Mk 12:29 - Meta’

²⁹ Yeso nyaʼa wììrɨ̀ ɨ bɔ ni, “Ɨkə we nɨ che tɨkə rɨjìm yɨ ni, 'Mbə̀ zu, kyɨə mɨ̀Izre! Ə̀nùŋɨ̀sɨg a Ŋwìə̀, Ə̀nùŋɨ̀sɨg mei we mɔʼ.

Ikan feg

²⁹ Yeso ya ywìtì ibo gha, “Nɔ̀ʼɔ̀ ne che mə̀nɔ̀ʼɔ̀ məjìm ya gha, ‹O Mbə̰ mə̀Izre! Mbə̀ zug, Anɔŋisəg ìwa Ŋwiye, Anɔŋisəg ya məyi iwe imɔʼ.

Mk 12:29 Խաչաձեւ Հղումներ

Matìyò 10:37

“Wə̀d mɔʼɔ we nɨ ghaʼ i mbǎʼ kɨ̀ i nɨŋ chè əmɨ, rɨka kùʼ i nɨ yeʼ mɨ ə̀mə̀ə̀nɨ̀-ɨnû. Wə̀d mɔʼɔ we nɨ ghaʼ i wan mbaŋə̀ kɨ̀ i wan əyi chè əmɨ, rɨka kùʼ i nɨ yeʼ mɨ ə̀mə̀ə̀nɨ̀-ɨnû.

Matìyò 23:9

Tɨ mbə̀ tɔŋ ə wə̀d mɔʼɔ ɨgwɨ ə si ni 'mbǎʼ', ɨmbə̀ʼ ɨghəm nɨ mbə̀ berɨ àmei Mbǎʼ mɔʼ. Məd wɨ ɨkaŋ.

Lk 10:27

Əchwiə̀ rɨ̀kə̌ we nyaʼa wììrɨ̀ ni, “À berɨ ghaʼ Ə̀nùŋɨ̀sɨg e Ŋwìə̀ ənɨ e fîŋ jìm, ənɨ e ɨ̀tènɨ̀ jìm, ənɨ e ɨka jìm bə̀ fɔrɨ ənɨ te rɨkɔndɨ rɨjìm. À berɨ bɨ ghaʼ wə̀d nɨ tindɨ ɨban ne ɨchî nɨ à ghaʼ e nyamnyod.”

Rm 3:30

ɨchî nɨ məd mei we mɔʼ. Wɨ̀ bɨrɨ ghɨ ni bə̂d mbe nɨ mbɨ ne mɨ̀mə̌d təm kùʼnɨ̀ ənjìm ɨbenɨ. Wɨ̀ bɨrɨ bɨ ghɨ̀ ni bə̂d mbe nɨ chəi mbɨ ne mɨ̀mə̌d bə təm kùʼnɨ̀ ənjìm ɨbenɨ.

1 Kɔrèn 8:4

Əne, mə wɨə kəb gha ɨmbə̀ʼ tɨjɨg te nɨ mbɨ naʼ ənɨ əghɨ ə̀fà əmbɨ mbɨ̀anèŋ: Tɨ̀ kyerɨ ni, “Kaʼ anèŋ yɨ i əghɨ nɨ yeʼ ɨkǎ” ɨchî nɨ mbə̀n mɨmɔʼɔ ə ghàə̀. Tɨ̀ bə̀ kyerɨ ni, “Ŋwìə̀ mei we mɔʼ” ɨchî nɨ mbə̀n mɨmɔʼɔ ə bə̀ ghàə̀.

Gàlesìyà 3:20

Wə̀d mɨ yeʼ ɨŋga mɨgharə̀, əne yɨ ni bə̂d ə nɔʼ. Àyɨə Ŋwìə̀ mei we mɔʼ.

1 Timotì 1:5

Əton nɨ mə gha ənû zɔ̂ ɨ ne yɨ ni bə̂d Kristo berɨ ghaʼ əwən mbənə mbənə. Ɨghaʼi we berɨ jwɨ rɨŋga fîŋ nɨ zeŋɨ, rɨŋga fîŋ nɨ chəi ɨnû rɨbɔ̀ŋ ɨŋga bə̀ fɔrɨ rɨŋga ɨbenɨ we nɨ yeʼ wɨ rəsìʼ.

1 Timotì 2:5

Ŋwìə̀ mei we mɔʼ. Wə̀d we nɨ yeʼ ɨŋga mɨgharə̀, maanɨə taŋ ze nɨ Ŋwiə̀ berɨ mbɨ ə bə̂d mei we mɔʼ. Təŋgàŋ yɨə Kristo Yeso.

Jems 2:19

À ben ni Ŋwiə̀ mei we mɔʼ. Zɨə bɔŋ! Ka àbei ɨzwî rɨbɔ̀ŋ, mbɨ bə̀ ben əne, àyɨə ɨ mbɨə benə bə̀ bindɨə.

Jûd 1:25

Mbɨ naʼ ɨwumnɨ, nàʼ ənû ɨfɔ̀n ə kyeŋ, nàʼ ɨka bə̀ nàʼ ənû nɨ tumbɨ ɨsɨg əmbɨ ə Ŋwìə̀ we mɔʼ. Məd wɨə chɨ̀ əwa rəŋgəʼ ənjìm a Ə̀nùŋɨ̀sɨg Yeso Kristo. Ɨnû mbɔ̂ nyaʼa i mbɨ məd kɔ rɨ ənɨ ə nyùmə̀ we nɨ nyaʼa fə che i. Ɨ mbɨ mbɨ məd tɨ̀nîn. Mbɨ bɨrɨ yeʼ mbɨ məd koŋ. À yɨ əne.