เกล้​ท​ซ้ะวี่ง 15:31 - Northern Pwo Karen Thai Bible

³¹ เป๊งนี่ อ เว๊ ทื่งแช้ กแช่ยาเว อ ทไคล้, ดี๊ ลือค๊างพะ กแช่ยาเว อ ทอางแม้เลา, อ เว๊ ม แบ ทแม้ ไฆวะ-อ้ะ เต้ๆ, อ เว๊ แบ ฮะนี่ อ เตาอแต๊ ล้อ”

เกล้​ท​ซ้ะวี่ง 15:31 Խաչաձեւ Հղումներ

2​ซามูเอง 12:9

แบทเล้?, น ดึ้เดวทื่งแช้ กแช่ยาเว อลู่งอแท๊, แม้ ทอ้าทซ๊าง ลู่ง อ เว๊ อ เมะแซ พ้า, น แม้ซี๊ง อูรียา โพล้ง ฮีไท นอ ดี๊ น้ะ, น แม้นี่ก้ะ อ แม๊ เกก้ะ น แม๊, ดี๊ น แม้ซี๊ง-อ้ะ ดี๊ โพล้ง อางโมง อ น้ะ

ทอางปฆ้า 107:11

เป๊งนี่ อซื๊งเว๊ กไบล้ะกแบล ดี๊ กแช่แยว้ อลู่งอแท๊ ดี๊ ดึ้เดวทื่งแช้ กแช่แยว้, พี่ ดูทึโท๊ทึ อ ท เนฌ้าโล้ฌ้า นอ ล้อ

ทอางปฆ้า 119:126

ท้อง อช๊าอโท่ พี่ กแช่ยาเว ม แม้ ชิ้เทา เท่อ เป๊งนี่ โพล้ง ลือค๊างพะ กแช่แยว้ อ ท อางแม้เลา

ทอางปฆ้า 38:4

เป๊งนี่ จ ทอ้าทซ๊าง กลึ้ไบ้ะ จ คู อ ฆ๊า บี่ซุ้ดี๊ ทอวีงทยุ้, พี่ อฆ๊าอไชะ พะไฆวะ จไฌ่จแบ้

ทไจทางไฆวะ 30:33

โพล้ง แฌ้ ฌี้ๆ, เมะ แกย้ซยอง ทซู น๊าม๊า บี่อี้ง ฌี้, เจ่ เว๊ ลู๊งล้าง ลู่ง โพล้ง อ แฌ้แพ อ ล้อง ฌี้, โพล้ง ล แฌ้ นอ ม แบ ทแม้ไฆวะ-อ้ะ, ลู่ง จ พู จ ลี้ง อ แกล’, ”

ทอางด้อง 13:13

โพล้ง พี่ ดึ้เดว กแช่แยว้ อลู่งอแท๊ นอ, แม้เฌ๊ฌ้อง ไท้ อ กแช่ แบเด้าะ โพล้ง พี่ ทื๊งแบนะแบ ทซองทซ๊าง นอ, ม นี่แบ รางวาง

อีซยา 30:12

อกย้องบี่นอ, อีซลาเอง อ กแช่แยว้ พี่ อฌี้อแอว้ ไจ้ะเว๊ บี่อี้ง “เป๊งนี่ น ดึ้เดว ทไคล้ อี้ง ดี๊ อางกีล้าง ซ้ะ ลู่ง ท แคแน พ้า ดี๊ ท ลโต้ลล้อง แบ ดี๊ เปิ่ง ท ลแพ นอ

อีซยา 53:6

เฆ้อ กุ้แฌ้ เฌ๊พลุ้ไฆวะ เกล้ บี่ซุ้ดี๊ แกะ ล แฌ้ๆ, แกยไฆวะ อ ซ้ะ ลู่ง อ กแช่ อเกล้อพ้า แด เว๊ ดี๊ กแช่ยาเว อางกีล้าง ก ท เด้เทาเด้บ้ะ ลู่ง อ เว๊ อล้องอย่าง คู ล้อ

เอเซเคียง 18:20

โพล้ง พี่ อ กแช่ แม้ ทเด้บ้ะ นอ, ม แบ ซี๊ง ล้อ, พู ล แบ ฮะนี่ อ แพ่ อ ทเด้บ้ะ อเตาอแต๊ แบ, แพ่ ล แบ ฮะนี่ พู อ ทเด้บ้ะ อเตาอแต๊ แบ โพล้งแบกแช่แยว้อซ้ะ ม ฮะนี่ อ ทฌี้ทแอว้ อซูงอแซ, ดี๊ โพล้งอ้าโพล้งซ๊าง ม ฮะนี่ อ ทอ้าทซ๊าง อซูงอแซ ล้อ

เลวี​อ​ไฌ่ 26:15

ท เมะ กึ้แบฆวี้แบ แน้ ดี๊ ก ท อเค้อะอต้าง, ดี๊ น ซ้ะ แช๊เมะไฌ๊ซ้ะ ดี๊ ก ท อางกีล้าง, ดี๊ ล แม้โพะ ก ทซองทซ๊าง เลาพะ แบ, แบเด้าะ น แม้ เฌ๊ฌ้อง ก ท เอิ้งล้าง นอ

เลวี​อ​ไฌ่ 26:43

แบเด้าะ อ ซื๊งเว๊ แบ ไจแดไฆวะ ที๊งล่างค่างพ้า นอ, ดี๊ ที๊งล่างค่างพ้า, ม นี่ โอ ดี๊ อช๊าอโท่ มืงดืงเท่อ, ลว๊างแย๊ พี่ อ แบ ท ญ๊องไฆวะ โอโปล้ะก้ะ นอ, อซื๊งเว๊ ม ญ่อง ฮะนี่ อเตาอแต๊ พี่ นี่ แม้ไพ้ะ เท่อ, ลู่ง ท กึ้แบฆวี้แบ-อ้ะ, ดี๊ ก ท อางกีล้าง อกย้อง, ดี๊ อซื๊งเว๊ อเซิงอซ้ะ แช๊เมะไฌ๊ซ้ะ ดี๊ ก ท อเค้อะอต้าง นอ ล้อ

เลวี​อ​ไฌ่ 5:1

“โพล้ง พี่ แฌ้ เล้, เมะ แม้ ทเด้บ้ะ, เมะเว๊ แน่ฌ๊า ท โล้ล้าง กุ้นี่ พีงญาง, พี่ อ แด เว๊ ฌี้, ซีงแฌ๊ ท อ ไฌ่ ลู่ง ท กึทาง อ ซ้ะ พ้า พี่ เก บ้าคว่าง ฌี้, แบเด้าะ อ เว๊ ล ญ่อง โล้ล้าง เท่อ แบ นอ, อ เว๊ แบ ฮะนี่ อ ทไพ้ะทแม อเตาอแต๊ ล้อ

เกล้​ท​ซ้ะวี่ง 9:13

แบเด้าะ โพล้ง พี่ ล แบอ้า แบ, ดี๊ ล ลี้ เท่อ ไท้ เท่อ แบ, แบเด้าะ เมะ ล แม้ ทไฌ่ แม้มึอางอวีง ปาซกา แบ นอ, เกม๊า แม้ไฆวะ โพล้ง ล แฌ้ นอ ลู่ง โพล้ง ล ชื้อ ฆ่าง ดี๊-อ้ะ นอ อ แกล้, เป๊งนี่ อ เว๊ ล นี่ ลี้ โชะ ทเทว๊ ลื่งทาง เท่อ เอะ กแช่ยาเว บี่ซุ้ดี๊ ทอช๊าอโท่ อางกีล้าง เว๊, นอ แบ, อกย้องบี่นอ, โพล้ง ล แฌ้ นอ, แบ โท่ง ไท้ อ กแช่ อ เตาอแต๊ แด เว๊ นอ ล้อ

โล้​ล้างที๊ง​ทอางแม้เลา 17:12

โพล้ง พี่ แฌ้ เล้, เมะ ลือค๊างพะ เท่อ, ล แม้โพะ อ ไค๊ แบ, เมะเว๊ ล ชู่ง ล นะ โพล้งลื่งเท่ออคู, พี่ ชี๊เทิง แม้ กแช่ยาเว น กแช่แยว้ อ เท่อ พี่ นอ แบ ฌี้, ล ชู่ง ล นะ โพล้งต้ะเซ๊งเท่อ แบ ฌี้ นอ, โพล้ง ล แฌ้ นอ, แบ ซี๊ง ล้อ, ฌ้อง น ม แม้ไฆวะ ทอ้าทซ๊าง ลู่ง อีซลาเอง อซุ้อแกล้ พ้า

1​เทซาโลนีเก 4:8

ท บี่ นอ, โพล้ง ลู่ง อ ญ๊อง ไฆวะ ท ซอง ท ซ๊าง อี้ง ล แฌ้ๆ, นอ, ล เมะ ญ๊อง ไฆวะ กโพล้ง ฌางคู คู แบ, แบเด้าะ ญ๊อง ไฆวะ กแช่ แยว้ พี่ อ เกล๊าง เอะ น ซื๊ง อ วีง ฌี้ แล้ แอว้ ล แฌ้ นอ ล้อ

1เปโต 2:24

กแช่ เยซู คริ้ อ กแช่ แด เว๊ ล แฌ้ ล้อ, อวีง ไฆวะ ก ท เด้บ้ะ ดี๊ อ ล้อง อ ย่าง, ลู่ง เซง ป้างกิ้ อ ล้อง นอ, บี่ ซุ้ เฆ้อ ก ม ซี๊ง แด ไฆวะ ก ท เด้บ้ะ ซี, ดี๊ โอ ม๊า ก้ะ ลู่ง อ ฌี้ อ แอว้, ลู่ง กแช่ เยซู อ พ้าล่าง อ กย้อง นอ, น ซื๊ง แบ ท แม้ แบล เย้า

2​เปโต 2:21

อ ไฌ่ บี่ อี้ง, อซื๊งเว๊ เมะ ล ซีงแฌ๊ เกล้ ลู่ง อ ฌี้ อ แบ แบ นอ, ฌี้ นี่ พี่ อ ซีงแฌ๊ เว๊, ฌ้อง วีงโด้งโคล๊ง ไฆวะ อ ซ้ะ ดี๊ ทอางแม้เลา ลู่ง อ ฌี้ อ แอว้, พี่ ทอางกี ล้าง เอะ-อ้ะ เย้า

1ซามูเอง 3:14

เป๊งนี่ อ นอ, จ อืงล้าง เท่อ เอะ เอลี อชื้ออชะ บี่อี้ง, เอลี อชื้ออชะ อ ทเด้บ้ะ ดี๊ อ ทอ้าทซ๊าง นอ, ม แม้ล้างแม่ไฆวะ-อ้ะ, ดี๊ ทพูแฆ่ ลื่งทาง เท่อ ดี๊ ทเทว๊ นอ ล ซี แบ ล้างชู้”