प्रकाश 8:10 - परमेस्वर को सच्चो वचन

¹⁰ फिर तीसरो स्वर्गदूत तुरहई फूँकी। और एक बड़ो तारा जो मसाल के तराहनी जलत भौ स्वर्ग से टूटो और नदिया के एक तिहाई पानी के झरना मैं गिर पड़ो।

राना थारु नयाँ नियम

¹⁰ तिस्रो स्वर्गदूत अपन तुरही फुँकी; और जाके कारण, बादरसे पजरत ऊँका कता पज्रनडटो एक बडो तारा गिरो। और नदीयाके तिस्रो भागमे और ताजा पानीके मुहानमे गरिगओ।

प्रकाश 8:10 Խաչաձեւ Հղումներ

मत्ती 25:1

“बौ समय स्वर्ग को राज्य ऐसो होगो। एक बार दस कुवाँरी बईंय्यरैं रहैं, जो अपनी तेल की दिया लैकै दुल्हा से मिलन के ताहीं निकरीं।

लूका 10:18

ईसु उनकै जबाब दई, “मैं सैतान कै स्वर्ग से बिजली के हानी गिरत भइ देखो।

यहूदा 1:13

बे समुंदर की जंगली लहर के हानी हैं, जामैं उनके सर्मसार काम बुज-बुजा के तराहनी दिखाई देथैं। बे भटकत तारा के तराहनी हैं, उनके ताहीं परमेस्वर हमेसा बारी अंधियारो जघा ठहराई है।

प्रकाश 1:20

जो सात तारा तुम मेरे दहने हात मैं देखथौ, उनको और सोने की सात डीट को भेद जौ है: सात तारा सात कलीसिया के दूत हैं, और सात डीट सात कलीसिया हैं।”

प्रकाश 12:4

बौ अपनी पूँछ से आसमान से एक तिहाई तारन कै खींचकै पृथ्वी मैं फेंक दई, और बौ अजगर बौ औरत के सामने ठाड़गौ, कि जब बौ बालका पैदा करै तौ बौ बालका कै निगल जाबै।

प्रकाश 14:7

और बौ बड़ी ऊँची अबाज मैं कही, “परमेस्वर को आदर करौ और बाकी महानता की महिमा करौ! काहैकि बौ समय आए गौ है कि बौ सब लोगन को न्याय करै। जो स्वर्ग, पृथ्वी, समुंदर और पानी के सोता बनाई है बाकी आराधना करौ!”

प्रकाश 16:4

तौ तीसरो स्वर्गदूत अपनो कटोरा नदियन, और पानी के झरनन मैं उड़ेल दई, और बे खून मैं बदल गै।

प्रकाश 6:13

और आसमान के तारा पृथ्वी मैं गिर पड़े, जैसे बड़ी आँधी से हिलकै अंजीर के पेंड़ मैं से कच्चे फल झरथैं।

प्रकाश 8:7

पहलो स्वर्गदूत तुरहई फूँकी। खून से सने ओला और आगी पृथ्वी मैं बरसन लगे। और एक तिहाई पृथ्वी जल गई, और एक तिहाई पेंड़ और हरी घाँस एका एक जल गई।

प्रकाश 9:1

बाके बाद पाँचमों स्वर्गदूत तुरहई फूँकी। तौ मैं आसमान से पृथ्वी मैं एक तारा गिरत भइ देखो, और बाकै अधोलोक की चाबी दई गई रहै।

प्रकाश 9:15

बे चारौ स्वर्गदूतन कै छोड़ दौ गौ है; जो बौ घड़ी, और महेना, और साल के ताहीं इंसानन की एक तिहाई कै मार डारन कै तैयार करे गै रहैं।

प्रकाश 9:18

जे तीनौ महामारियन: मतलब आगी, धुआँ, गंधक जो घोड़न के मोहों से निकरत रहै, बासे इंसान एक तिहाई मर गै।