เอซเทอ 9:10 - Northern Pwo Karen Thai Bible

¹⁰ เมะเว๊ อ ซื๊งเว๊ นี่ แม้ซี๊ง โพล้ง ยู อดีงอแด้, ฮางเมดาทา อ พู ฮามาง นอ อ พูแคว๊ อ แฌ้ ล ชี๊ง นอ, แบเด้าะ ล ตมละนี่ เว๊ อ ทฆ้าทโฆ่ แบ

เอซเทอ 9:10 Խաչաձեւ Հղումներ

ทอคางไท้ะ 14:23

บี่อี้ง, ทึเมะ ลูง ฌี้, พลี้ง เราทะ คางไพ้ะ เมะ ฌี้, ท เม้ง ฌี้ๆ, พี่ อ เก น เท่อ นอ, จ ล ฮะนี่ แบ, บี่ซุ้ ล เกม๊า น ไจ้ะ เท่อ ซี บี่อี้ง แบ, ‘ก ดึ้ เกม๊า อาบราง อ ท โอทางช๊องทาง’

ทอคางไท้ะ 34:27

กเย่ ยาคุ้ อ พูแคว๊ อ แฌ้ แพ นอ, ลี้ฆ้าง ลู่ง โพล้ง ซี๊ง นอ, ดี๊ ตมละ เว่ง นอ, เป๊งนี่ โพล้ง ลู่ง เว่ง นอ, แม้เฌ๊ฌ้อง อ พื่ง มืงน้าง อ ท เช๊งเกล้ง

เอซเทอ 3:1

พี่ ทกึทาง อ ซ้ะ ลแพ อี้ง พ้องไค๊ไฆวะ นอ, กจุ้แฆว้ อาฮ้ะซูเอระ เกม๊า ฮางเมดาทา โพล้ง อาก้ะ อ พู ฮามาง, เก ทอดูอโท๊ อางกี ทางโท๊ เว๊, ดี๊ เกม๊า เว๊ อ ล่าง ชี๊น้าง, โท๊เละ ทอดูอแซย่ กุ้ แฌ้ พี่ โอ ดี๊-อ้ะ นอ

เอซเทอ 3:13

เกม๊า โพล้ง โชะไละ, ลี้ โชะ ไละกวิ้ยื่ง ลแพ อี้ง, ลู่ง กจุ้แฆว้ อ เว่งดูคล้องโท๊ พ้า กุ้ จอง, อางแบเลา เกม๊า แม้ เฌ๊ฌ้อง, แม้ซี๊ง, ดี๊ แม้ ล้างเทาไฆวะ โพล้ง ยู เลาพะ, เลา ดี๊ อ บาง อ แซย่, เลา ดี๊ พืงแซ ดี๊ กมืง ล นี้งฆ่าง นอ, เมะเว๊ มื่ง ชี๊งซ๊า นี้ง ล นี้ง แล้ ชี๊งคี๊ง เบง ล เบง พ้า, เมะเว๊ แล้ อาดา, ดี๊ เกม๊า ลู่นี่ก้ะ อ ซื๊งเว๊ ลแพ นอ อฆ้าอโฆ่ ปะ

เอซเทอ 5:11

ฌ้อง ฮามาง อางโล๊ไท้ เท่อ แบฆ้ะ ดี๊ อ ทโอทช๊อง, อ พู อ แฌ้ แอ แฌ้ แซย้, ดี๊ อฆี๊งอแล้ ล เม้ง แบ ล เม้ง, พี่ กจุ้แฆว้ เกล๊าง เอะ-อ้ะ, ดี๊ อางโล๊ไท้ แบฆ้ะ ดี๊ เท่อ, พี่ กจุ้แฆว้ อางกีทางโท๊-อ้ะ ดูเละ กดูกแซย่, ดี๊ ทอดู แม้ เท่อ บลาง พ้า นอ บี่จะเล้

เอซเทอ 7:4

เมะเว๊ เฆ้อ ซีงลแพ อี้ง, ก แบ ทอางแช๊-อ้ะ, เลา ดี๊ แย้, ดี๊ โพล้ง ล ชื้อฆ่าง ดี๊ แย้, เกม๊า แบ ทแม้ ล้างเทาไฆวะ, เกม๊า แบ ทแม้ซี๊ง, ดี๊ เกม๊า แบ ทแม้ ล้างเทาไฆวะ, เฆ้อ ซีงลแพ เมะ แบ ทอางแช๊, เมาะเว๊ เกม๊า ก เก ฆ่องมืง ดี๊ ฆ่องแคว๊ นอ, จ ล อิ้ทาง จ นุ้ แบ, เมะเว๊ ทน้ะทโน๊ง เมาะ อี้ง นอ, อางเพ๊งล้าง ดี๊ กจุ้แฆว้ อ ทเซงทื่งเฌ๊ฌ้อง ล ซีแบ>>

เอซเทอ 7:6

ดี๊ น่าง เอซเทอ โล้ เอะ-อ้ะ ไจ้ะเว๊, “โพล้ง โอเว้งโอก๊าง ดี๊ เฆ้อ ดี๊ เก กดีงกแด้ นอ, เมะเว๊ ฮามาง โพล้งอ้าโพล้งซ๊าง ล แฌ้ อี้ง, กแช่-เอ้อ”, ฮามาง อ ซ้ะไพ่ ซ้ะเม เท่อ, ลู่ง กจุ้แฆว้ ดี๊ น่าง เอซเทอ อ เมะแซ พ้า

เอซเทอ 8:11

บี่ซุ้ดี๊ ไละกวิ้ยื่ง ลแพ อี้ง นอ, กจุ้แฆว้ เอิ้งล้าง เกม๊า โพล้ง ยู ซีงลแพ, พี่ โอ เว่ง พ้า กุ้ จอง นอ, เฌ๊ โอซยอง โละซ้ะ, บี่ซุ้ ปโล่ปด้างล้าง อ ซ้ะ, บี่ซุ้ แม้ เฌ๊ฌ้อง, บี่ซุ้ แม้ซี๊ง, ดี๊ บี่ซุ้ แม้ ล้างเทาไฆวะ โพล้งเฌงพูฆ๊างพู-อ้า, เว่งดูคล้องโท๊-อ้า, อ ซึ้พู น๊างมู๊ง นอ เลาพะ, พี่ ม เฌ๊ แม้อ้าแม้ซ๊าง อ ซื๊งเว๊, เลา ดี๊ พืงแซ ดี๊ กมืง, ดี๊ เฌ๊ ตมละ นี่ก้ะ อ ซื๊งเว๊ อฆ้าอโฆ่

เอซเทอ 9:11

ล นี้ง แย๊ นอ, โพล้ง พี่ แบ ทแม้ซี๊ง-อ้ะ ลู่ง เว่ง ทล่างคุ้แคว่เท่อ ซูซา พ้า นอ, แบ ทเฌ๊ โล้แบ กจุ้แฆว้

เอซเทอ 9:9

ดี๊ ปาม้ะทา, อารีไซ, อารีได, ดี๊ ไวซาทา

ทอางปฆ้า 21:10

กจุ้แฆว้ ม แม้เฌ๊ฌ้องไฆวะ เว๊ อพูอลี้ง ลู่ง ฌางคูโคล๊งคู ดี๊ แม้เฌ๊ฌ้องไฆวะ เว๊ อชื้ออชะ ลู่ง กโพล้ง ซีงลแพ อ แกล้ พ้า

ทไจทางไฆวะ 17:16

ไจ้ะเว๊ บี่อี้ง, “ เมะเว๊ จูง โอ ล โค๊ เยาทาง อ ซ้ะ ม ดึ้ซึ้ กแช่ยาเว อ ล่าง ชี๊น้าง คู กแช่ยาเว ม ดึ้ซึ้ โละซ้ะ ดี๊ โพล้ง อามาเละ กุ้ อ ชู้ นอ ล้อ”

ทไจทางไฆวะ 20:5

เกม๊า โบงทางแบ้ทาง ทเค่งทฌ้าง ดี๊ แม้ เอะ ทลแพ นอ อ เท่อ น่างเม้ง ล ฌี้ เมะเว๊ แย้, จ เก กแช่ยาเว น กแช่แยว้, จ เก แยว้ พี่ ล๊องก้องไท้ อ พู อ ลี้ง, ดี๊ เกม๊า น พี๊ง น พู๊ง ลู่ง แย๊ อู้ง อ ทไพ้ะทแม, ล้างเทะแบก้ะ ท้อง ลู่ง โพล้ง, พี่ อ แช๊เมะ ไฌ๊ซ้ะ ดี๊ แย้ นอ อ พู อ ลี้ง ซ๊า ชู้ ลี่ง ชู้

ดานีเอง 6:24

ฌ้อง กจุ้แฆว้ อางแบเลา เท่อ, เกม๊า พองนี่ โพล้ง ลแพ นอ พี่ อ ซี๊งเค ดานีเอง เฌ๊ จึ้ล้าง ญ๊องไฆวะ-อ้ะ ลู่ง คี๊ยื่ง อ ไล๊ พ้า, เลา ดี๊ อ กแช่, อ พู ซีง ลแพ, ดี๊ อ ซื๊งเว๊ อ แม๊ นอ ปะ, พี่ อ ล้างเทะ ล คลึ้ ท้อง ล้าง ไล๊ พ้า ได้ะ แบ นอ, คี๊ยื่ง ลแพ นอ, ค่องคูง อ ซื๊งเว๊, ดี๊ บุ้แค่ อ ซื๊งเว๊ อฆีงอเกว้ ท๊อง อ ล้างบลิ้ล้างเนา ล้อ

โรมา 12:17

โพล้ง เมะ แม้ อ้า แม้ ซ๊าง น ซื๊ง ล แฌ้ๆ, นอ, แม้ ช๊า ไท้-อ้ะ ล ฌี้, เฌา แม้ เท่อ พี่ โพล้ง กุ้ อ แฌ้ แคว่ เว๊ เก ท อ ฌี้

ฟีลิ้ปี 4:8

ด๊างพื่งวี่ ซีง-เอ้อ, ลู่ง ไค๊ ทึ อี้ง เกม๊า น ซื๊ง ช๊องมอง เท่อ ลู่ง อ ฌี้ ดี๊ เท่อ ลู่ง อ เกิ้ง อางปฆ้า, เมะ เว๊ เท่อ ลู่ง อ เมะ อ โต้, เท่อ ลู่ง อ ดู อ โท๊, เท่อ ลู่ง อ เกิ้ง อ แบ, เท่อ ลู่ง อ ฌี้ อ แอว้, เท่อ ลู่ง อ ล้างเอ ล้างกวี้ง, ดี๊ เท่อ ลู่ง เกิ้ง ทื๊ง แบ นะ แบ-อ้ะ นอ, เกม๊า อ โอ ลู่ง น ซื๊ง ซ้ะ พ้า นอ ล้อ