तीतुस 3:7 - परमेस्वर को सच्चो वचन

⁷ ताकी बाके अनुग्रह से हम परमेस्वर के संग सई रिस्ता मैं रखे जामैं, और अनंत जिंदगी के वारिस बनाै जोकी हमैं आसा है।

राना थारु नयाँ नियम

⁷ ताकी हम कभी फिर नाश नाए होन बारो जीबन पानके आसरा करपामएं, जो परमेश्वर हमके अपने सन्तानके रुपमे देनके बाचा करीहए। और हम जाके बारेमे पक्का हएं, काहेकी परमेश्वर अपने अनुग्रहके द्वारा हमके अपने सँग ठिक ठहिराइ हए।

तीतुस 3:7 Խաչաձեւ Հղումներ

मत्ती 25:34

तौ राजा अपने दहने घाँईं बारेन से कहैगो, ‘मेरे परम दऊवा के धन्य आदमियौ, तुम आबौ, बौ राज्य के हकदार हुई जाबौ, जो दुनिया के सुरु से तुमरे ताहीं समारो गौ है।

मर्कूस 10:17

ईसु हुँआँ से निकरकै रहामैं जातै रहै, तौ एक आदमी भाजत भौ बाके झोने आओ, और बाके अग्गु घूँटे टेक कै बासे पूँछी, “अच्छो गुरुजी, अनंत जिंदगी पान ताहीं मैं का करौं?”

रोमियों 11:6

उनकी पसंद अनुग्रह मैं आधारित है, बे जो करी हैं बामै नाय। अगर परमेस्वर की पसंद मैं लोग का करथैं, जाके आधार मैं, तौ उनकी किरपा सच्ची की किरपा नाय होगी।

रोमियों 3:24

लेकिन बाकी दया और बाके छुटकारा से जो ईसु मसीह मैं है, सेंत-मेंत मैं धर्मी हुई जाथैं,

रोमियों 3:28

काहैकि हम जौ नतीजा मैं पहोंचे हैं कि एक आदमी कै बिस्वास के जरिया परमेस्वर के संग धर्मी मानो जाथै, और ऐसो करन से नाय कि नियम का कहथै।

रोमियों 4:16

और जहे बजह से वादा बिस्वास और अनुग्रह मैं आधारित रहै, ताकी वादा कै अब्राहम के सबै बंसज के ताहीं परमेस्वर के मुफ्त उपहार के रूप मैं पक्को करनो चाहिए सिरफ बे आदमिन के ताहीं नाय जो नियम को पालन करथैं, पर बे आदमिन के ताहींयों जो अब्राहम के जैसी मानथैं काहैकि अब्राहम हम सबन को आत्मिक दऊवा है;

रोमियों 4:4

काम करन बारे आदमी कै दिहाड़ी देनो दान ना होथै, लेकिन बाको अधिकार होथै।

रोमियों 8:17

और अगर बालका हैं तौ बाके वारिस हैं, बल्किन परमेस्वर के हकदार और मसीह के संगी हकदार हैं, कि जब हम बाके संग दुख उठामैं तौ बाके संग महिमा पांगे।

1 कोरिन्थी 6:11

और तुम मैं से कित्ते समर्पित रहैं, लेकिन तुम प्रभु ईसु मसीह के नाओं से और हमरे परमेस्वर की आत्मा से धोए गै हौ, और पवित्र भै और धर्मी बने।

गलातियों 2:16

तौभी हम जानथैं कि एक इंसान सिरफ ईसु मसीह मैं बिस्वास करन के जरिया परमेस्वर झोने धर्मी ठहराओ जागो, हमउँ ईसु मसीह के ऊपर बिस्वास करथैं कि हमरे बिस्वास के जरिया परमेस्वर के झोने धर्मी ठहराव जामैं, और नाय कि जामैं नियम की जरूरत है। काहैकि कोई भी नियम जरूरत के जरिया परमेस्वर के संग सई नाय समझो गौ है।

गलातियों 3:29

और अगर तुम मसीह के हौ, तौ अब्राहम के पीढ़ी और वादा के जरिया बारिस भी हौ।

गलातियों 4:7

तभईये तू अब दास नाय, बल्कि एक लौड़ा या लौड़िया है; और बौ बहे है जो तुम हौ, परमेस्वर तुमकै बौ सब देगो जो बाके बारिसन के ताहीं है।

2 थेसलोनिकी 2:16

हमरे प्रभु ईसु मसीह खुद और हमरे दऊवा परमेस्वर, जो हमरे संग अच्छाई और प्रेम करी अपने अटूट साहस अनुग्रह और मजबूत अनंत आसा और सांति दई है,

तीतुस 1:2

जौ बिस्वास और ग्यान अनंत जिंदगी की आसा ऊपर टिकी है। परमेस्वर, जो झूठ नाय बोलथै, हमैं समय के सुरुवात से पहले जौ जिंदगी देन को वादा करी।

तीतुस 2:11

काहैकि परमेस्वर को अनुग्रह सब इंसान के उद्धार को कारड़ है।

तीतुस 2:13

जैसो कि हम बौ आसीस के दिन को इंतजार करथैं जोकी हमैं आसा है, जब हमरे महान परमेस्वर और उद्धारकर्ता ईसु मसीह की महिमा दिखाई देगी।

हिब्रू 1:14

का बे सब परमेस्वर की सेवा करन बारे स्वर्गदूत की आत्मा नाय हैं; जो उद्धार पानबारे की सेवकाई करन के ताहीं पनारे जाथैं?

हिब्रू 11:7

बिस्वास से नूह बे बातन के बारे मैं जो बौ समय दिखाई नाय पड़त रहैं, चितौनी पाएकै भक्ति के संग अपने परिवार के बचाव के ताहीं जहाज बनाई, और बाके जरिया परमेस्वर पूरे दुनिया कै दोसी ठहराई; और बौ धार्मिकता को बारिस भौ, जो बिस्वास से होथै।

हिब्रू 11:9

बिस्वास से बौ वादा करे भै देस मैं परदेसी रहकै इसहाक और याकूब समेत जो बाके संग बहे वादा के वारिस रहैं, तम्बुन मैं बसेरा करी।

हिब्रू 6:17

परमेस्वर भी खुदकै एक कसम के संग भाँदी, ताकी जो लोग वादा कै पाईं हैं बे पूरी तरहन से संतुस्ट हुई सकैं कि बौ अपनो मन कहु ना बदलैगो।

याकूब 2:5

सुनौ, मेरे प्रिय भईय्यौ और बहेनियौ! का परमेस्वर जौ दुनिया के कंगालन कै नाय चुनी कि बे बिस्वास मैं सेठ और राज्य के अधिकारी होमैं जोकी बौ उनसे वादा करी है जो बासे प्रेम करथैं।

1 पतरस 3:7

बैसिये तुम लोगन कै अपनी बईंय्यरन के संग ठीक समझ के संग रहनो चाहिए कि बे तुमसे नाजुक हैं। उनके संग आदर से पेस आबौ, काहैकि बे भी, तुमरे संग, जिंदगी को परमेस्वर को वरदान लेमंगी। ऐसो करौ कि तुमरी प्रार्थना मैं कछुए बाधा न पड़ै।