1 Pita 4:15 - Wapongte Mic-Yowa Gbolicne

^15-16 Aime monic ye wacine, “Kristole aling,” inguc miningte doic ngagedaictewa, ye yogolec mi gameedaic. Ye wac yogolec ailu Wapong wacine bafedaic. Aime ngengelacni monicti ngic-wewe, me woc-wiyac hise-baba, me kindololo ngic gacaigac, me ngic-ngigac gocne yengele wiyacte andac ailu kwelina haucaigac, ye aibabaine ingucnele ailu doic ngagelu gameedaicte. Ilec ngenge aibaba ingucne mi ailu gadaing.

1 Pita 4:15 Խաչաձեւ Հղումներ

2 Tesalonika 3:11

Nonge inguc milu dameng monickabac siduc monic yanguc ngageibeng, ngengelacni ngic gocne yenge bole mi balu oyong gacaigaing. Ailu monicte bole fengka haulu moc domalu nganicebacaigaing.

1 Tesalonika 4:11

Aime ngenge ulucne galu bolengineng damongkelu ngengungtihac molenginengti bole balu ganingte ngage-ngagengineng sanangne fadaic. Molickelu aibaba ingucnele edocngebaibeng.

1 Timoti 5:13

Ailu yenge oyong galu mac-boneng lolickecaigaing. Ailu yogo sugu miyac, yenge gube yowa milu monicte bole fengka haucaigaing. Ailu gocne yengele wiyacte yowa nongilengti mimilesoc miyac, yogo sifu midaingte.

1 Pita 3:17

Monic ye aibabaine madicnele ailu Wapongti ngagecnogacka doicka lodaingte, yogodi madickedaicte. Aime monic ye aibabaine sowacnele ailu doicka lodaingte, ye mi mitengkedaing.

2 Timoti 2:9

Na yogo milu edocebalu gagabac. Ilec ailu doic ngagelu balu gabe, ngic yengi kindololo ngic muc-macka locebalu hefecaigaing, silicine yogo ingucnehac muc-macka locnulu hefecnuibong. Aime sifu Wapongte yowa yogo muc-macka nalic mi hefedaingte, miyac.

Mataio 5:11

“Nga ngenge nale alingka gagaingte ailu ngic-ngigac yengi misofoc nga weyebic aingelelu kwesac ailu ngengele ngagelu yowa sowacne haicine monic-monic aingeledaingte. Yenge inguc aingeledaingte, ngenge kwele-angackolec.

1 Pita 3:14

Aime sifu ngenge dondonne gaganginengte ailu, yengi ngenge doicka locngebadaingtewa, yogo ngenge kwele-angackolec. “Ngenge yengele damungebame hangoc mi aidaing.” (Yes 8:12)