เยเรมี 49:7 - Northern Pwo Karen Thai Bible7 แบฆ้ะ ดี๊ เอโดง กแช่ยาเว ซึ้คู ดูทึชองทึ ไจ้ะเว๊ บี่อี้ง “ทโกงซีมองแบ ล โอ ลู่ง เทมาง พ้า ล้า แบ-อ้า? ท เนฌ้าโล้ฌ้า เลาแดไฆวะ โพล้งไพ่โพล้งแซย๊ เย้า โบ่? อ ท โกงซีมองแบ ล้างแม่ไฆวะ เย้า-อ้า? Տես գլուխը |
เยเรมี 49:7
39 Խաչաձեւ Հղումներ
ท่อง โยบา อ ฌุ้พาง ซ๊าแฌ้, แน่ฌ๊า แบฆ้ะ ดี๊ ทอ้าทน้ะ เลาพะ อี้ง พี่ กึทาง ดี๊-อ้ะ นอ, อ ซื๊งเว๊ ล แฌ้ๆ, เฌ๊นี่ ลู่ง อ กแช่ อ ทล่าง พ้า, เมะเว๊ เอลีฟะ โพล้ง เทมาง, บีงดะ โพล้ง ชูอา, ดี๊ โซฟา โพล้ง นาอาเม, อ ซื๊งเว๊ นี่ พ้ะ โละ อ ซ้ะ เฌ๊ ล พ๊าฆ่าง บี่ซุ้ ม น้ะเซิงน้ะซ้ะ ฆึ ดี๊ โยบา ดี๊ ไคล้ มึ ทาง เว๊ อ ซ้ะ
ฌ้อง อ เว๊ ไจ้ะเว๊ บี่อี้ง, “เฌ๊ แดเทา, เกม๊า ก ช๊องมองเว้ทแม้แม้อ้าแม้ซ๊าง เยเรมี, อไฌ่บี่อี้ง, ทอางแม้เลา นอ, ล ล้างแม่แดไฆวะ โพล้งลื่งเท่ออคู-อ้า, ท เนฌ้าโล้ฌ้า ล ล้างแม่แดไฆวะ โพล้ง ซีงแฌ๊แน่ฌ๊า เท่อ-อ้า, ทไคล้ ล้างแม่แดไฆวะ โมไคล้คิ้กแช่แยว้-อ้า แบ, เฌ๊ แดเทา, เกม๊า ก ดึ้-อ้ะ ดี๊ พลี้, ดี๊ เกม๊า ก คุ้ช๊องแน อ ทไคล้ ล ฌี้ เฆาะ”
กแช่ยาเว ไจ้ะเว๊, ‘อี้งเซ้อ, ก ม กุ้ นี่ โพล้ง อ ชื้อ เลาพะ ลู่ง มื่งเค๊ง, ดี๊ ก เพล่ เนบูคาเนซา, กจุ้แฆว้ บาบีโลง, ดี๊ ก ม เฌ๊ฌ้า อ ซื๊งเว๊ ซีง ลแพ เฌ๊ ดึ้ ค่าง อี้ง, ดี๊ โพล้ง ลู่ง เว่ง อี้ง, ดี๊ กเย่ โพล้ง กุ้ชื้อกุ้ชะ ลแพ อี้ง, พี่ โอ วะชวะ, ก ม แม้เฌ๊ฌ้อง อ ซื๊งเว๊ ลแพ นอ เลาพะ, ดี๊ ก ม ดึ้ เกม๊า อ เว๊ เก ท ล้าง ซ้ะเมซ้ะไพล้, ดี๊ เก ทไคล้ ไฌ๊ซ้ะ, ดี๊ เก ท ญ๊องไฆวะ โอโปล้ ก้ะ ล้างชู้ล้างแกย
อกย้องบี่นอ, เกม๊า คุ้ช๊องแน ทช๊องมอง เว้ ทแม้, พี่ กแช่ยาเว แม้ เว้ เว๊ ดึ้ซึ้ เว่ง เอโดง, ดี๊ อ ท แบซ้ะ พี่ ช๊องมอง ทาง เว๊ ดึ้ซึ้ โพล้ง เว่ง เทมาง, เมะเว๊ ทึเมะ อ พู ปี๊ๆ, พี่ โอ อ ฌุ้พาง น๊างมู๊ง พ้า นอ, ม แบ ท แม้นี่ ทวี่งเละม้องเละ, อ พ้อง นอ ม ซ้ะเมซ้ะไพล้ เท่อ ลู่ง อ กแช่ อเคาะอน้าง อกย้อง ล้อ
Գովազդներ