Luka 2:14 - Wapongte Mic-Yowa Gbolicne

¹⁴ “Wapong, wac feicne, wileng honocmengka fadaic. Aime himongka yengela kwele-mogung fadaic. Wapongti ngic kwele-efec aiyelegac.”

Luka 2:14 Խաչաձեւ Հղումներ

Mataio 21:9

Aime ngic-ngigac habutowadi molickelu hikeibong nga lobeina balaibeibong, yengi aukwelu yanguc miibong, “ ‘Asec, Dawidile fikesaweckacni, Ngic Sugucnele wacka welegac, ye mimi-madicineholec.’ (Mige 118:26) Sawawa wilini wacine feicne mitengkegaing, asec.”

Luka 1:79

Walu kundung kwelina nga homacte folalacka gagaing, yenge bacebame angoledaingte. Ailu nongileng kwele-mogungte yefewa ganangte damongnubalu yefe yogo edalicnubadaicte.”

Luka 19:38

“Ngictau Sugucnele wacka welegac, ye mimi-madicineholec. (Mige 118:26) Honocmengka kwele-mogung fame sawawa wilini wacine feicne fadaic.”

Luka 2:13

Ye inguc milu domaemewa iwahac honocmengte angelo habu sugucne, yenge fikelu yeholec domalu Wapong mitengkelu yanguc miibong,

Luka 2:15

Aime angelo yenge honocmengka hefaliye febong, lama-damong yenge yengilangkac mingagec ailu miibong, “Betelehem taonka wiyac yogo fikeme Sugucnedi edocnubagac, ilec biyac hikelu yogo nganinang.”

Luka 3:22

Tili Asudi tudiling nangole silic ingucne ailu Yesula wawec. Wame honocmengkacni mic-yowa monic yanguc fikeme ngagewec, “Ga nale madec, kwelenedi gale angac ngagegabac, na ga ngani-angac aigelegabac.”

Yoane 14:27

Na kwele-mogungka locngebalu hikedacte. Aime kwele-mogungne logabac, yogodi ngengela fagidaicte. Himongtowa yagolec ngic-ngigac yengi kwele-mogung yelecaigaing, kwele-mogungne yogo ingucne miyac. Ilec ngenge kwele-umac mi badaing. Ailu hangoc mi aidaing.

Yoane 17:4

Na bole babele neleing, yogo bamoctoiba. Aime gale wac feicnedi himongka bole yogo bame angoleibong.

Yoane 3:16

I yangucte, Wapongti himongtowale ngic-ngigac yengele kwele-angac sugucnehac ngagewecte ailu, Madecine moniyang sugu lome himongka wawec. Ilec monicti ye ngagesingkegac, ye mi homadaicte, ye gaga-sanang bagac.

Salecebaicne 10:36

Foinac, Wapongti Yesu Kristo moniyang, ngic-ngigac sasawa nongileng Sugucne hocne saleme wawec. Yedi kwele-mogung yowa madicne Israel ngic-ngigac nongela mime yegengkenolewec, yogo ngenge ngagegaing.

Roma 5:1

Inguc ailu Wapongti ngage-ngagesingnonggeng nganilu dondonne wacnubame, Sugucnenonggeng Yesu Kristole madicte ailu yeholec kwele-mogungka gagabeleng.

Efesas 1:6

Ailu ye angac Madecine nga yeicne wac feicnele ailu kwele-madic ainolewec. Ilec nongileng ye mitengkegabeleng.

Efesas 1:9

Wapongte kwelewa ngage-ngage angacine sangke-sangke fagac, yogo Kristole ailu mipangkelu yanguc mime yegengkenolewec,

Efesas 2:4

Nongileng Wapongte yefe ewalilu gabeng asunonggeng homaicne gaibeng. Aime Wapongti sifu kwele-sowac sugucnehac ainolelu kwele-angactowa ngagenolewecte nongileng momoc Kristoholec bacnubalu bagboliyecnubawec. Aime Wapongti kwele-madic aingelewec, yogodi bikicte ameine bame wasecne aidaingte.

Filipai 2:11

Ailu ngic-ngigac sasawadi Yesu Kristo ye Sugucne, inguc mibong yegengkedaic. Inguc aibong wac feicne yogodi Wapong Mamacte ainowagac.

Filipai 2:13

Wapong ye bole aling madicne fikenale kwelenginang bole balu gagac. Inguc balu game ngage-ngagenginengti ye balaibedaingte. Ailu bole yogo baningte tapili ngelelu gagac.

Kolosi 1:20

Ye Madecinele inguc ngagelu wiyac sasawa himongka nga honocmengka fagaing, yogo Wapongkolec kwele-moniyang ainale ngagewec. Inguc ngagewecte Madecinele sac malicpongka wame homawec, yogodi balu wiyac sasawa bamadickeme kwele-mogung fikewec.

2 Tesalonika 2:16

Wapong Mamacnonggeng yedi hocne kwele-angacka kwele-madicinele ailu madicneinele wangec gaibong, yogo nolelu kwelenonggeng moto-motoine mikac basanangkenolelu gagac. Ye nga Sugucnenonggeng Yesu Kristo yeki yowa madicne nga bolenginec sasawa yogolec kwelina ngage-ngagengineng yeuckelu kwelengineng basanangkedabiyec.

Miyegengkeicne 5:13

Aime wiyac sasawa Wapongti mime fikeyackeibong, yenge honocmengka nga himongka ailu himong bageina nga kiwecka, yengele kweliwa wiyac sasawa gagaing, yenge yowa yanguc mibong ngageiba. “Ye ngictaule mac ngiye-ngiyeina ngiyegac nga Lama madecine, Yekela mimi-madic nga alang-baba, ailu wac feicne nga tapili moto-motoine mikac fafegidaic.”