1 أيث-كورينث 14:24 - ثريفيث 2020

^24-25 وَلَكِن، مڒَا ثسَّاوَاڒم مَارَّا كنِّيو س وَاوَاڒن إِي ثْعڒْمم زِي أَربِّـي يُوْذف-د جَارَاوم حَدّ زِي بَارَّا نِغ ذ يجّن ن لْكَافِر، أَتَاف اَذ يحسّ ذݣ يِيخف نّس قَا اَذ يتْوَاحَاسب اَذ يقْنع زَّايْوم مَارَّا نتَّا ذ لْعَاصِي، أَتَاف اَزَّايس تْوَاسُوْفْغن مَارَّا لْأَسْرَار ن وُوْڒ نّس. ثُمَّا اَذ يسجّذ اَذ يعْبذ أَربِّـي اَذ يِينِي قَا أَربِّـي ذ صَّح اَقَاث جَارَاوم!

1 أيث-كورينث 14:24 Խաչաձեւ Հղումներ

1 أيث-كورينث 2:15

أَمَّا بْنَاذم ونِّي غَار يدْجَا اَرُّوْح ن أَربِّـي. ئِتْميَّاز مَارَّا ثِمسْڒَايِين، نتَّا وَار ذَايس يتْمِيِّيز حَدّ.

ڒخذايم 2:37

ئِوذَان نِّي وَامِي سْڒِين إِ وَاوَاڒ-أَ، ؤُڒَاون نْسن شمْضن. كَّرن نَّان-اَس إِ بُطْرُس ذ اَرُّسُل نّغْنِي: "آي اَيثْمَا، مِين غَا نݣّ؟"

يوحنا 4:29

"أَرَاحم-د اَذ تࢲرم يجّن ن ورْيَاز ينَّا-ٱيِي مَارَّا مِين ݣِّيغ. يمْكن ذ لمَسِيح نِغ؟"

يوحنا 16:8

خْمِي د غَا يَاس، أَذ د يسْبيّن إِ يِوْذَان ن دُّنشْت غَلْطن خ ڒْمُعْصِيّث ذ مِين يصڒْحَان ذ لْحِسَاب.

1 أيث-كورينث 14:1

ذْفَارث اَبْرِيذ ن ڒمْحِبّث، رْزُوْث مْلِيح خ لْقُدْرَاث رُوْحِيَاث خَاصَّتَن ثنِّي ن وَاوَاڒ يتْوَاعڒْمن زِي أَربِّـي.

1 أيث-كورينث 14:16

مڒَا تْشكَّرذ أَربِّـي س اَرُّوْح وَاهَا، ونِّي إِي غَارْوم د يُوْسِين س زِّيَارَا وَار يزمَّر اَذ يِينِي آمِين خ شُّكر نّش لِأَنَّا وَار يسِّين شَا مِين ثقَّارذ.