เยเรมี 23:16 - Northern Pwo Karen Thai Bible

¹⁶ กแช่ยาเว ซึ้คู ดูทึชองทึ ไจ้ะเว๊, “คุ้ช๊องแน โมไคล้คิ้ เท่อ อ ทไคล้ ล ฌี้, โพล้ง พี่ โล้ล้าง เท่อ เกม๊า น คุ้ช๊องแน, ดึ้ เกม๊า น โอ ฆวี้ ดี๊ ทมื้งแล่ อซูงอแซ ล โอ แบ, อ เว๊ ไคล้ แบฆ้ะ ดี๊ ทแดเว้ ลู่ง อ กแช่ อ ซ้ะ พ้า, ล เมะ อ เฌ๊นี่ ดี๊ กแช่ยาเว อ นุ้ แบ

เยเรมี 23:16 Խաչաձեւ Հղումներ

1​กจุ้แฆว้ 22:11

ดี๊ เคนาอะนา อ พู เมะเว๊ เซเดคียา นอ, แม้ทางนี่ ควี้ ทโน้ง ดี๊ ท้ะ, ฌ้อง ไจ้ะเว๊, “กแช่ยาเว ไจ้ะเว๊ บี่อี้ง, ‘ดี๊ ท ลแพ อี้ง ล้อ น ม ชางไฆวะ โพล้ง ซีเรีย, ท่อง อ ซื๊งเว๊ เชงมื่งเชงไฆวะ ’, ”

2​กจุ้แฆว้ 17:15

อ ซื๊งเว๊ ญ๊องไฆวะ กแช่ยาเว อ ทอเค้อะอต้าง, ดี๊ อ ทเอิ้งล้าง, พี่ แม้ เว๊ ดี๊ อ พี๊ง อ พู๊ง ลู่ง แย๊, เลา ดี๊ กแช่แยว้ อลู่งอแท๊ พี่ เกล๊าง เอะ-อ้ะ นอ, อ ซื๊งเว๊ ลี้ โพะ เท่อ พี่ ล ล้างเปิ่ง แบ นอ อ ไค๊, ดี๊ เกทางก้ะ เท่อ พี่ อลื่งอฆวี้ ล โอ แบ, ดี๊ อ ซื๊งเว๊ แม้โพะ โพล้ง ลู่ง ค่าง พ้า, พี่ โอ วะ อ ฆ้อง ลแพ นอ อ ไค๊, พี่ กแช่ยาเว ล เกม๊า อ แม้โพะ อ ไค๊ แบ

2ทกวิ้ไน 18:5

ฌ้อง กจุ้แฆว้ อีซลาเอง กุ้ แพโซง โม ลี่ง แย้ แฌ้, ดี๊ ไคล้ ดี๊ อ ซื๊งเว๊ ไจ้ะเว๊, “เกิ้ง ก ม ลี้ ดึ้ซึ้ ราโมะกีเลอา ชี่-อ้า?, ล เกิ้ง ลี้ แบ-อ้า”, อ ซื๊งเว๊ซีง ไคล้ช๊า-อ้ะ ไจ้ะเว๊, “ม๊า ลี้ทาง แดเทา, เมะเว๊ กแช่แยว้ ม อางกีล้าง เว๊ ลู่ง กจุ้แฆว้ อ จูง พ้า”

ทอางด้อง 19:27

พู-เอ้อ, น เมะ ล คุ้ช๊องแน ทซองทซ๊าง แบ นอ น ม เฌ๊พลุ้ไฆวะ ดี๊ ทไคล้, ลู่ง ทซีงแฌ๊แน่ฌ๊า ล้อ

เยเรมี 14:14

ดี๊ กแช่ยาเว ไคล้ ดี๊ แย้ บี่อี้ง, “โมไคล้คิ้ เท่อ ลแพ นอ, โล้ กไบล้ะกแบล เท่อ ลู่ง กเม้งกแซ พ้า, ก ล นี่ เจ่ อ ซื๊งเว๊ แบ, ดี๊ ก ล นี่ อางแบเลา-อ้ะ-อ้า, ไคล้ ดี๊-อ้ะ-อ้า แบ, อ เว๊ โล้ล้าง ทแดเว้ กไบล้ะกแบล เอะ น ซื๊งเว๊, เก ทโล้เว้ พี่ ล ล้างเปิ่งล้างเอ้ง แบ, เก ทโล๊ไละล้าง อ กแช่ ล้อ

เยเรมี 2:5

กแช่ยาเว ไจ้ะเว๊ บี่อี้ง “น พี๊งชู้พู๊งชู้ ลู่ง แย๊ อู้ง, แด ทไพ้ะทแม ดี๊ เฆ้อ ล เม้งๆ, ชี่-อ้า? อ เว๊ แด ช้างชื้งไฆวะ ดี๊ เฆ้อ ดี๊ ลี้โพะ ก้ะ ท อลื่งอฆวี้ ล โอ แบ อ ไค๊, ดี๊ นี่ เกทางก้ะ ท พี่ อลื่งอฆวี้ ล โอ แบ

เยเรมี 23:21

“ก ล นี่ โซ๊งทาง โมไคล้คิ้ เท่อ ลแพ นอ ลี้ แบ แบเด้าะ อ ซื๊งเว๊ ลี้ ซยู๊ ได้ะ ก ล นี่ ไคล้ ดี๊-อ้ะ แบ แบเด้าะ อ เว๊ โล้ล้าง เท่อ ได้ะ

เยเรมี 23:26

ท ม แม้ อ ซ้ะ บี่อี้ง ชี่ไยะเด้าะเล้?, โมไคล้คิ้ เท่อ ลแพ นอ, ช๊องมอง เท่อ ซี บี่อี้ง-อ้า?, เมะเว๊ โมไคล้คิ้ กไบล้ะกแบล เท่อ, บี่ซุ้ดี๊ ทอางโล๊ไละ ลู่ง อ กแช่ อ ซ้ะ พ้า แด เว๊ ล้อ

เยเรมี 29:23

เป๊งนี่ อ เว๊ คี๊ง แฌ้ นอ, นี่ แม้ เซ๊กูเฌ๊ฌ้อง เท่อ ลู่ง อีซลาเอง พ้า, นี่ มี๊ง แบ ดี๊ อ ฌุ้พาง อ แม๊, ดี๊ นี่ ไคล้ ทไคล้ กไบล้ะกแบล ลู่ง กเม้งกแซ พ้า, พี่ ก ล นี่ อางแบเลา-อ้ะ แบ นอ, ก เก โพล้ง พี่ ซีงแฌ๊แน่ฌ๊า เท่อ, ดี๊ ก เก พีงญาง’, ”, กแช่ยาเว โล้ เว๊ บี่อี้ง ล้อ

เยเรมี 29:8

เมะเว๊ กแช่ยาเว ซึ้คู ดูทึชองทึ, กแช่แยว้ ลู่ง อีซลาเอง ไจ้ะเว๊ บี่อี้ง, ‘เกม๊า น ซื๊ง โมไคล้คิ้กแช่แยว้-อ้า, น โพล้ง โล้เว้พ้ะเว้ เท่อ-อ้า, พี่ โอ นซุ้นแกล้ พ้า นอ, อางโล๊ไละ แน้ ล ฌี้, ดี๊ นะ ทอางมี๊งม่าง, พี่ อ ซื๊งเว๊ ซีง ลแพ, อางมี๊งม่าง แด เว๊ นอ ล ฌี้

เยเรมี 9:12

โพล้งเล้ เก โพล้ง โอ ดี๊ ทโกงซีมองแบ, พี่ ม แนซีโน้งซี ทไคล้ อี้ง?, ดี๊ โพล้ง ล แฌ้ ชี่-อ้า, พี่ กแช่ยาเว อ นุ้, นี่ ไคล้ ดี๊-อ้ะ, อ เว๊ โล้ล้าง ทไคล้ นอ ซี?, แบทเล้ ค่าง ล้างฆ่องล้างซว๊าง, ดี๊ ญ๊องไฆวะ โอก้ะ โปล้ปลิ้, บี่ซุ้ดี๊ แพะคูทเคแกล้, โพล้ง ล โอ ลี้แพ๊ ไท้แพ๊ เว๊ น่างแฌ้ แบ?

เยเรมี 9:20

กมืง ลแพ ซีง-เอ้อ, เกม๊า คุ้ช๊องแน กแช่ยาเว อลู่งอแท๊ ดี๊ เกม๊า น ซื๊ง แน่, ฮะนี่ ท อลู่งอแท๊ เฌ๊นี่ ดี๊ กแช่แยว้ อ นุ้ เกม๊า ซองเอะซ๊างเอะ น พูมืง อ ท ฌางล้างย้าล้าง อ ไฌ่ เกม๊า ซองเอะซ๊างเอะ อ ฌุ้พาง กุ้แฌ้, อ แท๊ ฌางแบย้าแบ เท่อ

ท​ฌางล้างย้าล้าง 2:9

ซีโยง อ ป้ะตู๊ง ลแพ นอ, ล้างซย้าง ลู่ง ฌางคู พ้า เย้า กแช่แยว้ นี่ แม้ เฌ๊ฌ้อง, ดี๊ บุ้แค่ ป้ะตู๊ง อ เจ้ ล่าง กจุ้แฆว้ ดี๊ ท อคูอแน่ ลู่ง ซีโยง ลแพ นอ, ล้าง โอ ลู่ง โพล้ง กุ้ชื้อกุ้ชะ อซุ้อแกล้ ทอางแม้เลา ล โอ แบ กเย่ โมไคล้คิ้กแช่แยว้ ลู่ง ซีโยง นอ ล นี่แบ ทแดเว้ เฌ๊นี่ ดี๊ กแช่ยาเว ล้า แบ

เอเซเคียง 13:16

เมะเว๊ อีซลาเอง อ โมไคล้คิ้ เท่อ, พี่ โล้ล้าง ท อลู่งอแท๊ ไคล้ แบฆ้ะ ดี๊ เว่ง เยรูซเลง นอ, ดี๊ แด แบ เว่ง อ ทแดเว้ ลู่ง ทฆู๊งทพุ้, พี่ ทฆู๊งทพุ้ ล โอ แบ, ทอดูทึโท๊ทึกแช่ยาเว โล้ เว๊ บี่อี้ง ล้อ

เอเซเคียง 13:23

อกย้องบี่นอ, น ล แด แบ ทแดเว้ ลเมะลโต้ แบ-อ้า, แม้ ทพ้ะเว้โล้เว้ ได้ะ-อ้า ล้า แบ, ก ม แม้พ้องพลิ้ กพูกลี้ง เกม๊า อ พ้องไฆวะ ดี๊ น ซื๊ง จูง, ฌ้อง น ม ซีงแฌ๊-อ้ะ, เฆ้อ เมะเว๊ ยาเว ล้อ”

เอเซเคียง 13:3

ทอดูทึโท๊ทึกแช่ยาเว ไจ้ะเว๊ บี่อี้ง, ทเซงทื่งเฌ๊ฌ้อง แบ โมไคล้คิ้ เซ๊กูเฌ๊ฌ้อง, พี่ แม้โพะ อ กแช่ อวีงอแล้ อ ไค๊, ดี๊ ล นี่ แด แบ เท่อ น่างเม้ง แบ

เอเซเคียง 13:6

อ ซื๊งเว๊ ลแพ นอ, แด ทแดเว้ ลเมะลโต้ แบ, ดี๊ ทพ้ะเว้โล้เว้ กไบล้ะกแบล, อ ซื๊งเว๊ ไจ้ะเว๊, ‘กแช่ยาเว ไจ้ะเว๊ บี่อี้ง’, ทึเมะ กแช่ยาเว ล นี่ เจ่ทาง-อ้ะ ลี้ แบ ฌี้ นอ, อ ซื๊งเว๊ มื้งแล่ ม เกม๊า อ ฌ้องทางเกทาง บี่ซุ้ดี๊ อ ทไคล้ นอ ได้ะ

เอเซเคียง 22:28

ดี๊ กเย่ ค่าง อ โมไคล้คิ้ เท่อ นอ, เท้าพุ้ เอะ อ ซื๊งเว๊ อ บ้า, ดี๊ แด ทแดเว้ ลเมะลโต้ แบ, ดี๊ เกม๊า เอะ-อ้ะ ท โล้เว้พ้ะเว้ กไบล้ะกแบล, ลู่ง อ ไจ้ะเว๊ บี่ อี้ง, ‘ทอดูทึโท๊ทึกแช่ยาเว ไจ้ะเว๊ บี่อี้ง’, เต้ๆ, นอ, กแช่ยาเว ล นี่ ไคล้ แบ

มีคา 2:11

โพล้ง แฌ้ ฌี้ๆ, เมะ ม ลี้ ไจ ไคล้ ท พี่ อซูงอแซ ล โอ แบ, ดี๊ ไคล้ คีงอูง โล๊ไละล้าง เท่อ ไจ้ะเว๊, “จ ม ซองเท่อซ๊างเท่อ, เกม๊า น คุ้ช๊องแน, แบฆ้ะ ดี๊ ไซ้ะ ซไบ้ะแซ ที๊ง, ดี๊ ไซ้ะที๊งมี้จ้าง อไฌ่อกย้อง” แบซีงลู่ง อ เว๊ ม เก โพล้ง ซองเท่อซ๊างเท่อ ลู่ง โพล้ง ล ชื้อ อี้ง อ ฌ่าง พ้า

ม้ะทู 7:15

ปโล่ ล้าง น ซื๊ง ซ้ะ, ดี๊ โม กไบล้ะ กแบล พี่ อ เฌ๊ ฌู น ซื๊ง, น แคว่-อ้ะ ลู่ง ค๊อง นอ แม้ อ ซ้ะ ฌี้ๆ, แบ ด้อง แกะ, แบ เด้าะ ลู่ง อ ซ้ะ พ้า แย๊ โค๊ นอดู้ง แบ ด้อง ทวีง เม้ง

โรมา 1:21

อซื๊งเว๊ซีงแฌ๊ กแช่ แยว้, แบเด้าะ ล โบง ทาง แบ้ ทาง-อ้ะ พี่ อ เกิ้ง แม้ เว๊ นอ แบ, ดี๊ ล ไจ้ะ บลึ้ เว๊ แบ, อซื๊งเว๊ ช๊องมอง ก้ะ เท่อ พี่ อ ล ล้างเปิ่ง แบ, ดี๊ อ เซิง อ ซ้ะ พี่ ล กลุ้ ล จ้ะ แบ นอ โอ ท ไค้ะ ซ๊า แกล้

1​โยฮาง 4:1

ฌุ้พาง ลู่ง จ เอ-อ้ะ ซีง-เอ้อ, โพล้ง พี่ อ ไจ้ะ ล้าง อ ซ้ะ โอ ดี๊ วีง ฌี้ แล้ แอว้ ล แพ นอ นะ-อ้ะ กุ้ อ แฌ้ ล ฌี้, น แบ แคว่ ล้างที๊ง-อ้ะ เมะ อซื๊งเว๊ โอ ดี๊ กแช่ แยว้ อ วีง ฌี้ แล้ แอว้ เต้ๆ-อ้า, ล เต้ๆ, แบ-อ้า, อ ไฌ่ บี่ อี้ง โม กไบล้ะ โอ ฌ้อง ไจ โล้ ล้าง เท่อ ลู่ง ฌางคู โคล๊ง คู