ท​เน​โพล​ทาง 20:12 - Northern Pwo Karen Thai Bible

¹² จ แด แบ โพล้ง พี่ อ ซี๊ง ไฆวะ เย้า เลา ดี๊ โพล้ง ดู โพล้ง ปี๊, ชี๊เทิง ลู่ง ท ล่าง ชี๊น้าง ยู่แคว่ เท่อ นอ อ เมะแซ พ้า บี่ ซุ้ๆ, ล้อ, ไละ แบ ท อุ้พ้ะ ทาง-อ้ะ ตบลึ้ ปะ, ฌ้อง ไละ โอ ล ปะ เด้าะ แบ ท อุ้พ้ะ ทาง-อ้ะ ปะ, อ นอ เก ไละ ท ม๊า โพล้ง พี่ อ ซี๊ง เย้า นอ แบ ท ต้ะเซ๊ง-อ้ะ ท๊อง ล แฌ้ๆ, อ ท ไพ้ะ ท แม้ พี่ ท กวิ้ไน เว้ เว๊ ไละ ล แพ นอ อ พ้า

ท​เน​โพล​ทาง 20:12 Խաչաձեւ Հղումներ

ทอางปฆ้า 28:4

เกม๊าเต้ แม้ช๊าแกไท้-อ้ะ, บี่ซุ้ดี๊ อ ทไพ้ะ ทแม้ นอ ดี๊ บี่ซุ้ดี๊ ทอ้าทซ๊าง ลู่ง อ ทไพ้ะทแม้ นอ เกม๊าเต้ แม้ช๊าไท้-อ้ะ, บี่ซุ้ดี๊ อ จูงล่างคางคู ดี๊ ม๊าแกไท้-อ้ะ ท๊อง อเกิ้งอด้าง

ทอางปฆ้า 62:12

ทอดูทึโท๊ทึ จ กแช่แยว้-เอ้อ, ทเอทกวี้ง พี่ อเฌิ่งอค๊า นอ, เก กแช่แยว้ อ เท่อ เมะเว๊ กแช่แยว้ ล้อ, แม้ช๊าไท้ เอะ โพล้ง ล แฌ้ๆ บี่ซุดี๊ อ กแช่ อ ทไพ้ะทแม้ นอ ล้อ

ทอางปฆ้า 69:28

เกม๊าเต้ อซื๊งเว๊ แบ ทแม้ไฆวะ-อ้ะ ลู่ง ไละ ทม๊า พ้า นอ เกม๊า อ ซื๊งเว๊ กวิ้ล้างไน เม้ง, ลู่ง โพล้ง ทแบกแช่แยว้อซ้ะ นอ, อซุ้อแกล้ พ้า ล ฌี้

ทอางด้อง 24:12

น เมะ ไจ้ะ บี่อี้ง, “แคว่เซ้อ, กซื๊งเว๊ ก ล ซีงแฌ๊ ท ล ไฌ่ อี้ง แบ” กแช่แยว้ พี่ แคว่ที๊งแคว่โต้ เซิงซ้ะ นอ, ม ล ซีงแฌ๊ แบ-อ้า? กแช่แยว้ พี่ ยู่ทะแคว่ทะ น ทโอม๊า นอ, ม ล ซีงแฌ๊ แบ-อ้า? ดี๊ กแช่แยว้ ม ล แม้ช๊าไท้ โพล้ง กุ้แฌ้, บี่ซุ้ดี๊ อ ทไพ้ะทแม้ นอ แบ-อ้า?

ทอางด้อง 24:29

โล้ เท่อ ไคล้ เท่อ บี่อี้ง ล ฌี้, “จ ม แม้ เอะ-อ้ะ ด้องซุ้ พี่ อ เว๊ แม้ เอะ แย้ เย้า จ ม แม้ช๊าไท้ อ เว๊ บี่ซุ้ดี๊ อ ทแม้ นอ ล้อ”

ทโกงซีมองแบ 12:14

อไฌ่บี่อี้ง, กแช่แยว้ ม แม้นี่ ทไพ้ะทแม้ กุ้เม้ง นึฆ้าง ลู่ง ทต้ะเซ๊ง พ้า, ล พ๊าฆ่าง ดี๊ ท คิ้ซูงคิ้บีง กุ้เม้ง, พี่ อ ฌี้ เมะฌี้, อ อ้า เมะฌี้

เยเรมี 17:10

“เฆ้อ, เมะเว๊ กแช่ยาเว แคว่ที๊งแคว่โต้ ซ้ะ ดี๊ ลอง แม้แคว่ดุ้ ซ้ะ ล้อ บี่ซุ้ เกล๊าง เอะ โพล้ง กุ้แฌ้ บี่ ซุ้ ดี๊ อ กแช่ ท แม้ ทอาง บี่ซุ้ดี๊ อ ทไพ้ะทแม้ พี่ แม้ เว๊ ล เม้งๆ, นอ”

เยเรมี 32:19

กแช่แยว้ อดูอโท๊ ลู่ง ท เนฌ้าโล้ฌ้า พ้า, อดู้งอยางอซยื๊งอซย้องแอทึ ลู่ง ทไพ้ะทแม้ พ้า, กแช่แยว้ อ เมะคลี๊ง แด กโพล้ง อเกล้อพ้า กุ้ บ้อง, เกล๊าง รางวาง เอะ โพล้ง กุ้แฌ้, บี่ซุ้ดี๊ อ กแช่ อ เกล้, ดี๊ บี่ซุ้ดี๊ อ ทไพ้ะทแม้ อซูงอแซ นอ ล้อ

ดานีเอง 7:10

มี อ กล้อง ซยุ้ทาง ดี๊ แยว้ล้าง ลู่ง อ เมะแซ พ้า โพล้ง อ แฌ้ ลู่ง อ ล้าง พ้า แม้ เอะ อ เท่อ โพล้ง อ แฌ้ ลู่ง อ ล๊าง พ้า ลี้ฌูง-อ้ะ โพล้ง ต้ะเซ๊ง เท่อ ทาง ชี๊น้าง ล่างชี๊น้าง คู กเย่ ไละ ลแพ นอ เว่พ้ะทาง อ ซ้ะ

ม้ะทู 11:22

แบ เด้าะ จ โล้ เอะ น ซื๊ง อี้ง, ล นี้ง แย๊ ลู่ง กแช่ แยว้ ม ต้ะเซ๊ง เท่อ โคะ นอ, เฌง ทีโร ดี๊ ซีโดง อ เตา อ แต๊ ม แซย้ นี่ น ซื๊ง เว๊ ได้ะ

ม้ะทู 16:27

พี่ จ โล้ เท่อ อี้ง นอ, อ ไฌ่ บี่ อี้ง, โม่โคะ เด้าะ โพล้ง ฌางคู พู ม เฌ๊ ไท้ ดี๊ อ แพ่ อ ฆี๊ง อ แล้ อ โฌ่ง อ พ้าง ดี๊ อ มุ้คู พู, ล พ๊า แย๊ นอ โคะ, อ เว๊ ม เกล๊าง เอะ โพล้ง กุ้ อ แฌ้ อ บลึ้ อ บลาง-อ้า, อ เตา อ แต๊-อ้า, ฆวี๊ อ เกิ้ง ดี๊ ล แฌ้ๆ, อ ท แม้ นอ ล้อ

ลูกา 10:20

แบ เด้าะ พี่ ท มื้งแฆ่ ชู่ง น ซื๊ง นอ ซ้ะอวีง ซ้ะโทะ-อ้ะ ล ฌี้, ซ้ะอวีง ซ้ะโทะ พี่ น เม้ง แบ ท กวิ้ไน ลู่ง มุ้คู ล โค๊”

ท​แม้ 24:15

จ มื้งแล่ เท่อ ลู่ง กแช่ แยว้ ล เอ้า ฆ่าง ดี๊ อซื๊งเว๊ซีง ล มู๊ง นอ บี่ อี้ง, กเย่ โพล้ง ลู่ง อ โต้ ฌี้, ล โต้ แบ ฌี้, ม เฌ้เทิง ม๊า ทาง ไท้ เว๊ ล้อ

โรมา 2:6

อ ไฌ่ บี่ อี้ง อ เว๊ ม เกล๊าง เอะ โพล้ง กุ้ แฌ้ อ เท่อ, พี่ อ เกิ้ง ดี๊ อ ท ไพ้ะ ท แม้

1​โคเรง 4:5

ท บี่ นอ, ต้ะเซ๊ง วี่ง โพล้ง พี่ ล ท้อง อ แค๊ ได้ะ แบ นอ ล ฌี้, น ซื๊ง แบ โอ คุ้ ท้อง กแช่ เยซู คริ้ ม เฌ๊ ไท้ โคะ, อ เว๊ ม แม้ นี่ ท โอ คิ้ซูง คิ้บีง ลู่ง ท ไค้ะ แกล้ นอ, ม ปล้ะ ล้าง เว๊ ลู่ง ท พ้าง, ดี๊ ม แม้ โพล ทาง โพล้ง อ ท ช๊องมอง ลู่ง อ ซ้ะ พ้า, ฌ้อง นอ กแช่ แยว้ ม อางปฆ้า แบ โพล้ง กุ้ อ แฌ้, พี่ อ เกิ้ง อางปฆ้า

2​โคเรง 5:10

อ ไฌ่ บี่ อี้ง, เฆ้อ กุ้ อ แฌ้ ก แบ ลี้ ลู่ง กแช่ เยซู คริ้ พี่ อ เก โพล้ง ต้ะเซ๊ง เท่อ ล แฌ้ นอ อ เมะแซ พ้า, บี่ ซุ้ กุ้ อ แฌ้ ม นี่ แบ เท่อ พี่ อ เกิ้ง ดี๊ อ ท แม้ ลู่ง ฌางคู โคล๊ง คู อี้ง นอ, เมะ ฌี้-อ้า ล ฌี้ แบ-อ้า

ฟีลิ้ปี 4:3

ดี๊ ซีซีโกะ ปะ, น เก จ ฌุ้พาง แม้ ฆึ เท่อ ดี๊ แย้ ลู่ง เซิง โต้ ซ้ะ โต้, จ แบ ซ้ะ เกม๊า น แม้ช้า โพล้ง มืง คี๊ง แฌ้ นอ เกม๊า อ โอ ฆู๊ง โอ พุ้ โละ อ ซ้ะ, อ ไฌ่ บี่ อี้ง, อซื๊งเว๊ คี๊ง แฌ้ แม้ ฆึ เท่อ ดี๊ แย้ น้ะ ลู่ง อ โล้ ล้าง กแช่ เยซู คริ้ อ ไฌะ อ ไฌ่, ดี๊ แม้ ซกุ้ เท่อ ดี๊ เคเลเมง ดี๊ จ ฌุ้พาง อ แฌ้แพ กุ้ อ แฌ้ พี่ อ เม้ง โอ ลู่ง ไละ ท ม๊า พ้า

ท​เน​โพล​ทาง 11:18

โพล้ง ล แบ้ แยว้ แบ ล แพ นอ อ เซิงทาง ซ้ะไฌ๊ แน้ น เซิงทาง ซ้ะไฌ๊ ปะ ท้อง อ แค๊ เย้า พี่ โพล้ง ซี๊ง ม แบ ท ต้ะเซ๊ง-อ้ะ ท้อง อ แค๊ เย้า น เพล่ น บาง ซีง, เมะ เว๊ โม ไคล้ คิ้ กแช่ แยว้ ดี๊ น พู น ลี้ง กุ้ อ แฌ้, ดี๊ โพล้ง กุ้ อ แฌ้ พี่ อ ดู้ง แบ น เม้ง น แซ เลา ดี๊ อ ดู อ ปี๊ นอ ม นี่ แบ ท อ บลึ้ อ บลาง ดี๊ ท้อง อ แค๊ เย้า พี่ น ม แม้ เตา แม้ แต๊ โพล้ง พี่ อ แม้ เฌ๊ฌ้อง ฌางคู โคล๊ง คู”

ท​เน​โพล​ทาง 13:8

โพล้ง พี่ อ โอ ฌางคู โคล๊ง คู ม โบง ทาง แบ้ ทาง ท พูแฆ่ อ้า นอ, เมะ โพล้ง พี่ ล โบง ทาง แบ้ ทาง เว๊ แบ ล แพ นอ, อ เม้ง แบ ท กวิ้ไน-อ้ะ ไละ ท ม๊า พ้า ลู่ง ท ล ไต้ ล้าง ฌางคู โคล๊ง คู ได้ะ แบ เย้า, ไละ ล เบง นอ เก แกะ พู พี่ อ แบ ท แม้ ซี๊ง-อ้ะ ล แฌ้ นอ เว๊

ท​เน​โพล​ทาง 17:8

พี่ น แด แบ-อ้ะ นอ, ลู่ง อ ไยะ แค๊ อู้งนอ โอ ม๊า เว๊, แบเด้าะ ค๊องเนง อี้ง ล ม๊า ล้า แบ, เบ้า ม ไจ ทาง ท โยะคิ้ พ้า บี่ ซุ้ ม แบ ก้ะ ท แม้ เซงทื่งเฌ๊ฌ้อง-อ้ะ เย้า, โพล้ง กุ้ อ แฌ้ ลู่ง ฌางคู โคล๊ง คู พี่ อ เม้ง ล แบ ท กวิ้ไน-อ้ะ ไละ ท ม๊า พ้า, ลู่ง กแช่ แยว้ ล ไต้ ล้าง ฌางคู โคล๊ง คู ได้ะ แบ เย้า, โพล้ง ล แพ นอ ม ล้ะ เซิง ล้ะ ซ้ะ, ท่อง อ แด แบ ท พูแฆ่ อ้า นอ พี่ อ โอ ม๊า ลู่ง อ ไยะ แค๊, เมะ ค๊องเนง อี้ง ล โอ ม๊า ล้า แบ, แบเด้าะ ม โอ ทาง ได้ะ

ท​เน​โพล​ทาง 19:5

ท อ ลู่ง เซ๊ ทาง ลู่ง ท ล่าง ชี๊น้าง ยู่แคว่ เท่อ นอ ไจ้ะ เว๊ แด “น ซื๊ง กุ้ อ แฌ้ พี่ เก กแช่ แยว้ อ เพล่ อ บาง, พี่ อ ดู้ง แบ ยาง แบ กแช่ แยว้, เลา ดี๊ โพล้ง ดู โพล้ง ปี๊ นอ อางปฆ้า ทาง ก กแช่ แยว้ เซ้อ”

ท​เน​โพล​ทาง 2:23

กมืง ล แฌ้ อี้ง อ พู อ ลี้ง นอ จ ม แม้ ซี๊ง ไฆวะ-อ้ะ กุ้ อ แฌ้, ฌ้อง โพล้ง ทื๊ง ซยอง เท่อ กุ้ อ จอง นอ, ม ซีงแฌ๊ แบ เว๊ แย้ จ เก โพล้ง พี่ อ ซีงแฌ๊ ท ช๊องมอง, ดี๊ ท ซ้ะกวี้ง ล๊องก้อง ลู่ง กโพล้ง อ ซ้ะ พ้า, จ ม เกล๊าง เอะ น คางเล้ง ท๊อง ล แฌ้ๆ, เกิ้ง ดี๊ น ท ไพ้ะ ท แม้ นอ ล้อ

ท​เน​โพล​ทาง 20:11

ฌ้อง จ แด แบ ท ล่าง ชี๊น้าง ยู่แคว่ เท่อ อ แอว้ พ้ะดู ล ช๊อง, ดี๊ โพล้ง ชี๊น้าง เว๊ อ คู, ฌางคู โคล๊ง คู ดี๊ มุ้คู ล้างแม่ ไฆวะ ลู่ง อ เมะแซ พ้า, โพล้ง ล แด ฌางคู ดี๊ มุ้คู ล้า แบ

ท​เน​โพล​ทาง 20:13

โพล้ง พี่ อ ซี๊ง ปางเล พ้า นอ ปางเล โซ๊ง ไท้-อ้ะ, ท ซี๊ง ดี๊ พลื่ง ค่าง โซ๊ง ไท้ โพล้ง กุ้ อ แฌ้ พี่ อ โอ เว๊ อ พ้า นอ, ฌ้อง โพล้ง กุ้ อ แฌ้ แบ ท ต้ะเซ๊ง-อ้ะ ท๊อง ล แฌ้ๆ, อ ท ไพ้ะ ท แม้ นอ ล้อ

ท​เน​โพล​ทาง 20:15

กเย่ โพล้ง พี่ อ เม้ง ล แบ ท กวิ้ไน-อ้ะ ลู่ง ไละ ท ม๊า พ้า แบ นอ, แบ ท ไควะ ล้าง ไฆวะ-อ้ะ ลู่ง มี อ้า พ้า

ท​เน​โพล​ทาง 21:27

เท่อ พี่ อ แบ อ้า แบ ซ๊าง แบฆ้ะ ดี๊ ท ทื๊ง ท นะ อ ไฌ่, ดี๊ โพล้ง พี่ อ แม้ ท ล้าง ฌางแช้ ฌางเด ล้างลุ้ ล้างเช้ ดี๊ ไคล้ คีงอูง เท่อ นอ, นึ ฆ้าง เว่ง พ้า นอ ล ซี แบ เฆาะ, โพล้ง พี่ อ เม้ง แบ ท กวี้ไน-อ้ะ ลู่ง แกะ พู อ ไละ ท ม๊า พ้า ล แพ นอ ล้อ ม นึ ฆ้าง เว๊ ซี

ท​เน​โพล​ทาง 22:12

กแช่ เยซู ไจ้ะ เว๊, “คุ้ช๊องแน เมะ ฌี้ ไช้ะ, จ ม เฌ๊ ไท้ เพลๆ, อี้ง ล้อ, จ ม เกล๊าง เอะ โพล้ง กุ้ อ แฌ้ อ บลึ้ อ บลาง ฌี้, อ เตา อ แต๊ ฌี้, ท๊อง ล แฌ้ๆ, อ ท ไพ้ะ ท แม้ นอ ล้อ

ท​เน​โพล​ทาง 3:5

โพล้ง พี่ อ น้า เท่อ นอ ม ซุ้ แบ ไช๊ ลู่ง อ แอว้ บี่ นอ, จ ล เท้า ไฆวะ โพล้ง ล แฌ้ นอ อ เม้ง ลู่ง ไละ ท ม๊า พ้า นอ แบ, แบเด้าะ จ ม โล้ ล้าง อ เม้ง เติ้งต้าง ลู่ง แพ่ แยว้ ดี๊ อ มุ้คู พู ล แพ นอ อ เมะแซ พ้า