23 “เกม๊า โล้ เอะ โพล้ง อีซลาเอง บี่อี้ง, งู้ ฌี้, แกะ ฌี้, แมะ ฌี้ อซูอไย้ นอ, เกม๊า น ซื๊ง อาง ล ฌี้
น งู้, น แกะ, น แมะ อ พู วี่แซย่ นอ, น แบ เทว๊ เอะ แย้ ปะ, เกม๊า อ พู โอ ดี๊ อ มื้งแซย่ เนว๊ นี้ง, เมะ ท้อง มื่ง โฆะ นี้ง ล นี้ง นอ ม๊า น แม้นี่ เฌ๊ เทว๊ เอะ แย้
ดี๊ โพล้งลื่งเท่ออคู ม แม้นี่ ทพูแฆ่ นอ อ ซวีง, ฆวีง แบ กแช่ยาเว อ ทลื่งล่าง, ลู่ง เด้ทโอซยองอล่าง อ เกล้ ป้ะตู๊งไท้ะ, ดี๊ เช้า อซูอไย้, เกม๊า อ เก ท อ กลื่ง พี่ แบ กแช่แยว้ อ ซ้ะ, เทว๊ เอะ กแช่ยาเว
กแช่ยาเว ไคล้ ดี๊ โมเซ ไจ้ะเว๊
อ ไฌ่ บี่ อี้ง โพล้ง ล ชื้อ โย้ นอ อ ซ้ะ ท่อง นี่ พ้ะ แบ เท่อ ล ซี ล้า แบ อ แน่ ตาง ดี๊ เบง อ เมะ เมะ ล เมะ บี่ นอ แบ ม แด แบ เว๊ ดี๊ อ เมะ ม แน่ฌ๊า แบ เว๊ ดี๊ อ แน่ ดี๊ ม ซีงแฌ๊ แบ เว๊ ลู่ง อ ซ้ะ พ้า ฌ้อง ม เฌ๊ ไท้ ฌู ไท้ แย้ ล้อ ดี๊ จ ม แม้ แบล โย๊-อ้ะ นอ ล้อ’, ”
เกม๊า ก แม้ ก ซ้ะ ลู่ง อ เกิ้ง บี่ ซุ้ โพล้ง พี่ อ โอ ลู่ง ท พ้าง, แม้ ได้ ซ้ะ ล ฌี้, ม้า ไซ้ะ ล ฌี้, แม้ กแม มืง กแม แคว๊ ล ฌี้, แม้ เท่อ ลู่ง อ ล้างลุ้ ล้างเช้ ล ฌี้, ติ้ โละ ไอ โละ ซ้ะ ล ฌี้, ไคว๊ โละ โญ้ง โละ ซ้ะ ล ฌี้
อ ไฌ่ บี่ อี้ง น ซื๊ง เมะ แม้ โพะ อ ไค๊ นอ น ซื๊ง ม ซี๊ง ล้อ, แบเด้าะ น ซื๊ง เมะ เกม๊า วีง ฌี้ แล้ แอว้ แม้ เฌ๊ฌ้อง ไฆวะ น ท แม้ ลู่ง อ อ้า อ ซ๊าง นอ, น ม โอ ม๊า ล้อ
เมะเว๊ โพล้ง พี่ อ อาง อ ทพูแฆ่ ลื่งทาง เท่อ อ ซู นอ ดี๊ โอ้ ไซ้ะ ซไบ้ะแซที๊ง, พี่ เก อ ทโอ้ ลื่งทาง เท่อ นอ เกม๊า ท กโช้งกแช่ ลแพ นอ, เฌ้เทิงทาง แม้ช้า แน้ เซ้อ เกม๊า ท กโช้งกแช่ ลแพ นอ, เก โพล้ง ด้างทะ แน้ เซ้อ
แบทเล้, น ซื๊ง ไย่เละค๊างพะ จ ทพูแฆ่ ลื่งทาง เท่อ, ดี๊ เท่อ พี่ เทว๊-อ้ะ ท๊อง ทอางแบเลา ลู่ง จ ล่างโอ อ ฌ่าง, ดี๊ แม้ฆี๊งแม้แล้ น พู คี๊ง แฌ้ นอ ดูเละ แย้, ดี๊ เมะเว๊ น ซื๊ง กแช่ บองอืง ดี๊ เท่อ พี่ อ ฌี้ ทึ, ลู่ง ทเทว๊ กุ้ พ๊า อ พ้า, พี่ แม้นี่ เว๊ ดี๊ จ พู จ ลี้ง โพล้ง อีซลาเอง นอ?’