1 أيث-كورينث 15:19 - ثريفيث 2020

¹⁹ مَعْلِيك نݣَّا لْأَمَال نّغ ذِي لْمَسِيح عْلَاحْسَاب ثُوْذَارْث-أَ ثَانِيتَا وَاهَا، إِڒِي س مَانَايَا نتْزِيدْجِيز إِ يِوْذَان زَعْمَا كْتَار زݣ يِوْذَان مَارَّا.

1 أيث-كورينث 15:19 Խաչաձեւ Հղումներ

لواحي ن يوحنا 14:13

سْڒِيغ إِ يِجّن ن ثْمِيجَّا زݣ وجنَّا ثقَّار: "أَرِي مَانَايَا: سَّعْذ ن يمتِّينن إِي غَا يمّْثن سَّا اَڒ ثْسَاونْت ؤُمْنن زِي سِيذِيثْنغ." أَرُّوْح ن أَربِّـي يقَّار: "وَاه، حمَا اَذ ريّْحن زِي تَمَارَا نْسن ڒَاحقَّاش ذفَّارنْت-ثن لْحَسَانَات نْسن."

1 بطرس 1:21

زَّايس نتَّا إِي زِي تَامْنم زِي أَربِّـي إِي ثِيذ يسكَّرن زݣ يمتِّينن، يُوْشَا-ٱس لْعَظَمَا بَاش تِّقث نْوم ذ لْأَمَال نْوم تِيڒِين ذِي أَربِّـي.

2 تيموتاوس 1:12

خ سَّبَاب-أَ نش قَا تْعدَّابغ خ مَارَّا ثِمسْڒَايِين-أَ ثِيْنَا وَلَكِن وَار تْسذْحِيغ شَا، نش سّْنغ ونِّي إِي زِي ؤُمْنغ. تيّْقغ نتَّا يزمَّر اَذ يحْضَا لْأَمَانَا نِّي إِي كِذس جِّيغ حتَّا ٱڒ نْهَار نِّي اَنݣَّارُو.

ڒخذايم 14:22

ݣِّين ؤُڒ ذݣ يمحْضَارن نِّي، شجّْعن-ثن بَاش اَذ اَرْنِين ذِي لْإِيمَان نْسن. قَّارن-اَسن: أُو لَابُد اَخَانغ ثكّ اَطَّاس ن تَمَارَا بَاش نشِّين ڒْمُوْمِنِين أَ نَاذف ذِي ڒْمُلْك ن أَربِّـي.

2 تيموتاوس 3:12

ذ صَّح، مَارَّا ونِّي إِي يرزُّوْن اَذ يعِيش س لْإِيمَان يدْجَان ذِي عِيْسَى لْمَسِيح قَا اَذ يتْوَاعدّب.

يوحنا 16:33

قَّارغ-اَوم مَانَايَا حمَا اَذ تيْسِيم زَّايِي ڒهْنَا. ذِي دُّنشْت-أَ ثَانِيتَا اَخَاوم ثكّ ذَايس تَمَارَا، وَلَكِن شجّْعث يخف نْوم اَقَا نش ربْحغ دُّنشْت-أَ."

لوقا 21:34

مَا ثخْسم اَذ تشّم ؤُڒ نْوم؟ حْضَاث يخف نْوم زِي لْمَدّْلَا ن سّكْرَا ذ وَاطَّاس ن شّْرب ذ ڒهْمُوْم ن دُّنشْت-أَ. قَا اَذ د يَاس نْهَار نِّي اَنݣَّارُو عْلَاغَفْلَا اَم يِجّن ن ثخْشفْث.

1 أيث-سلونيك 1:3

نتْخمَّام زَّاث ن أَربِّـي يدْجَان ذ بَابَاثْنغ مشْحَاڒ يخدّم لْإِيمَان نْوم، مشْحَاڒ ثربّڒ ڒمْحِبّث نْوم، أُو مشْحَاڒ يصبَّر لْأَمَال نْوم ذِي سِيذِيثْنغ عِيْسَى لْمَسِيح.

لوقا 8:14

زَّرِّيعث نِّي إِݣ يوْضَان جَار يسنَّانن نتَّاث اَم يِوْذَان إِي تسْڒَان إِ وَاوَاڒ ن أَربِّـي، وَلَكِن ذغْيَا تمْجيَّافن س ومْنُوْس ذ وَاݣْڒَا ذ شّهَاوَاث ن دُّنشْت-أَ وَار نفّْعن شَا.

أَسڒْمذ ن سِيذِيثْنغ عِيْسَى لْكِتَاب ن مَتَّى 24:9

سّنِّي اَكنِّيو سلّْمن يِوْذَان حمَا اَكنِّيو عدّْبن، أَكنِّيو نْغن. مَارَّا دُّوَل اَكنِّيو عِيفّن عْلَاحْسَاب يسم ينُو.

2 تيموتاوس 2:4

وَار ذِنِّي بُو شَان وعسْكَارِي إِݣ يتمْخُوْمْبُوْرن ذِي دُّوْر نّس ذِي ثْمسْڒَايِين ن دُّنشْت-أَ ڒَاحقَّاش يرزُّو اَذ يَارْضَا خ ونِّي إِي ث يَارِّين ذ اَعسْكَارِي.

يوحنا 16:2

أَكنِّيو طرْدن زِي ثمْزِيذَاوِين. عَاذ اَذ د تَاس ڒْوقْث اَذَاس يتْغِير إِ ونِّي إِي كنِّيو غَا ينْغن بلِّي يتݣّ لْأَجَار إِ أَربِّـي.