2​ซามูเอง 22:14 - Northern Pwo Karen Thai Bible

¹⁴ กแช่ยาเว แม้ เซ๊ พ้ะดู อ ลู่ง, โอนี่ ลู่ง ทมุ้คู กแช่แยว้ พี่ อ โท๊ ทึ นอ, แม้ เซ๊ ทาง อ ลู่ง

2​ซามูเอง 22:14 Խաչաձեւ Հղումներ

โยบา 40:9

น จูงดูง โอ บี่ซุ้ดี๊ กแช่แยว้-อ้า? ดี๊ น แม้ น ลู่ง เซ๊ ล้างว้าง บี่ซุ้ดี๊ กแช่แยว้ อ ลู่ง ซี ชี่-อ้า?

ทไจทางไฆวะ 19:6

น ซื๊ง ม เก โพล้งลื่งเท่ออคู โอ ลู่ง กแช่แยว้ อ ทยู่แคว่ พ้า, ดี๊ เก โพล้ง ล ชื้อ ลู่ง อฌี้อแอว้ ลู่ง จ ฌ่าง อ อี้ง นอ, เก ทลื่งทไคล้ พี่ น แบ โล้ เอะ โพล้ง อีซลาเอง”

อีซยา 30:30

ดี๊ กแช่ยาเว ม ดึ้ เกม๊า โพล้ง แน่ฌ๊า อ ลู่ง เซ๊ พ้ะดู, ดี๊ ม ดึ้ เกม๊า แด อ จูง พี่ เป้ล้าง เท่อ ดี๊ ท ซ้ะทาง พ้ะดู, ดี๊ มีเค้ อาง เฌ๊ฌ้อง เท่อ, เลา ดี๊ ทเฌ๊ช้า พ้ะดู ดี๊ ลี้งเฌ๊ พ้ะดู ดี๊ มื่งแซ ล้าง

เอเซเคียง 10:5

เมะ เครุ้ ลแพ นอ, อ ได้ะ เซ๊ แน่ฌ๊า ท้อง อ ล่าง พ้ะเล่ ค๊องโค๊ ล ท๊า นอ, บี่ซุ้ดี๊ กแช่แยว้ พี่ โอ ดี๊ อดู้งอยาง อซยื๊งอซย้อง แอทึ อ ลู่ง เซ๊ พี่ อ ไคล้ แค๊ นอ

ท​เน​โพล​ทาง 11:19

ฌ้อง กแช่ แยว้ อ เว่งฮ๊าง ลู่ง ท มุ้คู แบ ท อุ้พ้ะ ทาง-อ้ะ, จ แด ไฮะ กแช่ แยว้ อ ท เอิ้งล้าง โอ พี่ นอ, ฌ้อง ล๊าง พล้ะ เท่อ ดี๊ ล๊าง เซ๊, เซ๊ ล้างว้าง ล้างซวาง, ฌางคู ว้ะ, ดี๊ มื่ง แซ ล้าง น้ะ มะ ล้อ

โพล้งต้ะเซ๊งเท่อ 5:20

แซย นอ ดึ้ซึ้ เท่อ ลู่ง ทมุ้คู ลู่ง อ เกล้ แด เว๊ นอ, อ ซื๊งเว๊ ดึ้ โละซ้ะ ดี๊ ซีเซรา

1ซามูเอง 2:10

กเย่ โพล้ง พี่ อ ดึ้ซึ้ ดี๊ กแช่ยาเว นอ, ม แบ ทแม้เฌ๊ฌ้อง-อ้ะ อ เว๊ ม โซ๊งล้าง ล๊าง เซ๊, โอนี่ ลู่ง มุ้คู ดึ้ซึ้ อ ซื๊งเว๊ กแช่ยาเว ม ต้ะเซ๊ง เท่อ ท่อง อ ท้อง ฌางคูโคล๊งคู ทึ อ เว๊ ม เกล๊าง เอะ อ กจุ้แฆว้ อ ไฌ่ อ แบ้ ดี๊ ม แม้ แอทาง เอะ โพล้ง, พี่ อ เท้าไน เว๊ ลแพ นอ อดู้งอยาง”

1ซามูเอง 7:10

พี่ ซามูเอง เทว๊ ทลื่งทาง เช้า ทพูแฆ่ น๊างดื้ง ได้ะ อ แค๊ นอ, โพล้ง ฟีลีเตีย เฌ๊ฆ้าง เบ้า, บี่ซุ้ ม ดึ้ซึ้ โพล้ง อีซลาเอง, แบเด้าะ กแช่ยาเว เกม๊า ล๊าง เซ๊ พ้ะดู เต้ๆ, ล นี้ง แย๊ นอ กแช่แยว้ ดึ้ซึ้ โพล้ง ฟีลีเตีย, เกม๊า เว๊ อ ตุ้ เท่อ อ คู อ ไค๊ ล แบ น่าง เม้ง ล้าแบ, ลู่ง โพล้ง อีซลาเอง อ เมะแซ พ้า