1 أيث-كورينث 3:18 - ثريفيث 2020

¹⁸ ئِتْخصَّا وَار ذِنِّي يتِيڒِي حَدّ يخدّع يخف نّس. مڒَا ذِنِّي شَان يِجّن جَارَاوم يحسّب يخف نّس ذ اَمِيغِيس ذِي زْمَان-أَ، ئِتْخصَّا اَذ يذْوڒ ذ اَبُوْهَاڒِي زَعْمَا بَاش اَذ يِيڒِي ذ اَمِيغِس.

1 أيث-كورينث 3:18 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 13:22

زَّرِّيعث نِّي إِݣ يوْضَان جَار يسنَّانن نتَّاث اَم يِجّن ن بْنَاذم إِي يتْسْڒَان إِ وَاوَاڒ ن أَربِّـي ذَايس اَمْنُوْس ن دُّنشْت، يشمّث-يث طّْمَع ن وَاݣْڒَا، سّنِّي يتْوَاجيّف وَاوَاڒ ن أَربِّـي وَار ينفّع شَا.

أَسڒْمذ ن سِيذِيثْنغ عِيْسَى لْكِتَاب ن مَتَّى 18:4

ونِّي يسمْزَاين يخف نّس اَمشْنَاو اَحنْجِير-أَ، ذ نتَّا إِي غَا يِيڒِين ذ اَمقّْرَان قَاع ذِي ڒْمُلْك وجنَّا.

مرقس 10:15

أَقَا تسْڒَام ڒْحَقّ: لَابُد إِ بْنَاذم اَذ يَامن س ڒْمُلْك ن أَربِّـي مَامْش زَّايس يتَامن وحنْجِير اَمزْيَان. مڒَا لَّا، أَتَاف بْنَاذم نِّي عمَّارص اَذ يَاذف ذِي ڒْمُلْك ن أَربِّـي."

لوقا 18:17

أَقَا تسْڒَام ڒْحَقّ: لَابُد إِ بْنَاذم اَذ يَامن س ڒْمُلْك ن أَربِّـي مَامْش زَّايس يتَامن وحنْجِير اَمزْيَان. مڒَا لَّا، أَتَاف بْنَاذم نِّي عمَّارْص اَذ يَاذف ذِي ڒْمُلْك ن أَربِّـي."

لوقا 21:8

ينَّا-ٱسن: "حْضَام يخف نْوم حمَا وَار كنِّيو يخدّع حَدّ. أَطَّاس إِي د غَا يَاسن س يِيسم ينُو زَعْمَا اَذ ينِين قَا نش ذ لْمَسِيح! عَاوذ اَذَاوم ينِين قَا ڒْوقْث ثُوْوض-د! وَلَكِن كنِّيو يتْخصَّا وَار ثن تذْفِيرم شَا.

أيث-روما 11:25

آي اَيثْمَا، حمَا وَار ذَاوم يتِيڒِي شَا تَّكبُّر رزُّوْغ اَذ تْفهْمم ثَمسْڒَايْث-أَ ثَانِيتَا ينُوْفَّرن، يعْنِي أَيث-إِسْرَائِيل ذَايْسن يجّن ن ثْغنَّانْت وَار تْغِيمِي شَا إِ ڒبْدَا. أَذ تقِّيم اَڒ غَا يكمّڒ لْعَدَد نِّي ن ڒْمُوْمِنِين إِي غَا ينجْمن زݣ يِنِّي وَار يدْجِين شَا زِي أَيث-إِسْرَائِيل.

أيث-روما 12:16

عِيشث اَݣ وَايَاوْيَا ذِي ڒهْنَا. وَار سمْغَارث شَا يخف نْوم، مْعَشَارث اَݣ يپُـوْبْرِيثن. وَار تَارَّاث شَا يخف نْوم ذ يمِيغِيسن.

1 أيث-كورينث 15:33

وَار خدّْعث شَا يخف نْوم: "ثَمْعَاشَارث ثَعفَّانْت، تْضيَّاع تَّرْبِيَا ثَصبْحَانْت."

1 أيث-كورينث 3:17

ونِّي غَا يهذْمن ثَمْزِيذَا-يَا ن أَربِّـي، أَث يهْذم أَربِّـي. لِأَنَّا ثَمْزِيذَا-يَا ن أَربِّـي نتَّاث مُقدّس أُو ذ كنِّيو إِݣ يدْجَان ذ ثَمْزِيذَا نِّي.

1 أيث-كورينث 4:10

نشِّين ذ يبُوْهَاڒِيْين زَعْمَا عْلَاحْسَاب لْمَسِيح، ئِي كنِّيو مَا ذ يمِيغِيسن ذِي لْمَسِيح؟ نشِّين نضْعف، ئِي كنِّيو مَا ثْجهْذم؟ كَرّْمن-كنِّيو، نشِّين سْبهْدَاڒن-اَنغ.

1 أيث-كورينث 6:9

مَا وَار ثسِّينم شَا بلِّي يِنِّي وَار يُوْمِينن شَا وَار زْمَّرن اَذ وَارْثن ڒْمُلْك ن أَربِّـي؟ وَار خدّْعم شَا يخف نْوم. يِنِّي يتݣّن لْفَسَاد، ذ يِنِّي يعبّْذن لْأَصْنَام، ذ يِنِّي يزنَّان، ذ يحَنْجِيرن يفسّْذن اَك يرْيَازن، ذ يرْيَازن يفسّْذن اَك يرْيَازن،

أيث-ݣلاطيا 6:3

شُوْف، مڒَا شَان ن بْنَاذم يتْفكَّار اَذ يفْتَخَر س يِيخف نّس وَلَكِن نتَّا وَار ذَايس وَالُو، أَتَاف يخدّع يخف نّس.

أيث-ݣلاطيا 6:7

وَار خدّْعث شَا يخف نْوم، أَربِّـي وَار ث يشمّث ؤُڒَا ذ يجّن. يعْنِي مِين مَا يزْرع بْنَاذم، ذ مَانَاينِّي إِي غَا يمْجَار.

أيث-ؤفسوس 5:6

وَار تجَّاث شَان حَدّ اَكنِّيو يشْمث س وَاوَاڒن نّس يخْوَان. لِأَنَّا خ سَّبَاب ن ثْمسْرَايِين-أَ إِ د يهوَّا وغْضَاب ن أَربِّـي خ يِنِّي إِي ث يعصَّان.

2 تيموتاوس 3:13

أَمَّا يرْيَازن يعفَّانن ذ يرْيَازن يشمَّاثن نِثْنِي اَذ ارْنِين ذِي ثُوْعُوْفّْنَا وَاهَا، نِثْنِي اَذ شمّْثن اَذ تْوَاشمّْثن.

ثبرات غار تيتوس 3:3

شُوْف، نشِّين عَاوذ تُوْغَا ذَايْنغ يجّن ن ڒقْفَاڒث، وَار نتْطِيعِي شَا، نتْوَاشمّث، حكّْمنْت خَانغ اَطَّاس ن لْأَنْوَاع ن شّهَاوَاث ذ زّْهُو. تُوْغَا نتْعِيش ذݣ يِجّن ن ڒقْبَاحث ذ ڒحْسذ، عِيفّن-اَنغ يِوْذَان، نتْعِيفَّا اَيَاوْيَا.

ثبرات غار يعقوب 1:22

فَا مَاشِي اَذ تسْڒم إِ وَاوَاڒ ن أَربِّـي أُو صَافِي؛ ئِتْخصَّا-كنِّيو اَزَّايس ثْخدّْمم حمَا وَار ثْخدّْعم شَا يخف نْوم.

ثبرات غار يعقوب 1:26

ونِّي يتْحَسَّابن يخف نّس غَارس دِّين وَار يحطِّي شَا يِيڒس نّس، أَتَاف يخدّع يخف نّس وَاهَا وَار غَارس بُو دِّين.

1 يوحنا 1:8

مڒَا نقَّار وَار ذَايْنغ بُو ڒْمُعْصِيَاث اَتَاف نسْخَرِّيق خ يِيخف نّغ وَاهَا، أَتَاف لْحَقِيقَا وَار ذَايْنغ ثْزدّغ شَا.