เกล้​ท​ซ้ะวี่ง 16:17 - Northern Pwo Karen Thai Bible

¹⁷ เกม๊า กุ้ แฌ้ เฌ๊ โชะ ดี๊ อ มีอ้าโด้ง ล่าง, ชวี๊งล้าง ทน๊าม๊า พี่ นอ, ดี๊ เกม๊า กุ้ แฌ้ เฌ๊ โชะ มีอ้าโด้ง ล่าง ลู่ง กแช่ยาเว อ เมะแซ พ้า, มีอ้าโด้ง ล่าง เลาพะ นอ, โอ คี๊ง แย้ เย่ ชี๊ง โด้ง, เลา ดี๊ แน้, ดี๊ อาโรง ล แฌ้ๆ, นอ เกม๊า ลี้ โชะ ดี๊ อ กแช่ อ มีอ้า อ โด้ง ล่าง”

เกล้​ท​ซ้ะวี่ง 16:17 Խաչաձեւ Հղումներ

ทไจทางไฆวะ 27:3

เกม๊า น ไต้นี่ พ้า อางกี ชวี๊งล้าง พี๊แคล, ดี๊ ไต้ทางนี่ ลูงไควะ, อ้าง, นาง ชิ้ ซ๊าแท่, มีอ้า ล่าง อ ไค๊กล้ะ, เมะเว๊ กเย่ เท่อ พี่ แบ เจ่-อ้ะ ลแพ นอ แม้-อ้ะ ดี๊ ท่องบ้าง กุ้เม้ง ซวะ

เอเซเคียง 8:11

ดี๊ อีซลาเอง อชื้ออชะ อ โพล้งเม้งโพล้งแซย่ เนว๊ชี๊ง แฌ้, ชี๊เทิง โอ ลู่ง ทฌ้าง ลแพ นอ อ เมะแซ พ้า, ดี๊ ชาฟาง อ พู ยาอาซางยา ชี๊เทิง โอ ลู่ง อ ซื๊งเว๊ ลแพ นอ อ โป้ง พ้า, ล แฌ้ๆ, นอ โอ ดี๊ มีอ้าโด้งล่าง ลู่ง อ จูง พ้า, ทน๊าม๊า อ กลื่ง ดี๊ อ คูง นอ, ดี้งทาง ลู่ง ท้ะโค๊

เกล้​ท​ซ้ะวี่ง 16:16

โมเซ ไคล้ ดี๊ โครา ไจ้ะเว๊, “ลู่ง โฌ้ โฆะ เกม๊า แน้ ดี๊ น มู๊ง น ซกุ้ เลาพะ นอ ลี้ฆ้าง ลู่ง กแช่ยาเว อ เมะแซ พ้า, เลา ดี๊ แน้ ดี๊, น มู๊ง น ซกุ้, ดี๊, อาโรง ปะ

เกล้​ท​ซ้ะวี่ง 16:18

ทบี่นอ อ ซื๊งเว๊ ลี้ โชะ อ มีอ้าโด้ง ล่าง, ล แฌ้ๆ, นอ แม้นี่ มี ดี๊ ทน๊าม๊า ชวี๊งล้าง เว๊ อ พ้า, ดี๊ อ ซื๊งเว๊ ลี้ ชี๊เทิง ลู่ง เกล้ นึฆ้าง เด้ทโอซยองอล่าง พ้า นอ ล พ๊า ฆ่าง ดี๊ โมเซ ดี๊ อาโรง

1ซามูเอง 12:7

ทบี่นอ, เกม๊า น ซื๊ง ชี๊เทิง ไก้ไม่, จ ม ต้ะเซ๊ง น ซื๊ง ลู่ง กแช่ยาเว อ เมะแซ พ้า, แบฆ้ะ ดี๊ กแช่ยาเว อ ทไพ้ะทแม้ ลู่ง อ เกิ้ง อ แบ กุ้เม้ง, พี่ อ เว๊ แม้ เอะ น ซื๊ง ดี๊ น พี๊ง น พู๊ง ลู่ง แย๊ อู้ง