2ซามูเอง 20:6 - Northern Pwo Karen Thai Bible6 ดาเว ไคล้ ดี๊ อาบีไช ไจ้ะเว๊, “บีครี อ พู เมะเว๊ เชบา นอ, ม แม้อ้าแม้ซ๊าง แย้ น้ะเละ อะซาโลง, เกม๊า น ลี้ฌ้า กเย่ น เซงคู อ ซึ้พูกดูกแซย่, เมะเว๊ น เซงคู นอ ลี้ ล้องช่อง-อ้ะ, ไค๊ไก้ะ อ เว๊ ม อางฆื๊งนี่ กเย่ เว่ง, พี่ โอ ดี๊ อ กางแป ค๊า เฌิ่งเพิ่ง, ดี๊ มไจคุ้ซูง พ้องไฆวะ ดี๊ จ เมะ” Տես գլուխը |
2ซามูเอง 20:6
17 Խաչաձեւ Հղումներ
แบเด้าะ, น่าง เซรูยา อ พู เมะเว๊ อาบีไช นอ เฌ๊ฆ้าง แม้ช้า ดาเว, ดี๊ ดึ้ซึ้ โพล้ง ฟีลีเตีย ล แฌ้ นอ, แม้ซี๊ง เว๊ เฆาะ, ฌ้อง กเย่ ดาเว อ ซกุ้ ลแพ นอ, ไคล้ อืงล้าง เท่อ ดี๊-อ้ะ ไจ้ะเว๊, “กแช่-เอ้อ, เกม๊าเต้ น ลี้ ดึ้ซึ้ ฆึ เท่อ ดี๊ เฆ้อ ซีงลแพ อี้ง ล้า ล ฌี้, บี่ซุ้ น ล แม้ล้างไพะไฆวะ โพล้ง อีซลาเอง อ มีโด้ง แบ”
อูรียา ไคล้ช๊า ดาเว ไจ้ะเว๊ “ไฮะทเอิ้งล้าง ดี๊ โพล้ง อีซลาเอง ดี๊ โพล้ง ยูดา โอ ลู่ง เด้พู พ้า, จ เซงคู โยอะ ดี๊ กเย่ จ เซง อ กดูกแซย่ ซีงลแพ นอ, ช๊างล้าง ทล่างโอซยอง ลู่ง ญ้าง พ้า, ต้ะ ยี๊แด จ ม ไท้ ลู่ง จ เด้า, ไท้ อาง ไท้ โอ้ เท่อ, ดี๊ มี๊ง ดี๊ จ แม๊ บี่นอ โบ่?, น โอม๊า ได้ะ, ดี๊ น ทโอม๊า โอ ได้ะ บี่จะเล้ นอ, แย้ จ ล แม้ บี่นอ แบ”
เกม๊าเต้ ลู่ง น เฌ้เทิงทาง ค๊องเนงอี้ง, เกม๊า นไจทาง ไคล้ ชองทาง กเย่ กดูกแซย่ ลแพ นอ อ ซ้ะ, เมะเว๊ แย้ จ อืงล้าง เท่อ ลู่ง กแช่ยาเว อ เม้ง บี่อี้ง, น เมะ ล ลี้ แบ นอ, โพล้ง แคว๊ ม ล โอ ดี๊ แน้ น่าง แฌ้ ล้าแบ ล แน้ แย๊ อี้ง, ท ล ไฌ่ อี้ง นอ, ม น้ะเละ ทอ้าทซ๊าง อ แฌ้แพ กุ้เม้ง, พี่ อ กึทาง ดี๊ แน้, ล โค๊ ลู่ง น พืงแซ แค๊ท้อง ค๊องเนงอี้ง
แบเด้าะ, กแคว๊ ล แฌ้ นอ โล้ เอะ โยอะ ไจ้ะเว๊, “ทึเมะ จ จูง พองโฌ๊งทะ จี้ อ แทะ ล ม๊า ฌี้, จ ล เยาฆ้าง จ จูง แม้อ้าแม้ซ๊าง กจุ้แฆว้ อ พูแคว๊ แบ, เมะเว๊ เฆ้อ ลแพ อี้ง ก แน่ฌ๊า กจุ้แฆว้ อางแบเลา แน้, ดี๊ อาบีไช ดี๊ อิ้ไท ไจ้ะเว๊, ‘ เกม๊า น ยู่แคว่ทะ น่างบางซ้ะบาง แคว๊ อะซาโลง นอ, แด-อ้ะ ลู่ง จ เมะ อี้ง ไช้ะ’
ดาเว โซ๊งทาง อ ซึ้พูมู๊ง ลี้ เท่อ, เกม๊า เว๊ อ โอ ลู่ง โยอะ อ ทอางแบเลา พ้า ล มู๊ง, ลู่ง ทซ๊า มู๊ง อ แกล้, ดี๊ ลู่ง น่าง เซรูยา อ พู โยอะ อ พื่ง อาบีไช อ ทอางแบเลา พ้า ล มู๊ง, ลู่ง ท ซ๊า มู๊ง อ แกล้, ดี๊ ล มู๊ง ลู่ง ท ซ๊า มู๊ง อ แกล้ เด้าะ นอ, โอ ลู่ง อิ้ไท โพล้ง กะทา ลแฌ้ นอ อ ทอางแบเลา พ้า, กจุ้แฆว้ ไคล้ ดี๊ ซึ้พู ซีงลแพ นอ ไจ้ะเว๊, “แย้ จ ม ไจทาง ลี้ ดี๊ น ซื๊ง เต้ๆ, ล้อ”
‘แบทเล้ ก ซื๊งเว๊ ซีง ลแพ, ก ชี๊น้าง เฌิ่งเพิ่ง เกม๊า เฌ๊ฌ้า โละซ้ะ เซ้อ, เกม๊า ก ซื๊งเว๊, ลี้ นึฆ้าง ลู่ง เว่ง พี่ โอ ดี๊ ทล่างแคว่จู้เท่อ ลแพ นอ อ พ้า ดี๊ เซงทื่งเฌ๊ฌ้องไฆวะ พี่ นอ แดเทา เมะเว๊ กแช่ยาเว, ก กแช่แยว้ ม เกม๊า เฆ้อ ก เซงทื่งเฌ๊ฌ้อง ดี๊ เกล๊าง ก โอ้ ที๊ง, โอ ดี๊ อ จืง เป๊งนี่ ก แม้ ทเด้บ้ะ แบ กแช่ยาเว
Գովազդներ