1 أيث-كورينث 15:6 - ثريفيث 2020

⁶ منْبَعْد يمظْهَار-اَسن-د إِ كْتَار زِي خمْسْمِيَّا ن وَاوْمَاثن ذِي ثْوَاڒَا ذ يشْتن. نِثْنِي عَاذ دَّرن عْڒَاين مَارَّا إِذْسن، ڒبْعَاض زَّايْسن اَقَا طّْصن يعْنِي مُّوْثن.

1 أيث-كورينث 15:6 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 28:10

ڒخْدّنِّي ينَّا-ٱسنْت عِيْسَى: "وَار تݣّْوْذنْت شَا. رُوْحنْت سِيوْضنْت ڒخْبَار إِنِينْت إِ أَيثْمَا: رُوْحث غَار ثْمُوْرْث ن لْجَلِيل ذِنِّي إِي ذَايِي غَا ثࢲرم."

مرقس 16:7

رُوْحنْت كنِّينْت ڒخُّو غَار يمحْضَارن نّس ذ بُطْرُس إِنِينْت-اَسن اَقَا عِيْسَى يرُوْح اَذَاوم يزْوَار غَار ثْمُوْرْث ن لْجَلِيل اَكنِّيو يرَجَا ذِنِّي. أَث تَافم اَمشْنَاو مَامّش غَارْوم د يوصَّا زِي قْبڒ."

ڒخذايم 13:36

لِأَنَّا دَاود ذِي زْمَان نّس وَامِي يكمّڒ مِين يخس أَربِّـي صَافِي يمُّوْث، ئِتْوَانْضڒ طَّارف إِ ڒجْذُوْذ نّس صَافِي يكِيشّو.

ڒخذايم 7:60

يوْضَا خ يفَادّن ينَّا-ٱس س جّْهذ: "آ سِيذِي، وَار خَاسن حسّب شَا ڒْمُعْصِيّث-أَ!" وَامِي ينَّا مَانَايَا صَافِي يفّغ-يث بُوْحْبڒ نّس.

1 أيث-كورينث 15:18

مَعْلِيك اَمنِّي، إِڒِي يِنِّي يطّْصن يعْنِي يِنِّي يمُّوْثن ذِي لْمَسِيح زَعْمَا صَافِي قَا فْنَان.

1 أيث-كورينث 15:20

فَا اَقَا ڒخُّو لْمَسِيح يتْوَاسكَّر-د زِي ڒْموْث، يعْنِي نتَّا ذ ثَفدْجَاحْث ثَمزْوَارُوْت إِي د يكَّرن زݣ يِنِّي يمُّوْثن.

1 أيث-سلونيك 4:13

فَا آي أَيثْمَا، وَار نخْس شَا اَذ تْقفْڒم إِ يِيخف نْوم عْلَاحْسَاب يِنِّي يطّْصن ذݣ يمضْڒَان بَاش وَار تْخيِّيقم شَا اَم يِنِّي نّغْنِي وَار ذِي يدْجِي بُو لْأَمَال.

1 أيث-سلونيك 4:15

عْلَاحْسَاب اَوَاڒ ن سِيذِيثْنغ نقَّار-اَوم قَا نشِّين يعْنِي يِنِّي عَاذ يدَّرن يعْنِي يِنِّي عَاذ يقِّيمن ذِي دُّنشْت-أَ خْمِي د غَا يَاس سِيذِيثْنغ قَا نشِّين وَار نتْݣَعِّيذ شَا ذ يمزْوُوْرَا خ يِنِّي يطّْصن ذݣ يمضْڒَان.

2 بطرس 3:4

أَذَاوم قَّارن قَا نتَّا يوْعذ اَذ د يذْوڒ، هِيوَا مَانِي يدْجَا؟ قَا زݣ وَامِي طّْصن ڒجْذُوْذ نّغ صَّالِحِين ذِي ڒْموْث قَاع ثِمسْڒَايِين-أَ ݣُّوْرنْت مَامش تُوْغَا ݣُّوْرنْت وَامِي د ثخْڒق دُّنشْت.