1 أيث-كورينث 1:6 - ثريفيث 2020

⁶ ذَايْوم كنِّيو إِي د يسْمظْهَار أَربِّـي لْحَقِيقَا خ شْهَاذث نّغ خ لْمَسِيح.

1 أيث-كورينث 1:6 Խաչաձեւ Հղումներ

مرقس 16:20

نِثْنِي فّْغن بشَّرن يوْذَان ذِي مْكُڒ اَمْشَان. سِيذِيثْنغ اَقَاث اَكِذْسن، ئِسْمظْهَار-د ڒْحَقّ ن يِنِّي يتْبشَّارن س وَاطَّاس ن لْعَلَامَاث إِي ثن يذفَّارن.}

ڒخذايم 11:17

إِيوَا مڒَا يُوْشَا-ٱسن أَربِّـي إِ نِثْنِي اَمشْنَاو مِين ذَانغ يُوْشَا إِ نشِّين وَامِي نُوْمن زِي سِيذِيثْنغ عِيْسَى لْمَسِيح، مِين عْنِيغ نش بَاش اَذ عَارّْضغ إِ أَربِّـي؟"

ڒخذايم 11:21

سِيذِي أَربِّـي اَقَاث اَكِذْسن، اَطَّاس ن يِوْذَان ؤُمْنن ذوْڒن-د غَار سِيذِيثْنغ.

ڒخذايم 18:5

وَامِي د يخْضڒ سِيلَاس ذ تِيْمُوْتَاوُس زِي لْإِقْلِيم ن مَاسِدُوْنْيَا، ئِبْذَا بُوْلُس يخدّم غِير س تّبْشِير أُو صَافِي، ئِشهّذ إِ أَيث-إِسْرَائِيل بلِّي عِيْسَى نتَّا ذ لْمَسِيح.

ڒخذايم 20:21

عدْجْمغ إِ يسْرَائِيلِيْين ذ ييُوْنَانِيْين بَاش اَذ تُوْبن غَار أَربِّـي اَذ اَمْنن س سِيذِيثْنغ عِيْسَى.

ڒخذايم 20:24

وَلَكِن وَار تِيشّغ بُو لْهِمَّا إِ ثُوْذَارْث ينُو. نش اَذ كمّْڒغ مِينْخف د ؤُسِيغ ذ ڒْخذْمث إِي زِّي ذَايِي يكلّف سِيذِيثْنغ عِيْسَى، يعْنِي اَذ شهْذغ خ لْإِنْجِيل ن اَرْضَا ن أَربِّـي.

ڒخذايم 22:18

ࢲْرِيغ سِيذِيثْنغ ينَّا-ٱيِي: كَّر فّغ ذغْيَا زِي لْقُدْس مِينْزِي شْهَاذث نّش خَافِي وَار ت قبّْڒن شَا.

ڒخذايم 23:11

دْجِيرث نِّي يبدّ-د سِيذِيثْنغ غَار بُوْلُس ينَّا-ٱس: "اݣّ زْعَامث! مَامّش إِي زَّايِي ثْشهْذذ ذِي ثنْدِينْت ن لْقُدْس، أُو لَابُد عَاوذ اَزَّايِي ثْشهْذذ ذِي ثنْدِينْت ن رُوْمَا."

ڒخذايم 28:23

تَّافْقن اَذ مڒْقن يجّن ن نْهَار، تْمَارْنِين-د ينّغْنِي ؤُسِين-د غَارس اَطَّاس إِذْسن غَار ثدَّارْث مَانِي يقِّيم بُوْلُس. ئِبْذَا يتْحدَّاث-يثن زِي صْبَاح اَڒ وَامِي د يُوْوض وعشِّي نتَّا يشهّذ س ڒْمُلْك ن أَربِّـي، ئِخس اَثن يسقْنع س شَّرِيعَا ن مُوْسَى ذ لْكُتُب ن لْأَنْبِيَا خ عِيْسَى.

أيث-روما 15:19

يعْنِي س جّْهذ ن لْمُعْجِزَاث ذ لْبُرْهَانَاث إِي د يُوْسِين س جّْهذ ن اَرُّوْح ن أَربِّـي. أَمُّو إِي بشَّرغ س لْإِنْجِيل ن لْمَسِيح ذِي مْكُڒ اَمْشَان يعْنِي زِي ثنْدِينْت ن لْقُدْس اَڒ جْوَايه ن إِلِيرْيَا.

22 أيث-كورينث 12:12

ثِمسْڒَايِين نِّي إِي د يسْبِيَّانن نش ذ اَرَّسُوْل إِي دْجِيغ نِثنْتِي تُوْغَا تْوَاخڒْقنْت-يد جَارَاوم س يِجّن ن صّْبَر ذ اَمقّْرَان، يعْنِي لْعَلَامَاث ذ لْمُعْجِزَاث ذ لْبُرْهَانَاث.

أيث-ݣلاطيا 3:5

إِذن، مَامّش ذَاوم د يتِيشّ أَربِّـي أَرُّوْح يقدّْسن يتݣّ جَارَاوم لْمُعْجِزَاث؟ وَاش خْمِي تْطَاعَام إِ شَّرِيعَا ن مُوْسَى؟ لَّا، خْمِي تسْڒَام لإِنْجِيل تَامْنم زَّايس.

2 أيث-سلونيك 1:10

مَانَايَا اَذ يوْقع ذِي يُوْم نِّي إِي د غَا يَاس سِيذِيثْنغ بَاش اَذ يتْوَاسمْغَار جَار صَّالِحِين نّس، نتَّا اَزَّايس تْعجّْبن مَارَّا يِنِّي يُوْمْنن، ذَايْسن كنِّيو مِينْزِي ثُوْمْنم زِي مِين خَاس نشْهذ.

1 تيموتاوس 2:6

نتَّا يصدّق ثُوْذَارْث نّس ذ يجّن ن لْفِدْيَا بَاش اَزَّايس يسنْجم مَارَّا يوْذَان، مَانَايَا اَذ يتْوَاشْهذ ذِي ڒْوقْث نّس.

2 تيموتاوس 1:8

إِذن وَار تْسذْحَا شَا اَذ تْشهْذذ خ سِيذِيثْنغ نِغ خَافِي نش إِي يدْجَان ذ اَمحْبُوْس عْلَاحْسَاب نتَّا؛ لَّا، قبّڒ اَعدَّاب نِّي يدْجَان عْلَاحْسَاب لْإِنْجِيل، س جّْهذ ن أَربِّـي.

لواحي ن يوحنا 1:2

أُو نتَّا ذ شَّاهد خ مَارَّا مِين يࢲْرَا، يعْنِي خ وَاوَاڒ ن أَربِّـي ذ مِين خف يشْهذ عِيْسَى لْمَسِيح.

لواحي ن يوحنا 1:9

نش ذ يُوْحَنَّا ذ ؤُمَاثْوم، شرّْشغ اَكِذْوم ذِي ڒمْحَاين ذ ڒْمُلْك ن أَربِّـي ذْ صّْبَار إِݣ يدْجَان ذِي عِيْسَى. تُوْغَا دْجِيغ ذِي ثيْزِيْرْث ن بَطْمُس عْلَاحْسَاب اَوَاڒ ن أَربِّـي ذ مِين خف يشْهذ عِيْسَى.

لواحي ن يوحنا 12:11

غڒْبن-ث اَيثْمَاثْنغ س يذَامّن ن يِزْمَار ذ شْهَاذث نْسن. ثُوْذَارْث نْسن وَار خَاسن ثْعِيزّ شَا، وجْذن اَذ مّْثن.

لواحي ن يوحنا 12:17

ئِغْضب بُو-سبْعَا-يزدْجِيفن خ ثمْغَارْث نِّي يرُوْح اَذ يحَارب س مِين يقِّيمن زِي دُّوْرِّيث نّس، يعْنِي يِنِّي يتݣّن اَرَّاي س ڒُوْصِيَاث ن أَربِّـي تطّْفن خ مِينْخف يشْهذ عِيْسَى.

لواحي ن يوحنا 19:10

وْضِيغ-اَس غَار يضَارن نّس حمَا اَذَاس سجّْذغ. ئِنْدق-د ينَّا-ٱيِي: "لَّا! قَا نش ذ ڒْعَبْذ اَم نش اَم شك اَم اَيْثْمَاش إِي طّْفن خ مِينْخف يشْهذ عِيْسَى. سجّذ-اَس إِ أَربِّـي! ڒَاحقَّاش مِينْخف يشْهذ عِيْسَى نتَّا ذ اَرُّوْح ن لْأَنْبِيَا."

لواحي ن يوحنا 6:9

ئِزْمَار نِّي وَامِي يرْزم اَشمَّاع وِيس خمْسَا، ࢲْرِيغ سْوَادَّاي إِ ڒْمذْبَح بُوْحْبڒ ن يِنِّي يتْوَانْغن عْلَاحْسَاب اَوَاڒ ن أَربِّـي ذ شْهَاذث إِي شهْذن.