เยเรมี 16:17 - Northern Pwo Karen Thai Bible

¹⁷ เมะเว๊ ก แคว่ดุ้ อ ซื๊งเว๊ อ เกล้ เลาพะ, พี่ ม อางกี คุ้ซูงไฆวะ เว๊ ดี๊ เฆ้อ ล ซี แบ, ดี๊ อ ซื๊งเว๊ อ ทเด้เทาเด้บ้ะ นอ, ม อางกีซูง เว๊ พ้องไฆวะ ดี๊ ก เมะ ล ซี แบ

เยเรมี 16:17 Խաչաձեւ Հղումներ

2ทกวิ้ไน 16:9

เมะเว๊ กแช่แยว้ อ เมะ แคว่ล้าง เท่อ ลู่ง ฌางคูโคล๊งคู กุ้จองกุ้ไจ้, บี่ซุ้ เกม๊า โพล้ง ลู่ง อ ซ้ะ โต้ ดี๊-อ้ะ ลแพ นอ อไฌ่อแบ้, แบเด้าะ แน้ นอ น แม้ เท่อ เซ๊กูเฌ๊ฌ้อง แบฆ้ะ ดี๊ ท ล ไฌ่ อี้ง, เมะเว๊ ท่องอี้ง ชู่งแย๊ นอ น ม โอ ดี๊ ทดึ้ซีงดึ้ซึ้ นอ ล้อ”

โยบา 10:14

จ เมะ แม้ ทเด้บ้ะ นอ, กแช่แยว้ โอคุ้ แคว่ฌูง แย้ ดี๊ ล ทูแพล่ แย้ เกม๊า พ้องไฆวะ ดี๊ จ ทไพ้ะทแม แบ

โยบา 31:4

กแช่แยว้ ล แด จ เกล้ แบ ดี๊ ล ดว้ะ จ คางแค๊ กุ้แค๊ แบ-อ้า?

ทอางปฆ้า 109:15

เกม๊า ทเด้บ้ะ ลแพ นอ, โอ ลู่ง กแช่ยาเว อ เมะแซ พ้า ครึๆ บี่ซุ้ ม แม้ไฆวะ อซื๊งเว๊, อ ท นางแบไท้ ลู่ง ฌางคูโคล๊งคู

ทอางปฆ้า 139:3

กแช่แยว้ แคว่ที๊งแคว่โต้ จเกล้จพ้า, ดี๊ จ ทมี๊งทวี่ ดี๊ ซีงแฌ๊ ลี้ง จเกล้จพ้า เลาพะ

ทอางปฆ้า 33:15

เมะเว๊ กแช่แยว้, พี่ อ ไต้ทาง อซื๊งเว๊ กุ้แฌ้ อเซิงอซ้ะ กแช่แยว้, ซีงแฌ๊ ล้างที๊ง อซื๊งเว๊ อ ทไพ้ะทแม้ เลาพะ

ทอางปฆ้า 51:9

เกม๊าเต้ อางกีซูงไฆวะ น เมะ, ดี๊ จ ทเด้บ้ะ ลแพ นอ ดี๊ แม้ ล้างแม่ไฆวะ จ ทอ้าทซ๊าง เลาพะ

ทอางปฆ้า 90:8

กแช่แยว้ ช๊างล้าง เฆ้อ ซีงลแพ, ก ทอ้าทซ๊าง ลู่ง อ เมะแซ พ้า ช๊างล้าง ก ทเด้บ้ะ คิ้ซูงคิ้บีง, ลู่ง กแช่แยว้ อ เมะแซ พ้า

ทอางด้อง 15:3

กแช่ยาเว อ เมะคลี๊ง นอ, โอ กุ้จองกุ้ไจ้ โอคุ้แคว่ โพล้งอ้า ดี๊ โพล้งฌี้

ทอางด้อง 5:21

อไฌ่บี่อี้ง, โพล้ง อ เกล้ นอ, โอ ลู่ง กแช่ยาเว อ เมะแซ พ้า ดี๊ กแช่แยว้ โอคุ้แคว่ เว๊ อ เกล้ กุ้ บ้อง

อีซยา 29:15

ท เซงทื่งเฌ๊ฌ้อง แบ โพล้ง พี่ อางกีซูงไฆวะ อ ท ช๊องมองเว้ทแม้ โยะคิ้ ดี๊ กแช่ยาเว พี่ อ ทไพ้ะทแม้ โอ ทไค้ะ พ้า อ ซื๊งเว๊ ไจ้ะเว๊ บี่อี้ง, “โพล้งเล้ ม แด เฆ้อ?, โพล้งเล้ ม ซีงแฌ๊ กไฌะกไฌ่? ”

อีซยา 66:18

“เมะเว๊ ก ซีงแฌ๊ อ ซื๊งเว๊ อ ทไพ้ะทแม้, ดี๊ อ ท ช๊องมอง, ดี๊ ก ม เฌ๊ บี่ซุ้ อางกีซยอง โพล้ง กุ้ชื้อกุ้ชะ, ดี๊ อ คว่าง, ดี๊ อ ซื๊งเว๊ ลแพ นอ ม เฌ๊, ดี๊ แด ก ทฆี๊งทแล้

เยเรมี 2:22

ทึเมะ น แม้เช๊งแม้เกล้ง ล้าง น ซ้ะ ดี๊ ที๊งไช ดี๊ เจ่ ซ้ะแปย้ แอ ฌี้ นอ แบเด้าะ น ทเด้บ้ะ อ ล่าง แบอ้า นอ, โพลทาง ลู่ง ก เมะแซ พ้า ได้ะ ทอดูทึโท๊ทึกแช่ยาเว โล้ เว๊ บี่อี้ง ล้อ

เยเรมี 23:24

กแช่ยาเว ไจ้ะเว๊, “โพล้งเล้ ม โอคุ้ซูงไฆวะ เฆ้อ, ลี้ โอ ลู่ง ท กดื้งกทะ พ้า, บี่ซุ้ ก ล แด-อ้ะ แบ ซี ชี่ โบ่?, ก ล นี่ โอ ฆวี้ ทมุ้คู ดี๊ ฌางคูโคล๊งคู แบ โบ่?”, กแช่ยาเว โล้ เว๊ บี่อี้ง ล้อ

เยเรมี 29:23

เป๊งนี่ อ เว๊ คี๊ง แฌ้ นอ, นี่ แม้ เซ๊กูเฌ๊ฌ้อง เท่อ ลู่ง อีซลาเอง พ้า, นี่ มี๊ง แบ ดี๊ อ ฌุ้พาง อ แม๊, ดี๊ นี่ ไคล้ ทไคล้ กไบล้ะกแบล ลู่ง กเม้งกแซ พ้า, พี่ ก ล นี่ อางแบเลา-อ้ะ แบ นอ, ก เก โพล้ง พี่ ซีงแฌ๊แน่ฌ๊า เท่อ, ดี๊ ก เก พีงญาง’, ”, กแช่ยาเว โล้ เว๊ บี่อี้ง ล้อ

เยเรมี 32:19

กแช่แยว้ อดูอโท๊ ลู่ง ท เนฌ้าโล้ฌ้า พ้า, อดู้งอยางอซยื๊งอซย้องแอทึ ลู่ง ทไพ้ะทแม้ พ้า, กแช่แยว้ อ เมะคลี๊ง แด กโพล้ง อเกล้อพ้า กุ้ บ้อง, เกล๊าง รางวาง เอะ โพล้ง กุ้แฌ้, บี่ซุ้ดี๊ อ กแช่ อ เกล้, ดี๊ บี่ซุ้ดี๊ อ ทไพ้ะทแม้ อซูงอแซ นอ ล้อ

เยเรมี 7:11

ก ล่างโอ, พี่ กุ้-อ้ะ บี่ซุ้ดี๊ กเม้งกแซ นอ, น แคว่-อ้ะ เก โพล้ง ตมละตเช เท่อ อ ล่างโอ ไล๊ พ้า เย้า โบ่?, อี้งเซ้อ, เฆ้อ ก แด เว๊ ล้อ, กแช่ยาเว ไจ้ะเว๊ บี่อี้ง ล้อ

เอเซเคียง 8:12

ฌ้อง นอ กแช่แยว้ ไคล้ ดี๊ แย้ ไจ้ะเว๊, “กโพล้ง อ พู-เอ้อ, น แด เย้า ล เมะ แบ-อ้า, พี่ อีซลาเอง อชื้ออชะ อ โพล้งเม้งโพล้งแซย่ ลแพ นอ, แม้ ทเม้งเล้ ลู่ง ทไค้ะซ๊า พ้า?, ล แฌ้ๆ, นอ, โอ ลู่ง อ ทเค่งทฌ้าง แพล้ นี่ เว๊ อ เช้า พ้า, เมะเว๊ อ ซื๊งเว๊ ลแพ นอ ไคล้ บี่อี้ง, ‘กแช่ยาเว แคว่ เท่อ ล แด เฆ้อ แบ, กแช่ยาเว ญ๊องไฆวะ ที๊งล่างค่างพ้า อี้ง เย้า’,”

เอเซเคียง 9:9

ฌ้อง นอ กแช่แยว้ ไคล้ ดี๊ แย้ ไจ้ะเว๊, “อีซลาเอง ดี๊ ยูดา อชื้ออชะ อ ทเด้บ้ะ โอ แอ น้ะมะ, ที๊งล่างค่างพ้า นอ โอ ฆวี้ ดี๊ ทซวีง, ดี๊ ท ลเกิ้งลแบ แบ โอ ฆวี้ เว่ง, เป๊งนี่ อ ซื๊งเว๊ ไจ้ะเว๊ ‘กแช่ยาเว ญ๊องไฆวะ ค่าง อี้ง เย้า, ดี๊ กแช่ยาเว ล แคว่ เว๊ ล้า แบ’

เซฟางยา 1:12

อช๊าอโท่ แค๊ นอ, ก ม แม้นี่ มีโด้ง ชางแคว่ เยรูซเลง ดี๊ ก ม แม้เตาแม้แต๊ โพล้ง ลแพ นอ, พี่ ล ซีงแฌ๊ ทคู่ทฌ่อง แบ ไยะ เย้า บี่ซุ้ดี๊ ไซ้ะ ไค๊ ล้างด้ะ พี่ แบอ้า ท๊อง อ ตาง น้ะ โพล้ง พี่ ช๊องมอง เท่อ ลู่ง อ ซ้ะ พ้า ไจ้ะเว๊ ‘กแช่ยาเว ม ล เกม๊า ท อ ฌี้ แบ ดี๊ กแช่แยว้ นอ, ม ล เกม๊า ท อ อ้า แบ’

เซคารียา 4:10

โพล้งเล้ ม ดึ้เดวทื่งแช้ มื่งนี้ง ลู่ง ท ลปี๊ลคี่?, อ เว๊ ม เซิงฆวี๊งซ้ะโย้, พี่ แด แบ นางทูแซ อ พลี้ง, พี่ โอ เซรุ้บาเบง อ จูง พ้า นอ ล้อ’) ‘ท เนว๊ เม้ง อี้ง นอ, เมะเว๊ กเย่ กแช่ยาเว อ เมะคลี๊ง, พี่ แคว่ เท่อ เฆ้ง ฌางคูโคล๊งคู’

1​โคเรง 4:5

ท บี่ นอ, ต้ะเซ๊ง วี่ง โพล้ง พี่ ล ท้อง อ แค๊ ได้ะ แบ นอ ล ฌี้, น ซื๊ง แบ โอ คุ้ ท้อง กแช่ เยซู คริ้ ม เฌ๊ ไท้ โคะ, อ เว๊ ม แม้ นี่ ท โอ คิ้ซูง คิ้บีง ลู่ง ท ไค้ะ แกล้ นอ, ม ปล้ะ ล้าง เว๊ ลู่ง ท พ้าง, ดี๊ ม แม้ โพล ทาง โพล้ง อ ท ช๊องมอง ลู่ง อ ซ้ะ พ้า, ฌ้อง นอ กแช่ แยว้ ม อางปฆ้า แบ โพล้ง กุ้ อ แฌ้, พี่ อ เกิ้ง อางปฆ้า

ฮีบรู 4:13

ท ล โอ น่าง เม้ง แบ, พี่ ม อางกี ซูง ไฆวะ อ ซ้ะ ดี๊ กแช่ แยว้ ซี, แบเด้าะ ท กุ้ อ เม้ง พี่ กแช่ แยว้ ไต้ ล้าง เว๊ นอ, โพล ทาง เติ้งต้าง ลู่ง อ เมะแซ พ้า, ดี๊ อ เว๊ ล้อ พี่ เฆ้อ กุ้ แฌ้ ก แบ โล้ ล้าง ซ้ะ ดี๊-อ้ะ