1ซามูเอง 5:2 - Northern Pwo Karen Thai Bible

² ดี๊ โพล้ง ฟีลีเตีย ลี้ อางกี กแช่แยว้ อ ไฮะ นอ, ลู่ง ทกโช้งกแช่ ดาโกง อ ล่างโอ พ้า, อางกีล้าง เว๊ ลู่ง ทกโช้งกแช่ ดาโกง อ ฆ้อง

1ซามูเอง 5:2 Խաչաձեւ Հղումներ

1​ทกวิ้ไน 10:10

อ ซื๊งเว๊ แม้นี่ ซาอู อ นางดึ้นางชาง นอ, ไท้ อางกี เว๊ ลู่ง อ ทกโช้งกแช่ อ ล่างโอ พ้า, ดี๊ แม้นี่ ซาอู อ คู ฆีง นอ, จ้าทาง เว๊ ทกโช้งกแช่ ดาโกง อ ล่างโอ พ้า

1​ทกวิ้ไน 10:8

ท่อง ทพ้างทาง โฌ้ โค๊, พี่ โพล้ง ฟีลีเตีย เฌ๊ เบ้าะล้างไฆวะ โพล้ง ลู่ง อ แบ ทแม้ซี๊ง-อ้ะ ลแพ นอ อ ไช๊ อ ช้าง นอ, อ ซื๊งเว๊ แด ซาอู ดี๊ อ พูแคว๊ ซ๊า แฌ้ นอ อ จู, ลู่ง ทลู่ง กีโบอา คู

ดานีเอง 5:2

พี่ เบงชาซา โอ้ ไซ้ะ ซไบ้ะแซ ที๊ง ฌ้อง นอ, อ เว๊ อางแบเลา เกม๊า แม้นี่ ทพ้าทล่าง ท๊อง ดี๊ จี้, พี่ อ แพ่ เนบูคาเนซา แม้นี่ก้ะ เว๊ ลู่ง เว่งฮ๊าง เว่ง เยรูซเลง พ้า นอ, เกม๊า เฌ๊โชะ เอะ กจุ้แฆว้ ดี๊ อ กดูกแซย่ ลแพ นอ, เลา ดี๊ อ แม๊ ดี๊ อ แม๊พู, บี่ซุ้ เจ่ เว๊ ชวี๊งล้าง โอ้ ไซ้ะ ซไบ้ะแซ ที๊ง

ดานีเอง 5:23

แบเด้าะ น โชะทาง โท๊ น ซ้ะ ล โค๊, ดึ้ โละซ้ะ ดี๊ ทอดูทึโท๊ทึกแช่ ลู่ง มุ้คู, ดี๊ น เกม๊า โพล้ง แม้นี่ ทพ้าทล่าง ลู่ง เด้กแช่แยว้อล่างโอ, เฌ๊โชะ ลู่ง น เมะแซ พ้า, ฌ้อง แน้ ดี๊ โพล้ง เก ท อคูอแน่ ลแพ นอ, เลา ดี๊ น แม๊ ดี๊ น แม๊พู นอ, โอ้ ไซ้ะ ซไบ้ะแซ ที๊ง ลู่ง ทพ้าทล่าง ลแพ นอ อ พ้า, ดี๊ น อางปฆ้าทาง ท กโช้งกแช่ พี่ น ไต้ทาง-อ้ะ ดี๊ จี้ ท๊อง ท่องบ้าง ท้ะ เซง ดี๊ โล่ง นอ, พี่ ม แคว่ เท่อ ฌี้, คุ้ช๊องแน เท่อ ฌี้, แน เท่อ ฌี้ นอ ล ซี แบ, แบเด้าะ น ล นี่ เทว๊ ทฆี๊งทแล้ เอะ กแช่แยว้ แบ, เมะเว๊ กแช่แยว้ พี่ น ลี้ง แซทางแซล้าง โอ ลู่ง อ จูง พ้า, ดี๊ นเกล้นพ้า กุ้ บ้อง นอ, ฌ้องทางเกทาง เว๊ ดี๊ กแช่แยว้ ล แฌ้ ล้อ

ฮาบากุ้ 1:11

ฌ้อง อ เว๊ กว้ะ ลี้แพ๊ เท่อ, บี่ซุ้ดี๊ ลี้งอูง เท่อ ลี้ พะไฆวะ อ เว๊ เก โพล้ง โอ ดี๊ อ คูอวีงมี๊งบะ ลู่ง ออ้าอซ๊าง, อ เว๊ อไฌ่อแบ้ นอ, เมะเว๊ อ กแช่แยว้ ล้อ

ฮาบากุ้ 1:16

อกย้องบี่นอ, อ เว๊ เทว๊ ทพูแฆ่ลื่งทางเท่อ เอะ อ ซยะ ดี๊ เช้า ทน๊าม๊า เทว๊ เอะ อ เน๊ง เมะเว๊ ลู่ง อ เปิ่ง ท ลแพ อี้ง อกย้องนอ, ท อางน้าง ลู่ง อ ฌ่าง โอกู้งโอล๊า ฌี้ มะ ดี๊ อ ทอาง นอ, โอ แอฌี่งแอฌ้อง ล้อ

โพล้งต้ะเซ๊งเท่อ 16:23

โพล้ง ฟีลีเตีย อ กดูกแซย่ แพโซง โละอซ้ะ บี่ซุ้ ม เทว๊ ทลื่งทาง พ้ะดู เอะ อ ทกโช้งกแช่ ดาโกง ดี๊ ซ้ะอวีงซ้ะโทะ เท่อ, เมะเว๊ อ ซื๊งเว๊ ไจ้ะเว๊, “ก ทกโช้งกแช่ อางกีล้าง เซงซาง เมะเว๊ ก ดีง ก แด้ นอ ลู่ง ก จูง พ้า เย้า”