1 أيث-كورينث 15:54 - ثريفيث 2020

⁵⁴ مِين يفنَّان خْمِي غَا يغْمس س مِين وَار يفنِّين، ذ مِين يتْمتَّان خْمِي غَا يغْمس س مِين وَار يتْمتِّين، ڒخْدّنِّي اَذ د يفّغ مِين يُوْرِين ذِي لْكِتَاب: <ڒْموْث يسغْڒي-ت اَرْبَاح.>

1 أيث-كورينث 15:54 Խաչաձեւ Հղումներ

لوقا 20:36

وَار زمَّرن شَا اَذ مّْثن، أَذ يڒِين اَمشْنَاو لْمَلَائِكَاث. نِثْنِي ذ ثَارْوَا ن أَربِّـي، خڒْقن-د ذِي يُوْم لْقِيَامَا.

أيث-روما 1:23

بدّْڒن لْعَظَمَا ن أَربِّـي يدَّرن إِ ڒبْدَا س لْأَصْنَام يتْشَابَّاهن ذݣ يِوْذَان إِي غَا يفْنَان، ذ لْأَصْنَام يتْشَابَّاهن ذݣ يِجْضَاض ذ لْحَيَوَانَاث ذ مِين يتنْحُوْرُوْذن.

أيث-روما 2:7

أَذَاسن يُوْش ثُوْذَارْث وَار يفنِّين شَا إِ يِنِّي يصبَّارن تݣّن لْحَسَانَاث، لِأَنَّا رزُّوْن خ لْهِمَّا ذ ؤُوقَّار ذ ثُوْذَارْث نِّي يتْدُوْمَان.

أيث-روما 6:12

فَلِهَذَا يخصَّا وَار تجِّيم شَا ڒْمُعْصِيّث اَذ تحْكم خ دَّات نْوم إِي غَا يِفْنَان حمَا وَار تݣّم شَا اَرَّاي إِ شّهْوث نّس.

أيث-روما 8:11

ثُمَّا مڒَا يزدّغ ذَايْوم اَرُّوْح ن أَربِّـي إِي د يسكَّرن عِيْسَى زِي ڒْموْث، أَتَاف ونِّي إِي د يسكَّرن عِيْسَى زِي ڒْموْث اَذَايْوم د يَارّ ثُوْذَارْث ؤُڒَا ذِي دَّات نْوم يفنَّان يعْنِي س اَرُّوْح نّس إِي ذَايْوم يزدّْغن.

22 أيث-كورينث 4:11

لِأَنَّا نشِّين إِݣ يدَّرن نتْوَاسلَّام ڒبْدَا غَار ڒْموْث عْلَاحْسَاب عِيْسَى حمَا ثُوْذَارْث ن عِيْسَى اَذ د تْمظْهَار ذِي دَّات نّغ يتْمتَّان.

22 أيث-كورينث 5:4

لِأَنَّا خْمِي نتْغمَّاس س دَّات-أَ نّغ، تْبسَّاڒ خَانغ نشِّين عَاذ نْنهّك. إِيوَا وَار نْرزُّو شَا أَ نِيڒِي بْڒَا اَرُّوْض، نْرزُّو أَ نغْمس س دَّات نّغ ن وجنَّا، مَايمِّي؟ بَاش مِين يفنَّان اَث يسغْڒي مِين وَار يتْمتِّين.

2 أيث-سلونيك 1:10

مَانَايَا اَذ يوْقع ذِي يُوْم نِّي إِي د غَا يَاس سِيذِيثْنغ بَاش اَذ يتْوَاسمْغَار جَار صَّالِحِين نّس، نتَّا اَزَّايس تْعجّْبن مَارَّا يِنِّي يُوْمْنن، ذَايْسن كنِّيو مِينْزِي ثُوْمْنم زِي مِين خَاس نشْهذ.

لواحي ن يوحنا 20:14

ثْمنْضَار-د ڒْموْث ذ لْأَخِرَا ذِي ڒبْحَر ن ثْمسِّي. قَا ڒبْحَر نِّي ن ثْمسِّي نتَّا إِݣ يدْجَان ذ ڒْموْث وِيس ثْنَاين.

لواحي ن يوحنا 21:4

أَذ يمْسح كُڒ اَمطَّاو زِي ثِيطَّاوِين نْسن. وَار تْغِيمِي شَا عَاذ ڒْموْث نِغ ذ لْحُزن نِغ ذ يمطَّاون نِغ ذ ڒحْرِيق. أَقَا ثِمسْڒَايِين نِّي ثِمزْوُوْرَا صَافِي تْوَاكّْسنْت."