อาโม 4:4 - Northern Pwo Karen Thai Bible

⁴ “เกม๊า เฌ๊ ลู่ง เบเอง, เฌ๊ แม้ ท ลือค๊างพะ เท่อ เฌ๊ ลู่ง กีลากาง-เซ้อ, เฌ๊ แม้ ท ลือค๊างพะ, เกม๊า อ แอทางโฌ่ทาง เกม๊า เฌ๊โชะ น ทพูแฆ่ลื่งทางเท่อ กุ้ อ โฌ้ ดี๊ เฌ๊โชะ น ทชี๊งเชโป้ง, ซ๊านี้ง ล พ๊า กุ้ พ๊า ซวะ

อาโม 4:4 Խաչաձեւ Հղումներ

ทโกงซีมองแบ 11:9

โอ้, มืงน้าง พืงแซแคว๊-เอ้อ, เกม๊า ซ้ะอวีงซ้ะโทะ ลู่ง น น่างบางซ้ะบาง อ แค๊, ดี๊ เกม๊า นเซิงนซ้ะ แม้ เซิงฆวี๊งซ้ะโย้ น น่างบางซ้ะบาง อ แค๊, เกม๊า น โอม๊าโอว้ะ บี่ซุ้ดี๊ นเซิงนซ้ะ, ดี๊ แม้ บี่ซุ้ดี๊ น แคว่-อ้ะ อเกิ้งอด้าง นอ, แบเด้าะ เกม๊า ซีงแฌ๊ บี่อี้ง ไช้ะ, ลู่ง ท กุ้เม้ง ลแพ อี้ง อกย้อง นอ, กแช่แยว้ ม เฌ๊ฌ้า แน้ ท้อง ลู่ง ท ต้ะเซ๊ง พ้า

เอเซเคียง 20:39

“เมะ น ซื๊ง นอ, โอ้, อีซลาเอง อชื้ออชะ-เอ้อ, ทอดูทึโท๊ทึกแช่ยาเว ไจ้ะเว๊ บี่อี้ง, เกม๊า ล แฌ้ๆ, ลี้ แม้ เอะ น ทเค่งทฌ้าง อ เท่อ, ดี๊ แม้-อ้ะ เด้าะ, น เมะ ล ชู่ง เฆ้อ แบ นอ, แบเด้าะ กเม้งกแซ พี่ อฌี้อแอว้ นอ, น ล แบ ดึ้เดว-อ้ะ ดี๊ ทเทว๊, ดี๊ น ซื๊ง ทเค่งทฌ้าง ล้า ล ฌี้

โฮเชยา 12:11

โอ ดี๊ ทอ้าทซ๊าง ลู่ง กีเลอา พ้า เต้ๆ, ล้อ อ ซื๊งเว๊ ลแพ นอ, เก ท ลเฌิ่งลค๊า แบ อ เว๊ แม้นี่ งู้แพ๊ เฌ๊ เทว๊ ลื่งทาง เท่อ ลู่ง กีลากาง พ้า เอ้อ, อ ทลื่งล่าง นอ, ม บี่ซุ้ดี๊ โล่ง อ โป้ง โอ เท๊ ล่าง อ คู ลู่ง ไชะ พ้า

โฮเชยา 4:15

โอ้, อีซลาเอง-เอ้อ, ทึเมะ น กแช่ โละกวี้ เอโบ้งเอพะ เท่อ ฌี้ นอ เกม๊า ยูดา โอ ดี๊ ทไพ้ะทแม ล ฌี้ ลี้ นึฆ้าง ลู่ง เว่ง เกงกาง พ้า ล ฌี้ ลี้ ทาง ลู่ง เบทาเวง ล ฌี้ ดี๊ ชูล้างซ้ะ บี่อี้ง ล ฌี้, “กแช่ยาเว โอม๊า เต้ บี่จะเล้”

โฮเชยา 9:15

อ ทอ้าทซ๊าง กุ้เม้ง โอ ลู่ง กีลากาง พ้า ก แช๊เมะไฌ๊ซ้ะ ทางซ๊าง-อ้ะ พี่ นอ ก ม โฌ๊ไจทาง-อ้ะ ไจแดไฆวะ ก ล่างโอ พ้า เป๊งนี่ อ ทแม้ พี่ ออ้าอซ๊าง อกย้อง นอ ก ล เอ-อ้ะ ล้า แบ เฆาะ กเย่ อคูอแน่ นอ, โอ เว๊ ที่ โพล้ง กไบล้ะกแบล เลาพะ

อาโม 3:14

บี่อี้ง, ลู่ง มื่ง ล นี้ง แย๊ พี่ ก แม้เตาแม้แต๊ อีซลาเอง, ลู่ง อ ท ลือค๊างพะ อไฌ่อกย้อง นอ ก ม แม้เตาแม้แต๊ กเย่ เว่ง เบเอง อ ท ลื่งล่าง ท ลื่งล่าง อ โน้ง นอ, ม แบ ท แม้ไฆวะ ดี๊ ล้างเทะ ฌางคูคู

อาโม 5:5

อางฆื๊ง เบเอง ล ฌี้ ลี้ นึฆ้าง กีลากาง พ้า-อ้า ดี๊ ลี้ ค๊างฌะ ฆ้าง ลู่ง เบเออเชบา-อ้า ล ฌี้ เมะเว๊ กีลากาง ม แบ ลี้ เก ท อ ฆ่อง เต้ๆ, ล้อ ดี๊ เบเอง นอ, ม ล้างแม่ไฆวะ”

ม้ะทู 23:32

น ซื๊ง แบ แม้ โพะ ก้ะ อ ล่าง, บี่ ซุ้ น พี๊งอพู๊ง ลู่ง แย๊ อู้ง แม้ เว๊ อู้ ท้อง อ กู้ง ทาง แด เทา

ม้ะทู 26:45

ฌ้อง เฌ๊ ไท้ ลู่ง อ พู อ ลี้ง โอ, โล้ เอะ อซื๊งเว๊ซีง ไจ้ะ เว๊, “น ซื๊ง มี๊ง โอ ไปว้ะ ได้ะ-อ้า โบ่, อ ช๊า อ โท่ เฌ๊ ท้อง ลี่ง พี่ โพล้ง ฌางคู พู ม แบ ท อ้ะล้าง, ลู่ง โพล้ง ท เด้บ้ะ อ จูง พ้า ล้อ

มาร้ะกู 14:41

อ เว๊ ลี้ ชูแพ ไท้ เท่อ ล พ๊า เด้าะ, ฌ้อง เฌ๊ ไท้ โล้ แบ อซื๊งเว๊ซีง, “น ซื๊ง มี๊ง ได้ะ-อ้า โบ่, แบ เย้า, อ ช๊า อ โท่ เฌ๊ ท้อง ลี่ง, โพล้ง ฌางคู พู ม แบ ท อ้ะล้าง ลู่ง โพล้ง ท เด้บ้ะ อ จูง พ้า ล้อ

มาร้ะกู 5:5

เลา มแน้ เลา มแช๊ อ เว๊ ไจ ท แซวคู พ้า, ไจ ลู่ง เฌง คู เฌง ฆ้อง ลู่ง ท ลู่ง ท จ้อง, ดี๊ กุ้ ซย้ะ เท่อ, เก้า ล้าง อ ล้อง อ ย่าง ดี๊ โล่ง ดี๊ ไล๊

โล้​ล้างที๊ง​ทอางแม้เลา 26:12

“พี่ น เทว๊ ทชี๊งเชโป้ง, เฌ๊นี่ ลู่ง น ทดุ้ทแล ทซูงทแซ ฌ้อง เย้า นอ, ลู่ง ซ๊า เนง ล เนง พ้า, พี่ อ เก เนง ทชี๊งเชโป้ง นอ, ทชี๊งเชโป้ง นอ, เกล๊าง เอะ โพล้ง เลวี, ดี๊ โพล้ง ลชื้อแด, พูฆวี, ดี๊ มืงเม๊, บี่ซุ้ อ ซื๊งเว๊ ม นี่ อางแบ เท่อ บลิ้อาง ลู่ง น เว่ง พ้า