อีซยา 13:2 - Northern Pwo Karen Thai Bible

² เกม๊า เยาทาง ตไก้ยะ แม้ไน เท่อ, ลู่ง ทลู่ง เกล้งเน้ง คู เกม๊า กุ้ซย้ะ อ ซื๊งเว๊ ลแพ นอ แว่จูง เกม๊า อ นึฆ้าง ลู่ง เซงคู อ เว่ง ป้ะตู๊ง พ้า

อีซยา 13:2 Խաչաձեւ Հղումներ

ทอางปฆ้า 60:4

กแช่แยว้ ช๊างล้าง ตไก้ยะ แม้ไน เท่อ, เอะ โพล้ง ลแพ นอ, พี่ อ ดู้งแบยางแบ-อ้ะ บี่ซุ้ อเว๊ ม ไจคุ้ซูง พ้องไฆวะ ดี๊ คลีง อเบ้าอไย้เซ่-ลา

อีซยา 10:32

แบเด้าะ ล นี้ง แย๊ อี้ง ล้อ, อ เว๊ ม โอโท๊ ลู่ง เว่ง โน้ะ อ เว๊ ม ทูว้ะ อ จูง ช่องดูง ลี้ฆ้าง แบ ซีโยง อ พูมืง อ ทลู่ง ลี้ฆ้าง แบ ทลู่งทจ้อง ลู่ง เยรูซเลง

อีซยา 11:12

กแช่แยว้ ม โชะทาง ตไก้ยะ แม้ไน เท่อม เอะ โพล้ง กุ้ชื้อกุ้ชะ ลแพ นอ ดี๊ ม กุ้ซยอง อีซลาเอง พี่ อ ล้างมื่งล้างพะ ดี๊ อางกีซยอง ยูดา พี่ อ ที่มื่งที่พ้ะ โอนี่ ลู่ง ฌางคูโคล๊งคู อ โนง ลี่งโนง นอ

อีซยา 11:15

ดี๊ กแช่ยาเว ม แม้เฌ๊ฌ้องไฆวะ โพล้ง อีไย้ะ อ ปางเล เลาพะ ดี๊ ม แว่ อ จูง ลู่ง ที๊ง ยูเฟตี กล้อง นอ อ คูด้าง ดี๊ อ ลี้ง คู่เล้าคู่ล๊าง ดี๊ ม ดึ้ เว๊ เกม๊า อ เกทาง ก้ะ ที๊งกล้อง พู เนว๊บ้อง ดี๊ โพล้ง ซุ้ คางไพ้ะ ม ไจ ค๊างฌะ ฆ้าง เว๊ ซี

อีซยา 18:3

น ซื๊ง กุ้แฌ้ พี่ เก โพล้ง ฌางคูโคล๊งคู โพล้ง พี่ เปิ่งโอเปิ่งช๊อง ลู่ง ฌางคูโคล๊งคู ซีง ลแพ ท่อง ตไก้ยะ แม้ไน เท่อ, โชะทาง อ ซ้ะ ลู่ง ทลู่ง คู นอ, น ซื๊ง ม แด-อ้ะ ล้อ ท่อง โอ ดี๊ ท อูงเซ๊ ทาง ทพูแฆ่ อ โน้ง นอ, น ม แน่ฌ๊า-อ้ะ ล้อ

อีซยา 19:16

ล นี้ง แย๊ นอ, โพล้ง อีไย้ะ ม เก บี่ซุ้ดี๊ กมืง, พี่ อ ว้ะโทะ ดี๊ ซ้ะเม เท่อ ลู่ง กแช่ยาเว ซึ้คู ดูทึชองทึ อ จูง เมะแซ พ้า, พี่ ม ทูว้ะ เว๊ ดึ้-อ้ะ นอ

อีซยา 31:9

อ ทล่างทุ้กดื้งซ้ะ ม เลาไฆวะ ดี๊ ท เซิงไพ่ซ้ะว้ะ ดี๊ อ เซงคู ลแพ นอ ม ญ๊องไฆวะ ตไก้ยะ แม้ไน เท่อ ดี๊ ท ซ้ะเมซ้ะไพล้ กแช่ยาเว พี่ อ มี โอ ลู่ง ซีโยง พ้า ดี๊ กแช่แยว้ พี่ อ มีอ้า ล่าง โอ ลู่ง เยรูซเลง พ้า นอ, ไจ้ะเว๊ บี่อี้ง ล้อ

อีซยา 5:26

กแช่แยว้ ม แม้ ซีงแฌ๊ เท่อ เอะ โพล้ง กุ้ที๊งกุ้ค่าง พี่ อ โอ ไย้ ดี๊ กแช่แยว้ ยู อ นุ้, กุ้-อ้ะ เฌ๊นี่ ลู่ง มุ้คูทึ ฌางคูทึ ดี๊ อี้ง เซ้อ, อ เว๊ ม เฌ๊ เพลเพล้าเด้า ดี๊ ปชื่งปตี้

เยเรมี 50:2

“เกม๊า โล้ล้าง ดี๊ กุ้ซย้ะ เท่อ ลู่ง โพล้ง กุ้ชื้อกุ้ชะ อซุ้อแกล้ เกม๊า บุ้ชี๊เทิง ทาง ตไก้ยะแม้ไนเท่อ ดี๊ กุ้ซย้ะ เท่อ แม้ไบ้ะแม้บ้า ทะ-อ้ะ ล ฌี้, เกม๊า โล้ล้าง เท่อ บี่อี้ง ‘บาบีโลง แบ ท แม้นี่ก้ะ เย้า ท กโช้งกแช่ เบง แบ ฌางแช้ ท กโช้งกแช่ เมโรดะ นอ, ซ้ะเมซ้ะไพล้ เท่อ เว่ง นอ อ ทเค่งทฌ้าง ซีง ลแพ, แบ ทแม้ เกม๊า ฌางแช้ฌางเด ดี๊ ทฌ้าง ไต้ทาง นี่ เว๊ ลแพ นอ, ซ้ะเมซ้ะไพล้ เท่อ’

เยเรมี 50:41

“แคว่เซ้อ, โพล้ง ล ชื้อ เฌ๊นี่ ลู่ง มื่งเค๊ง โพล้ง ลู่ง ค่าง พ้า อชองอไคล๊ ล ชื้อ, ดี๊ กจุ้แฆว้ ตบลึ้ แฌ้ ม แบ ท บุ้แบ อ ซ้ะ เกม๊า อ เฌ๊นี่ ลู่ง ฌางคูโคล๊งคู อ ไย้ ทึ

เยเรมี 51:12

เกม๊า โชะทาง ตไก้ยะแม้ไนเท่อ เบ้าตไก้ะ บาบีโลง อ กางแป เกม๊า แม้ช้า โพล้ง โอคุ้แคว่ เท่อ, เกม๊า อชองอไคล๊ เกม๊า ต๊างทาง โพล้ง โอคุ้แคว่ เท่อ, เกม๊า แด้เว้ ซึ้พู โอคุ้ซูง เท่อ น๊างมู๊ง เมะเว๊ กแช่ยาเว อางกีล้าง ทช๊องมองเว้ทแม้, ดี๊ แม้ เว๊ บี่ซุ้ดี๊ อ โล้เว้ เว๊, แบฆ้ะ ดี๊ โพล้ง เว่ง บาบีโลง นอ ล้อ

เยเรมี 51:25

กแช่ยาเว ไจ้ะเว๊, “ทลู่ง พี่ แม้เฌ๊ฌ้อง เท่อ-เอ้อ อี้งเซ้อ, ก ดึ้ซึ้ แน้ แน้ พี่ แม้เฌ๊ฌ้อง ฌางคูโคล๊งคู เลาพะ ก ม เยาฆ้าง ก จูง ดึ้ซึ้ แน้ ดี๊ ไร้ะ แน้ เฌ๊ล้าง นี่ ลู่ง ไล๊ พละชวะ คู ดี๊ ดึ้ เกม๊า น เก ทลู่ง พี่ อ เค้ทาง

เยเรมี 51:58

“กแช่ยาเว ซึ้คู ดูทึชองทึ ไจ้ะเว๊ บี่อี้ง บาบีโลง อ กางแป พี่ อ เล่ อ โท๊ ม แบ ทแม้ล้าง เกม๊า อ ล้างด้ะ ท๊องซุ้ ดี๊ ฌางคู คู ดี๊ อ เว่ง เกล้ ป้ะตู๊ง พ้ะโท๊ ม แบ ท เช้า ดี๊ มี กเย่ โพล้ง เฌงพูฆ๊างพู ม แม้ เท่อ อซูงอแซ ล โอ แบ ดี๊ โพล้ง อ ชื้อ ซีง ลแพ, ม ไปว้ะน่างไปว้ะซ้ะ ลู่ง ท เช้าไฆวะ ดี๊ มี อ ฌ่าง เฆาะ ล้อ”