เยเรมี 8:10 - Northern Pwo Karen Thai Bible

¹⁰ อกย้องบี่นอ, ก ม เกม๊า อ ซื๊งเว๊ อ แม๊, ลี้ เกก้ะ โพล้ง แฌ้แพ อ เท่อ เกม๊า อ เว๊ อ ฆึ้ อ ไชะ นอ, เกก้ะ โพล้ง พี่ ม ลู่ นี่ ก้ะ อ เท่อ นอ อ เท่อ เป๊งนี่ ล โค๊ ลู่ง โพล้ง พือทึปี๊ทึ ท้อง ลู่ง โพล้งดูทึโท๊ทึ นอ กุ้แฌ้ นอ, แน่แฌ่ แบซ้ะ นี่แบอางแบ เท่อ ลู่ง ลเกิ้งลแบ แบ ล โค๊ ลู่ง โมไคล้คิ้กแช่แยว้, ท้อง ลู่ง โพล้งลื่งเท่ออคู กุ้แฌ้ นอ, ล แฌ้ๆ, แม้ กไบล้ะกแบล เท่อ ล้อ

เยเรมี 8:10 Խաչաձեւ Հղումներ

โยบา 31:10

เกม๊าเต้ จ แม๊ ไฌะบลิ้ ฌื๊งไน้ะ เอะ โพล้ง อ แฌ้แพ ดี๊ เกม๊า โพล้ง อ แฌ้แพ ซย๊องล้าง อ ซ้ะ เคล้เท่งล้าง-อ้ะ

อีซยา 28:7

อ ซื๊งเว๊ ล แพ อี้ง, ว้างมื่งว้างไร้ะไฆวะ ดี๊ ไซ้ะ ซไบ้ะแซ ที๊ง บี่ซุ้ โละซ้ะ ปะ ดี๊ เด้งเค๊งแดฆ้าง ดี๊ ไซ้ะที๊งมี่จ้าง โพล้งลื่งเท่ออคู ดี๊ โมไคล้คิ้กแช่แยว้ นอ, ว้างไร้ะว้างพาง ดี๊ ไซ้ะที๊งมี่จ้าง อ ซื๊งเว๊ ลแพ นอ, คูเยิ้งแน่เยิ้ง ดี๊ ไซ้ะ ซไบ้ะแซ ที๊ง อ เว๊ เด้งเค๊งแดฆ้าง ดี๊ ไซ้ะที๊งมี่จ้าง อ ซื๊งเว๊ แด ท แด เว้ ลเมะลโต้ แบ อ เว๊ บึ้ทะ ลู่ง ท ต้ะเซ๊ง พ้า

อีซยา 57:17

ก ซ้ะทาง เป๊งนี่ ลู่ง ทเด้บ้ะ, แบฆ้ะ ดี๊ อ ท แน่แฌ่ ล๊องก้อง เท่อ อกย้อง ก พลี-อ้ะ, ก อางกีซูงไฆวะ เมะ ดี๊ ท ซ้ะทาง แบเด้าะ อ เว๊ ไท้ไท้ ลู่ง อ ซ้ะ อเกล้อพ้า แด เว๊ นอ ได้ะ

เยเรมี 14:14

ดี๊ กแช่ยาเว ไคล้ ดี๊ แย้ บี่อี้ง, “โมไคล้คิ้ เท่อ ลแพ นอ, โล้ กไบล้ะกแบล เท่อ ลู่ง กเม้งกแซ พ้า, ก ล นี่ เจ่ อ ซื๊งเว๊ แบ, ดี๊ ก ล นี่ อางแบเลา-อ้ะ-อ้า, ไคล้ ดี๊-อ้ะ-อ้า แบ, อ เว๊ โล้ล้าง ทแดเว้ กไบล้ะกแบล เอะ น ซื๊งเว๊, เก ทโล้เว้ พี่ ล ล้างเปิ่งล้างเอ้ง แบ, เก ทโล๊ไละล้าง อ กแช่ ล้อ

เยเรมี 14:18

ก เมะ ไจทาง ลี้ ลู่ง ทเคแกล้ นอ ก แด โพล้ง พี่ แบ ทแม้ซี๊ง ดี๊ น้ะ ก เมะ ลี้ นึ ฆ้าง ลู่ง เว่ง พ้า นอ ก แด โพล้ง ช๊องไก้มี๊งน้าง, เป๊งนี่ ลู่ง ท ซ้ะวี่งล้างดุ้ ทอาง อกย้อง อไฌ่บี่อี้ง, เลา ดี๊ โมไคล้คิ้กแช่แยว้, ดี๊ โพล้งลื่งเท่ออคู นอ ล แฌ้ๆ, นอ, ลี้ ลู่ง ค่าง พี่ อ กแช่ ล ซีงแฌ๊ เว๊ แบ’, ”

เยเรมี 17:11

บี่ซุ้ดี๊ ทู โนะกแต้, พี่ อ ดีง นอ, ล นี่ ดีงล้าง แด กแช่ เว๊ แบ โพล้ง พี่ นี่แบ ทโอทช๊อง ลู่ง ลเกิ้งลด้าง แบ นอ, แม้ อ ซ้ะ บี่ซุ้ดี๊ อ นอ ล้อ ท่อง อ แซย่ทาง พุ้พ๊าง โพล้ง นอ, อ ท ล้างแซยล้างพ้ะ แดไฆวะ-อ้ะ ดี๊ ลู่ง ไค๊ ทึ นอ, อ เว๊ ม เก โพล้ง เซ๊กูเฌ๊ฌ้อง ล้อ

เยเรมี 22:17

“แบเด้าะ น เมะ ดี๊ น ซ้ะ โอ แบซ้ะ ที่ อางฆื๊ง น ท นี่แบอางแบ ลู่ง ออ้าอซ๊าง บี่ซุ้ ดึ้ เกม๊า ซวีง พี่ ทไพ้ะทแม ล โอ แบ นอ, ล้าง ท้อง อ ซี๊ง ดี๊ บี่ซุ้ แคแนแคแก้ เท่อ, ดี๊ แม้ชองแม้จุ้ เท่อ ล้อ”

เยเรมี 32:32

เมะเว๊ อีซลาเอง อชื้ออชะ ดี๊ ยูดา อชื้ออชะ อ ทอ้าทซ๊าง เลาพะ นอ, พี่ อ นี่ แม้ เว๊, พี่ ไล๊ดุ้ เกม๊า ก ซ้ะทาง, เมะเว๊ เลา ดี๊ อ กแช่, กเย่ อ กจุ้แฆว้, ดี๊ อคูอแน่, กเย่ โพล้งลื่งเท่ออคู, ดี๊ อ โมไคล้คิ้กแช่แยว้, โพล้ง ยูดา ดี๊ โพล้ง เว่ง เยรูซเลง

เยเรมี 38:22

อี้งเซ้อ, กมืง กุ้แฌ้ พี่ ล้างลื๊อ โอก้ะ ลู่ง ยูดา อ กจุ้แฆว้ อ บลาง พ้า นอ, ม แบ ท ลี้ฌ้า เกม๊า เอะ กจุ้แฆว้ ลู่ง บาบีโลง อคูอแน่, ดี๊ อ ซื๊งเว๊ ม ไคล้ บี่อี้ง ‘ฌุ้พาง เท่งซ้ะ พี่ น อางกีล้าง ซ้ะ นอ, นี่ อางโล๊ไละ แน้ ดี๊ อน้าอฆ่าง แน้ เย้า พี่ น คาง ล้างจูง กไพะ พ้า นอ อ ซื๊งเว๊ ซีง ลแพ นอ, แกยไฆวะ อ ซ้ะ ดี๊ แน้ ล้อ’

เยเรมี 42:1

ซึ้พู น๊างมู๊ง อคูอแน่ เลาพะ, ดี๊ คาเรอา อ พู โยฮานาง, ดี๊ โฮชายา อ พู เยซางยา ดี๊ กเย่ โพล้ง เฌงพูฆ๊างพู, โค๊ ลู่ง โพล้ง อ ปี๊ ทึ, ท้อง ลู่ง โพล้ง อดูอแซย่ ทึ นอ, นี่ เฌ๊ฌูง เท่อ

เยเรมี 5:31

เมะเว๊ โมไคล้คิ้ เท่อ นอ, นี่ โล้ล้าง กไบล้ะกแบล เท่อ ดี๊ กเย่ โพล้งลื่งเท่ออคู นอ, โพะคอง เท่อ ท๊อง อ กแช่ อดู้งอยาง แด เว๊ ดี๊ กพูกลี้ง นอ, แบ อ ซ้ะ บี่อี้ง แบเด้าะ น ซื๊งเว๊ ม แม้ บี่จะเล้, ท่อง อช๊าอโท่ ไค๊ทึ เฌ๊ท้อง นอ?”

ท​ฌางล้างย้าล้าง 4:13

เป๊งนี่ ลู่ง อ เว๊ อ โมไคล้คิ้เท่อ, อ ท เด้บ้ะ อกย้อง ดี๊ เป๊งนี่ ลู่ง อ เว๊ อ โพล้งลื่งเท่ออคู, อ ท เด้บ้ะ อกย้อง พี่ นี่ ดึ้ เกม๊า โพล้งแบกแช่แยว้อซ้ะ อ ซวีง แยว้ล้าง ลู่ง เว่ง อ ซ้ะแกล้ พ้า

เอเซเคียง 33:31

ดี๊ อ ซื๊งเว๊ เฌ๊ฌูง แน้ ด้องซุ้ พี่ โพล้ง ลแพ นอ เฌ๊ เว๊, ดี๊ อ เว๊ เฌ๊ ชี๊น้าง ลู่ง น เมะแซ พ้า ด้องซุ้ กพูกลี้ง, อ ซื๊งเว๊ ม คุ้ช๊องแน ท พี่ น ไคล้-อ้ะ, แบเด้าะ อ เว๊ ล ญ่อง แม้โพะ อ ไค๊ แบ, เป๊งนี่ อ เว๊ เนโพลทาง ทเอทกวี้ง ดี๊ อ นุ้, แบเด้าะ อ ซ้ะ เฌา โอ ดี๊ อ ท นี่แบอางแบ พี่ ลฌี้ลแอว้ แบ นอ ล้อ

อาโม 5:11

เป๊งนี่ น ซื๊ง ไย่เละค๊างพะ โพล้ง ซยาง ดี๊ กิ้ นี่ บืงซาลี อ ค๊อง ดี๊-อ้ะ น ไต้ทาง เด้า ดี๊ โล่ง แพล้ นี่ แบเด้าะ น ล นี่ โอ แบ อ พ้า นอ แบ น แม้ โซ๊ง ซไบ้ะแซ พี่ อ ซยืง อ เคลง แบเด้าะ น ล นี่ โอ้ แบ ไซ้ะ ซไบ้ะแซ ที๊ง ลู่ง โซ๊ง นอ แบ

มีคา 2:4

อช๊าอโท่ พ้า นอ, ม โอ ดี๊ โพล้ง ไคล้ อางด้อง เท่อ, แม้ ไฌ๊ซ้ะ น ซื๊ง ดี๊ อ เว๊ ม ฌางซย้ะ ดี๊ ท ฌางอีงฌางเอ้า, ลู่ง ท ซ้ะ เฌ๊ฌ้อง น้ะ ไจ้ะเว๊ “เฆ้อ ก แบ ทแม้ เฌ๊ฌ้อง ท้อง อ ล้างบลิ้ล้างเนา กแช่แยว้ เปลงไฆวะ จ โพล้ง เฌงพูฆ๊างพู อฌ้องอเก อ ฌางคู ล่าง กแช่แยว้ แม้นี่ไฆวะ เว๊ ดี๊ แย้ เย้า กแช่แยว้ อางน้างเพ่พ้ะ ก ฆึ้ ก ไชะ เอะ กเย่ โพล้ง พี่ อ พองนี่ เฆ้อ เก ท อ ฆ่อง>>

มีคา 3:11

กเย่ เว่ง อี้ง อคูอแน่ นอ, ต้ะเซ๊ง บ้าคว่าง ดี๊ ท แด ที่ จี้ทไซ้ะไบ้ะนุ้ ดี๊ กเย่ โพล้งลื่งเท่ออคู นอ, ซองเท่อซ๊างเท่อ ดี๊ ท แด ที่ จูงเล้งคางเล๊ เลา ดี๊ กเย่ โมไคล้คิ้กแช่แยว้ นอ, พ้ะเว้ เท่อ ดี๊ ท แด ที่ จี้ ทึเมะ บี่นอ ฌี้ นอ, อ ซื๊งเว๊ เฆว้ง แบ กแช่ยาเว, ดี๊ ไจ้ะเว๊ บี่อี้ง “กแช่ยาเว โอ ลู่ง กซุ้กแกล้ ล เมะ แบ โบ่? ทเซงทื่งเฌ๊ฌ้อง ล โอ กึทาง ดี๊ เฆ้อ ซี น่างเม้ง แบ”

มีคา 3:5

กแช่ยาเว ไคล้ บี่อี้ง, แบฆ้ะ ดี๊ โมไคล้คิ้กแช่แยว้ ลแพ นอ อ ไฌ่ โพล้ง พี่ ลี้ฌ้า กพูกลี้ง เกม๊า เว๊ อ เฌ๊พลุ้ไฆวะ โพล้ง พี่ กุ้ซย้ะ เท่อ ไจ้ะเว๊, “ทฆู๊งทพุ้” ลู่ง อช๊าอโท่ พี่ โอ ดี๊ ทอางทโอ้ อ แค๊ นอ แบเด้าะ โล้ล้าง ทดึ้ทชาง เอะ โพล้ง พี่ ล เนฆ้าง ดึ้อาง เท่อ อ นุ้ พ้า น่างเม้ง แบ

ฮาบากุ้ 1:6

เมะเว๊ อี้งเซ้อ, ก บุ้แบ โพล้ง เคลเดีย อ ซ้ะ โพล้ง กุ้ชื้อกุ้ชะ พี่ อ เซิงชองซ้ะไคล้ ดู้งลู่ นอ โพล้ง พี่ เกม๊า ซึ้พู ลี้ เฆ้ง ฌางคูโคล๊งคู บี่ซุ้ แม้นี่ก้ะ เด้า พี่ ล เมะ อ กแช่ เว๊ แบ

เซฟางยา 1:13

แบเด้าะ อ ซื๊งเว๊ อคองอแซย้ ม แบ ท ตมละ ดี๊ อ ซื๊งเว๊ อ เด้า ม โอโปล้ก้ะ ล้อ ทึเมะ ม ไต้ทาง เด้า ฌี้ นอ อ ซื๊งเว๊ ซีง ลแพ, ม ล นี่ โอ แบ เว๊ แบ ทึเมะ ม แม้โซ๊ง ซไบ้ะแซ ฌี้ นอ อ ซื๊งเว๊ ซีง ลแพ, ล นี่ โอ้ แบ ไซ้ะ ซไบ้ะแซ ที๊ง ลู่ง โซ๊ง นอ แบ”

ทีต๊ะ 1:11

เกม๊า อซื๊งเว๊ ไคล้ เท่อ ล ฌี้, อ ไฌ่ บี่ อี้ง, พี่ อ ซอง เท่อ ล เกิ้ง ซอง แบ นอ แม้ เฌ๊ฌ้อง เฌง ฆ๊าง, อ นอ, เป๊งนี่ อซื๊งเว๊ แด ที่ กลู ที่ จี้

ทีต๊ะ 1:7

โพล้ง ทื๊ง ซยอง เท่อ อ คู อ แน่ นอ, แบ เก โพล้ง ลู่ง อ เม้ง มึ แซ ย้า, อ ไฌ่ บี่ อี้ง, อ เว๊ ยู่แคว่ กแช่ แยว้ อ ท ไพ้ะ ท แม้, อ เว๊ แบ เก โพล้ง ล อางกี ดู อ ซ้ะ แบ, ล ซ้ะทาง เพล แบ, ล ม้า ไซ้ะ ม้า มี้ แบ, ล เก โพล้ง ดู้ง โพล้ง ลู่ แบ, ล แน่แฌ่ แน่ท้า เท่อ แบ