Yoane 3:5 - Wapongte Mic-Yowa Gbolicne

⁵ Aime Yesudi bafaliyelu yanguc edowec, “Foinac, monic ye misa Asuholecka gbolicne mi fikedaicte, ye Wapongte ngani-damongka nalic mi fedaicte, yogo noinebenang edocgugabac.

Yoane 3:5 Խաչաձեւ Հղումներ

Mataio 18:3

yanguc miwec, “Foinac, ngenge kwelengineng mi bafaliyedaingte ailu adu-madec yago yenge ingucne mi aidaingtewa, honocmengte ngani-damongka nalic mi fedaingte, yogo noine edocngebagabac.

Mataio 19:24

Ailu hatacmac edocngebabe, kameldi bungic yefina fedaicte, yogo boleine sugucne. Nga moneng nga woc-wiyackolec yedi Wapongte ngani-damongka fenogale aidaicte, yogodibac boletowaine sugucnehac.”

Mataio 21:31

“Ilec ngenge wenuc ngagegaing, madec yekelacni madi mamacinele angac balaibelu boleine bawec?” Micnenginengti inguc uwayeleme miibong, “Molic-molic madecine yedi.” Mibong Yesudi yanguc edocebawec, “Foinac, takes-baba ngic nga yefe-ngigac yengi molickengelelu Wapongte ngani-damongka fedaingte.

Mataio 28:19

Ilec ngenge hikelu ngic-ngigac himongne himongne sasawa bacebabong nale mic-tengtengfocne aidaing. Ailu ngenge Mamac nga Madec ailu Tili Asule wacka misa lowayeledabiyeng.

Mataio 3:11

Na kwele-hefaliyecte misa lowangelegabac. Nga ngic nale lobewa kwesidaicte, yedibac Tili Asu nga dac lowangeledaicte. Ailu yele tapilidi nale tapili ewaligac. Na waweweine ingucnedi yele hige-ebec hemoctocnobe nalic mi madickedaicte.

Mataio 5:20

Na yanguc edocngebabe ngagening, Wapongte yefe-yowale wewedu ngic nga Farisaio yenge aibaba dondonne aicaigaing. Aime entacka ngengele aibaba dondonnedi yengele mi ewalidaictewa, ngenge honocmengte ngani-damongka nalic mi fedaingte.

Mareko 10:14

Inguc aibong Yesu ye yogo nganilu kwele-dac ngageyelelu yanguc edocebawec, “Adu-madec kpisicne yenge nala nalic kwesining, ngenge aka mi holeyelening. Wapongte ngani-damong yogo adu-madec kpisicne yangucne yengele.

Mareko 16:16

“Aime monic ngagesingkelu misa lowadaictebac, Wapongti ye bikickacni bamoctome wasecne aidaicte. Nga monic ye mi ngagesingkedaicte, yebac mimoctodaicte.

Mareko 9:47

Me dongegone monicti sowacne aigeleme bikic bafuwadamectewa, ga yogo bamoctolu wickeengka hikedaic. Gacgu dongegone yaeckangkolec galu dac-sanangka haudameckale, dongegone moniyang sugu galu Wapongte ngani-damongte kwelina feengka madickedaicte.

Luka 13:24

“Ngic-ngigac homacne yenge Wapongte ngani-damongka fenogale aibibiyedaingte, yogo edocngebagabac. Ilec ailu ngenge nu kpisicna fenogale bole sanangne badabiyeng!

Luka 13:3

Yogo miyacbenang! Aime yanguc edocngebabe, ngengebac kwelengineng mi hefaliyedaingte, ngenge sasawadi yenge homaibong, ingucnehac homayackedaingte.

Luka 13:5

Yogo miyacbenang! Aime yanguc edocngebabe, ngenge kwelengineng mi hefaliyedaingtewa, ngenge sasawadi yenge homaibong, ingucnehac homayackedaingte.”

Yoane 1:13

Yele adu-madec yogo yenge ngic sackacni, me socte angackacni me ngic monicte angackacni monic mi fikeibong, miyac. Yenge Wapong yeuctihac mime fikeibong.

Yoane 3:3

Inguc mime Yesudi bafaliyelu yanguc edowec, “Foinac, monic ye hatacmac gbolicne mi fikedaictewa, ye Wapongte ngani-damongte kwelina nalic mi gadaicte, yogo noinebenang edocgugabac.”

Yoane 3:4

Inguc mime Nikodemusdi miwec, “Ngic biyac suguleicnedi wenucka hatacmac fikedaicte? Ye nenggacinele gobe kwelina nalic mi fedaicte. Ailu hatacmac nalic mi fikedaicte.”

Salecebaicne 2:38

Inguc mibong Pitadi yanguc edocebawec, “Bikicngineng hegilenale ngenge filesoc filesoc Yesu Kristole wacka kwelengineng hefaliyeme misa lowaning. Inguc aibong Wapongti kwele-madicte Tili Asu ngeledaicte.

Salecebaicne 3:19

Ilec ngenge bikicngineng miyac ainale kwelengineng hefaliyeme Wapongta hikedaing. Inguc aidaingtewa, Sugucnedi kwelengineng basanangebadaicte.

Roma 14:17

I yangucte, nosing misa yogodi Wapongte ngani-damongte noine mi aigac. Kwele-mogung, nga gaga dondonne, ailu belic-belic Tili Asudi nolecaigac, yogodibac Wapongte ngani-damongte noine aigac.

Roma 8:2

Ga Kristo Yesuholec wetackelu gaengka, Asu gagaineholecte yefe-yowadi bikic nga homacte yefe-yowale muckacni lukecguwec.

1 Korin 15:50

Ngic hae-gbafocne, soc sac-biuckolecti Wapongte ngani-damongte mole-damoc nalic mi badaicte, miyac. Wiyac peleckelu dangkedaicte, yogodi wiyac fafa-sanang faginowagacte mole-damoc inguchac nalic mi badaicte, inguc hocne edocngebagabac.

1 Korin 2:12

Wapongti wiyac haicine monic-monic kwele-madicka nolewec. Aime nongileng yogo ngage-motonangte Asuine noleme baibeng. Himong yagolec gaga monic mi baibeng, miyac.

1 Korin 6:11

Aime ngengelacni ngic-ngigac gocnedi esecne inguc ailu gaibong. Inguc gacgubong Sugucne Yesu Kristodi yeicne wacka, nga Wapongnonggengte Asu yele tapiliwa suwecngebalu dondonne wacngebalu Wapongte bingec locngebawec.

Galata 6:15

Ngic soc tofangineng helockeicne me mi helockeicne, yogodi wiyac feicne mi aigac. Wapongti mime ngic-ngigac gbolicne fikeibong, yogodi sugu feicne aigac.

1 Pita 1:2

Wapong Mamacti biyachac ngageme fawecte, yedi bawosaecngebalu yanguc mimoctowec, Tili Asudi ngengela bole bame ngenge sugule-sanangkelu Wapongte bingec aidaingte. Inguc ailu ngenge Yesu Kristole yowa balaibebong, yele sacti wickeme suwecngebawec gagaing. Yele kwele-madic nga kwele-mogungtowadi ngengela sawelu fadaic.

1 Pita 3:21

Misa yogodi Misa-lowacti umackacni bamoctocngebagac, yogolec ilucine aigac. Misa-lowac yogo socte wonong monic mi suweyackedaicte, miyac. I yangucte, Yesu Kristodi homackacni gboliyelu fangkewecte ailu, kwele ngage-ngagengineng madicne aigacte, misa-lowac yogodi Wapongte haicka inguc yegengkedaicte.

1 Yoane 2:29

Yesu ye dondonne, ngenge inguc ngagegaingka, ngenge inguchac yanguc ngagegaing, monic ye aibaba dondonne aicaigac, ye Sugucnele ngic fikewec gagac.

1 Yoane 5:1

Yesu ye Mesia gagac, ngic-ngigac inguc ngagesingkegaing, yenge Wapongtacni fikeibong. Aime monic ye mamac monicte kweleinedi angac ngagecnolu aicnogac, ye adu-madecinele inguchac kweleinedi angac ngagecnolu aicnogac.