Tayitùs 1:3 - Meta’

³ Ənɨ nyùmə̀ nyaʼa kuʼu, Ŋwìə̀ nɨ chɨ̀ əwa rəŋgəʼ nyaʼa ghɨ̀ ni bə̂d kyerɨ rəsìʼ we ɨchî nɨ wɨ̀ nyaʼa zɨ ɨkə̂n we ɨŋga tum rɨkyerɨ-ɨbɔ.

Ikan feg

³ Ane nyùmə̀ ya kòʼi, Ŋwiye ya ghì ìngam məd dù zen. Wì ya zì ìngam gho̰ inum ikye abo gha mə chete kwàʼ icheg ne Ŋwiye we ne pùmnə awa wì kə̀bi.

Tayitùs 1:3 Խաչաձեւ Հղումներ

Mk 1:15

Wɨ̀ nyaʼə ghàə̀ ni, “Nyùmə̀ fə kùʼi. Ənû ɨfɔ̀n ə Ŋwìə̀ ə fə tiinɨ. Mbə̀ beŋ tə fîŋ, ben ɨkə̂n chɔ̀m wɔ̂.”

Mk 13:10

Mbə̀ kyerɨ ni mbɨ bɨrɨ be gha ɨkə̂n chɔ̀m ɨŋga ɨbeŋ jìm bɔŋ ɨnwǐ sɨə yeʼe.

Mk 16:15

Wɨ̀ nyaʼa ghà əmbɨ mɨ̀mə̌d ni, “Mbə̀ wo ɨŋga ɨsɨg jìm, wò ghà ɨkə̂n chɔ̀m əmbɨ ə bə̂d mɨ̀jìm.

Lk 1:47

mɨ fîŋ zɨə ghaʼə ɨmbə̀ʼ ɨchî nɨ Ŋwìə̀ chɨ əmɨ rəŋgəʼ,

Ɨ̀fàʼì 10:36

Mbə kyerɨ ɨŋgam we nɨ wɨ̀ nyaʼa tom əmbɨ mɨ̀Izre. Ɨŋgam we wɨə ghà ɨkə̂n chɔ̀m ɨmbə̀ʼ əbɔrəbɔd ze nɨ tɨ̀ chè ənjìm ə Yeso Kristo berɨ mbɨ ə Ŋwiə̀. Yeso Kristo yɨ Ə̀nùŋɨ̀sɨg ɨgwɨ ə bə̂d mɨ̀jìm.

Ɨ̀fàʼì 17:26

Wɨ̀ nyaʼa tekɨ bə̂d ɨŋga ɨbeŋ jìm mbe nɨ yeʼ ɨŋga ɨsɨg wɔ̂ tɨ ənɨ ə wə̀d mɔʼ. Wɨ̀ nyaʼa nùŋ ə nyùmə̀ we nɨ bə̂d bɨrɨ chub ɨgwɨ ə si bə̀ nùŋ mɨ̀nə̀rɨ̀ əbeŋ mbe nɨ mbɨ bɨrɨ chub ɨŋga.

Rm 15:19

ənjìm ɨnweenɨ-ɨnû nɨ kaanɨ, ənjìm ɨnû yiirɨ bə̀ fɔrɨ ənjìm ɨka we nɨ Əzwî ə Ŋwiə̀ ə nàʼə̀. Əne mə fə ghà ɨkə̂n chɔ̀m ɨmbə̀ʼ ə Kristo ɨŋga ɨsɨ jìm, kɔ rɨ ə Jèrusalèm kad wò pè əbà əbeŋ ze rɨ ə Ilirikùm.

Rm 16:25

Tɨ̀ yiirɨ ə Ŋwiə̀ we nɨ tɨ̀ wɨ̀ ghɨ̀ mbə təm kàànɨ̀ ənjìm ɨkə̂n chɔ̀m, ənjìm ɨŋgam we nɨ mɨə ghà ɨmbə̀ʼ ə Yeso Kristo bə̀ fɔrɨ ənjìm ɨnû mbe nɨ nyaʼa ənə̀mə tɨ əŋwe rəŋwe nɨ mbɨ fə du əsaŋ.

Rm 16:26

Tɨ̀nîn mbɨ fə toʼ ɨnû mbe əsaŋ ənjìm ɨ̀ŋwàʼnɨ̀ mbe nɨ bə̂d ɨ̀kə̀n Ŋwiə̀ nyaʼa ŋwàʼnɨ̀ ghɨ̀ ni ɨbeŋ ɨjìm kyerɨ. Ŋwìə̀ we nɨ ten i koŋ nyaʼa fə sob əne, ɨmbə̀ʼ ɨbeŋ jìm ben əməd bə̀ zuunɨ əməd.

Rm 5:6

Ənɨ tɨ̀ nyaʼa kɨrɨ bɔd, nyùmə̀ nyaʼa kùʼ əne Kristo nyaʼa kwɨ ɨgwɨ ɨtu bə̂d mbe nɨ chəi mbɨ nyaʼə wumnɨ ə Ŋwiə̀.

1 Kɔrèn 9:17

Mə mɨ yeʼə ghà ɨkə̂n chɔ̀m ənɨ mɨ ɨghəm, njɨ mə bɨrɨ kəb ɨchɔʼ ə̀fàʼì. À mɨ yeʼ nɨ chəi mɨə ghà ənɨ mɨ ɨghəm, njɨ mə wɨə ghɨ̀ yeʼ ənû ze nɨ Ŋwìə̀ zɨ ɨŋga tum rɨkyerɨ-ɨbɔ.

Gàlesìyà 4:4

Àyɨə ənɨ ə nyùmə̀ nyaʼa fə kuʼu, Ŋwìə̀ nyaʼa tom i Wan. Mbɨ nyaʼa gywɨ əməd ɨghabɨ ə wə̀d mɨ̀sɔŋɨchù. Wɨ̀ nyaʼa bə̀ kwi ɨŋga rɨ̀kə̌,

Efesùs 1:10

Wɨ̀ nyaʼa nuŋ əne, ɨmbə̀ʼ ənɨ nyùmə̀ kuʼu, wɨ̀ bɨrɨ nɨŋ ɨghɨjìm mbe nɨ yeʼ ɨkaŋ mbɨ mbe nɨ yeʼ ɨgwɨ ə si fɔtɨ mbɨ Kristo nɨ yeʼ ətu ɨgwɨ ɨghɨ mbe jìm.

Efesùs 2:17

Wɨ̀ nyaʼa yeʼe pè ghà ɨkə̂n chɔ̀m ɨmbə̀ʼ əbɔrəbɔd əmbɨ mbə̀n mbe nɨ nyaʼa əsa əgha rɨ ənɨ ə Ŋwiə̀. Wɨ̀ nyaʼa bə̀ ghà əmbɨ mɨ̀Jû mbe nɨ nyaʼa tiinɨ ɨban ə Ŋwiə̀.

Fìlipì 1:13

Zɨə nyaʼa ghɨ̀ ni mɨ̀sɔgyɨ̀ mɨjìm mbe nɨ nyaʼə nəŋgɨ ə tɔʼ mbɨə bə̂d cherə mɨjìm kyerɨ ni mə wɨ ə nəb ndəŋ ɨmbə̀ʼ ɨchî nɨ mɨə ghà ɨkə̂n chɔ̀m ɨmbə̀ʼ ə Kristo.

Kòlosè 1:23

Mbə berɨ chè ɨmbì yim ə ɨbenɨ bə̀ təm ɨŋga ɨbenɨ we kàànɨ̀. Tɨ mbə̀ suŋgɨ ə rɨ ənɨ ɨnû mbe nɨ mbə̀ nyaʼa nuŋ rɨkɔndɨ ɨgun ənɨ ə nyùmə̀ we nɨ mbə̀ nyaʼa zu ɨkə̂n chɔ̀m. Mbɨ fə ghà ɨkə̂n chɔ̀m wɔ̂ ɨŋga ɨsɨg jìm. Ŋwìə̀ nyaʼa chɔʼ əmɨ, mɔ̌ Pɔ̂l, ni mə̀ gha ɨkə̂n chɔ̀m rəŋgu.

Kòlosè 1:6

nɨ fə yeʼe ɨ nən. Ɨkə̂n chɔ̀m wɔ̂ wɨə kwiə bə̀ ghɨ̀ə̀ ni bə̂d mɨ̀jìm ɨŋga ɨsɨg ghɨ ɨnû mbe nɨ Ŋwiə̀ kəbɨ, àmei ɨchî nɨ mbə nyaʼa fə bə̀ fə kɔ ghɨ̌, kɔ rɨ əni ze nɨ mbə̀ nyaʼa zu bə̀ kyerɨ rəsìʼ ɨmbə̀ʼ ɨ̀chɔ̀m Ŋwiə̀.

1 Tèsàlonikà 2:4

Tɨ̀ wɨə ghà àmei ɨchî nɨ Ŋwìə̀ kəbɨ ni tɨ̀ ghamə. Wɨ̀ fə nèŋ əwa zə ni tɨ̀ kùʼ ni wɨ̀ saŋ ɨkə̂n chɔ̀m wɔ̂ ɨŋga ta rɨkyerɨ-ɨbɔ. Chəi tɨə ghà ɨmbə̀ʼ ghɨ ni fîŋ rɨ bə̂d bɔŋə. Tɨ̀ wɨə ghàə̀ yeʼ ɨmbə̀ʼ fîŋ Ŋwìə̀ we nɨ kyerɨ ta rɨkɔndɨ bɔŋə.

1 Timotì 1:1

À yɨə mɔ̌ Pɔ̂l ŋwaʼnɨ ə̀ŋwàʼnɨ̀ zɔ̂. Mə yɨə wə̀d tom Kristo Yeso ɨchî nɨ Ŋwìə̀ we nɨə chɨ̀ əwa rəŋgəʼ mbɨ Kristo Yeso we nɨ tɨ̀ nuŋ ta rɨkɔndɨ ɨgwɨ məd gha.

1 Timotì 1:11

Tɨ̀ we tɨ̀ rɨ̀ zə ɨnû mbɔ̂ ɨŋga ɨkə̂n chɔ̀m we nɨ Ŋwiə̀ zɨ ɨŋga tum rɨkyerɨ-ɨbɔ. Məd yɨə Ŋwìə̀ we nɨ bə̂d ə yiirɨə bə̀ wumnɨə.

1 Timotì 2:3

Ənû nɨ kɔŋgɨ ə Ŋwiə̀ ɨgwɨ ətu ə bə̂d mɨjìm ə kàŋ bɔ̀ŋ. Ŋwiə̀ ziə nɨə chɨ̀ əwa rəŋgəʼ ə ben ni zɨə bɔ̀ŋ.

1 Timotì 4:10

Tɨ wɨə kywɨ ənywɨ nɨ faʼ rɨkǎ ɨmbə̀ʼ ɨghəm nɨ tɨ nuŋ ta rɨkɔndɨ ɨgun ə Ŋwìə̀ we nɨ yeʼ ɨkǎ. Məd wɨə chɨ̀ə̀ bə̂d mɨjìm mbe nɨ kəb ni mbɨ chɨ əwən rəŋgəʼ, màànɨ̀ mba mbe nɨ nuŋ ta rɨkɔndɨ ɨgwɨ məd.

2 Timotì 4:17

Mbɨ nyaʼa ghɨ̀ əne, àyɨə Ə̀nùŋɨ̀sɨg nyaʼa təm ɨban num, naʼ ɨka ɨ num ni mə gha ɨŋgam Ŋwiə̀ jìm, ɨmbə̀ʼ ə bə̂d mɨ̀jìm mbe nɨ kaʼi mɨ̀Jû zu. Ənɨ mə̀ nyaʼa gha əne, Ə̀nùŋɨ̀sɨg nyaʼa chɨ̀ əmɨ rɨ ɨchû ɨvɨ, ɨchî nɨ mbɨ nyaʼa nɨrə sobə ni mbɨ zwiirɨ əmɨ.

Tayitùs 2:10

kɨ̀ bè jɨ əghɨ ə mɔʼɔ. Mbɨ berɨ chwi ni mbə yɨə bə̂d chɔ̀m bə̀ chwi ni mbə mbɨə fàʼ ənɨ tə fîŋ rɨjìm. Mbɨ berɨ ghɨ əne ɨmbə̀ʼ chwi ni ənɨ ɨnû jìm ni ɨ mbe tɨ mbɨ ghɨ̀ bə̂d ghaʼ nɨ zu ɨŋgam Ŋwìə̀ we nɨə chɨ̀ əwa rəŋgəʼ.

Tayitùs 2:13

Tɨ̀ wɨə nùŋə̀ rɨkɔndɨ wòm əbɔrəbɔd ze nɨ Ŋwiə̀ kaʼ ɨ na. Əbɔrəbɔd ze ə bɨrɨ yeʼe ənɨ ə nyùmə̀ we nɨ a Ŋwìə̀ kyeŋ Ə̀nùŋɨ̀sɨg Yeso Kristo wɨrɨ yeʼe mbɨ ɨwumnɨ.

Ɨnû 14:16

Əne wə̀d we nɨ nyaʼa chub ɨgun ə pàʼ ze nyaʼa ŋwì fi ɨbi ɨgun ə si əne kwə̀ŋ ɨghɨ rɨ ɨgwɨ ə si.