك أَربِّـي بَابَاثْنغ نتَّا ذ عِيْسَى لْمَسِيح ونِّي إِݣ يدْجَان نِيْشَان.

3 يوحنا 1:4

فَرّْحغ اَطَّاس س وَاطَّاس وَار زمَّرغ اَذ اَرْنِيغ خْمِي تسْڒِيغ ثَارْوَا ينُو ݣُّوْرن نِيْشَان خ وبْرِيذ ن لْحَقِيقَا.