ดานีเอง 4:26 - Northern Pwo Karen Thai Bible

²⁶ ดี๊ พี่ น อางแบเลา เกม๊า โอ ล้างลื๊อ ก้ะ อ ทุ้ อ ฌี่ง นอ, อ โค๊ เมะเว๊ บ้างมื่ง ม เก น เท่อ ได้ะ, พี่ น ญ่อง ฮะ-อ้ะ ท โพะคอง นอ, เก ทมุ้คู อ เท่อ

ดานีเอง 4:26 Խաչաձեւ Հղումներ

ดานีเอง 2:18

ดี๊ โล้ เอะ อ ซื๊งเว๊ เกม๊า ชูแพอางท่าง นี่ ท ย๊างซ้ะ ดี๊ กแช่แยว้ ลู่ง มุ้คู, แบฆ้ะ ดี๊ ทคิ้ซูงคิ้บีง อ ไฌ่ อี้ง, บี่ซุ้ ดานีเอง ดี๊ อ ฌุ้พาง ม ล เซงทื่งเฌ๊ฌ้องไฆวะ, พ๊าฆ่าง ดี๊ บาบีโลง อ โพล้งซีงแฌ๊แน่ฌ๊าเท่อแอ อ แฌ้แพ ลแพ นอ แบ

ดานีเอง 2:19

ทแดเว้ พ้า ลู่ง มแน้แค๊ นอ, กแช่แยว้ โล้ ล้างที๊ง ทคิ้ซูงคิ้บีง นอ เอะ ดานีเอง, ฌ้อง ดานีเอง นอ เทว๊ อางปฆ้า ทาง กแช่แยว้ ลู่ง มุ้คู

ดานีเอง 2:37

จ กจุ้แฆว้, กจุ้แฆว้ ดูเละโท๊เละ กจุ้แฆว้ กุ้ แฌ้, พี่ กแช่แยว้ ลู่ง มุ้คู นี่ เกล๊าง เอะ แน้ บ้างมื่ง, ท อดู้งอยางอซยื๊งอซย้องแอทึ ดี๊ ทฆี๊งทแล้

ดานีเอง 4:15

แบเด้าะ ทูแพล่ เกม๊า อ ทุ้ อ ฌี่ง โอท๊าง ฌางคู พ้า, จ้าทะ-อ้ะ ดี๊ ท้ะ ดี๊ ท่องบ้าง, เกม๊า อ โอ นางบาง อซุ้อแกล้ ลู่ง ไชะคูแน้พ้า, เกม๊า อ แบโจ ดี๊ ปช้างที๊ง เฌ๊นี่ ลู่ง มุ้คู, เกม๊า อ โอซยอง ดี๊ ทพูแฆ่ เม้ง ลู่ง นางแกล้ ฌางคูคู

ดานีเอง 4:23

ดี๊ พี่ น แคว่ ทมุ้คูพู พี่ อฌี้อแอว้, เฌ๊ล้าง นี่ ลู่ง มุ้คู, ดี๊ น ไคล้ บี่อี้ง, ‘เคาล้างไฆวะ เซง มื่งเทิง อี้ง, ดี๊ แม้เฌ๊ฌ้องไฆวะ-อ้ะ, แบเด้าะ ทูแพล่ เกม๊า อ ทุ้ อ ฌี่ง โอท๊าง ฌางคู พ้า, จ้าทะ-อ้ะ ดี๊ ท้ะ ดี๊ ท่องบ้าง, เกม๊า อ โอ นางบาง อซุ้อแกล้ ลู่ง ทเคแกล้, เกม๊า อ แบโจ ดี๊ ปช้างที๊ง เฌ๊นี่ ลู่ง มุ้คู, เกม๊า อ โอซยอง ดี๊ ทพูแฆ่ ลู่ง ไชะคูแน้พ้า, ดี๊ ทูแพล่ เกม๊า อ โอ บี่ นอ ท่อง อ ชิ้ทาง เนว๊ ว๊าง’

ดานีเอง 4:31

พี่ กจุ้แฆว้ ไคล้ ล คลึ้ ทึ ได้ะ แบ นอ, โอ ดี๊ ท อ ลู่ง เฌ๊นี่ ลู่ง มุ้คู ไจ้ะเว๊, “โอ้, กจุ้แฆว้ เนบูคาเนซา-เอ้อ, ก โล้ล้าง เอะ แน้ บี่อี้ง, บ้างมื่ง ล้างแซยล้างพ้ะแดไฆวะ แน้ เย้า

ดานีเอง 4:37

ค๊องเนงอี้ง, เฆ้อ เมะเว๊ เนบูคาเนซา, อางท่าง อางปฆ้า อางกีดูอางกีโท๊, ดี๊ เทว๊ ทฆี๊งทแล้ เอะ กจุ้แฆว้ ดู ทึ ลู่ง มุ้คู, เมะเว๊ กแช่แยว้ อ ทไพ้ะทแม้ นอ แบเมาะ, ดี๊ อ เกล้ นอ โต้ล้อง, กเย่ โพล้ง พี่ โอม๊า ลู่ง ท ทื่งดูล้างซ้ะ อ พ้า นอ, กแช่แยว้ เกม๊า เว๊ อ ล้างพือล้างปี๊ ซี

ดานีเอง 5:20

แบเด้าะ ท่อง น แพ่ อ ซ้ะ ชองทาง นอ, อเซิงอซ้ะ ล้างเล๊เก้, แม้เท่อไพ้ะเท่อ ดี๊ ท อางกีดูซ้ะ, กแช่แยว้ เท้าไฆวะ-อ้ะ ลู่ง อ ล่างชี๊น้าง โพะคอง เท่อ, ดี๊ แม้นี่ก้ะ เว๊ อฆี๊งอแล้ ล้อ

ดานีเอง 5:21

กแช่แยว้ โฌ๊ไจไฆวะ เนบูคาเนซา ลู่ง กโพล้ง อซุ้อแกล้ พ้า, ดี๊ ดึ้ เกม๊า เว๊ อ ซ้ะ เก บี่ซุ้ดี๊ ทพูแฆ่ เม้ง อ ซ้ะ, ดี๊ เกม๊า เว๊ อ โอ ดี๊ แลว้เม้ง, เกม๊า เว๊ อ อาง นาง บี่ซุ้ดี๊ งู้, ดี๊ อล้องอย่าง นอ, แบโจ ดี๊ ปช้างที๊ง เฌ๊นี่ ลู่ง มุ้คู, ท้อง ลู่ง ม นางแบ เว๊ กแช่แยว้ ดูทึโท๊ทึ นอ, โพะคอง กโพล้ง อมื่งอบ้าง, ดี๊ ต๊างทาง โพล้ง พี่ อ เว๊ ม ต๊างทาง เว๊ เกม๊า โพะคอง เท่อ

ม้ะทู 21:20

พี่ อ พู อ ลี้ง ซีง แด แบ เว๊ นอ โท๊โย๊ เว๊ เฆาะ, ฌ้อง ไจ้ะ เว๊ แด, “แม้ อ ซ้ะ บี่ จะ เล้ โบ่, กูงเย้ ล้างไย้ะ ล้างไฆ๊ มะ ล ทีง ฆ่าง”

ม้ะทู 5:34

เมะ ยี๊ แด จ โล้ เอะ น ซื๊ง ซีง บี่ อี้ง, พี่ น อืงล้าง เท่อ ล เม้งๆ, นอ ชู ล้าง เว้ โย๊ น ซ้ะ ล ฌี้, เฆว้ง แบ ดี๊ มุ้คู ล ฌี้, อ ไฌ่ บี่ อี้ง, ท มุ้คู เก กแช่ แยว้ อ ล่าง ชี๊น้าง ยู่แคว่ เท่อ

ลูกา 15:18

เอ๊ จ ม ไท้ ฌู จ แพ่, จ ม โล้ เอะ-อ้ะ บี่ อี้ง, “แพ่-เอ้อ, จ แม้ ไพ้ะ แบ กแช่ แยว้ ดี๊ แม้ ไพ้ะ แบ แน้ เย้า

ลูกา 15:21

อ พูแคว๊ ล แฌ้ นอ ไคล้ ดี๊ อ แพ่ บี่ อี้ง, ‘แพ่-เอ้อ, จ แม้ ไพ้ะ แบ กแช่ แยว้ ดี๊ แม้ ไพ้ะ แบ แน้ เย้า, ล เกิ้ง ล้า แบ พี่ โพล้ง ม กุ้ แย้ เก น พู’