Matìyò 6:10 - Meta’

¹⁰ E ənû ɨfɔ̀n ə yeʼe, bə̂d rɨ ɨgwɨ ə si ghɨ ɨnû mbe nɨ à kə̀bɨ ɨchî nɨ mbe nɨ yeʼ ɨkaŋ ə ghɨ̀ə̀.

Ikan feg

¹⁰ Àze anug ìfɔ̀n ze yeʼe, bəd igun isəg se ghìyə̀ inug mbe ne àghò kə̀bi icheg ne mbi yaʼi ikaŋ àbɔ̀ŋɔ.

Matìyò 6:10 Խաչաձեւ Հղումներ

Matìyò 12:50

Wə̀d mɔʼɔ we nɨə ghɨ ɨnû mbe nɨ mɨ Mbǎʼ rɨkaŋ kə̀bɨ yɨ wum aŋgɔb, yɨ mɨ njàbɨ, bə̀ fɔrɨ mɨ nɨŋ.”

Matìyò 16:28

Mə ghà rəsìʼ ɨ nən ni chəi bə̂d mɔʼɔ rəbɔʼ mbɔ̂ nɨ təmbɨ əgha bɨrɨ kwɨ ə zɨ rɨ tɨ̀ mbɨ zə Wan Wə̀d nɨə yeʼe ɨghabɨ ɨfɔ̀n.”

Matìyò 26:42

Ənɨ Yeso nyaʼa ghà əne, wɨ̀ nyaʼa yì wò kɔ̀ŋgɨ̀ ə Ŋwiə̀ ənɨ ɨghəm nɨ pe be ghà ni, “Mɨ Mbǎʼ, à mɨ yeʼ ni chəi ɨchî cherə nɨ tɨ̀ à ghɨ̀ ni ŋgəʼ zɔ̂ chè rɨ ɨgwɨ num, njɨ ghɨ ɨchî nɨ à kə̀bɨ.”

Matìyò 3:2

ni, “Mbə̀ beŋ tə fîŋ, ɨmbə̀ʼ ɨghəm nɨ ənû ɨfɔ̀n rɨkaŋ ə fə tiinɨ.”

Matìyò 4:17

Ɨ kɔ rɨ ənɨ ə nyùmə̀ we, Yeso nyaʼa kɔ ghà ɨŋgam Ŋwiə̀ ni, “Mbə̀ beŋ tə fîŋ, ɨmbə̀ʼ ɨghəm nɨ ənû ɨfɔ̀n rɨkaŋ ə fə tiinɨ.”

Matìyò 7:21

“Kaʼi wə̀d jìm we nɨə tɔŋ əmɨ ni, 'Ə̀nùŋɨ̀sɨg, Ə̀nùŋɨ̀sɨg,' bɨrɨ nyɨ ɨŋga ənû ɨfɔ̀n rɨkaŋ. Àmei we nɨə ghɨ̀ ɨnû mbe nɨ mɨ Mbǎʼ rɨkaŋ kəbɨ bɨrɨ nyɨ.

Mk 11:10

Ŋwìə̀ zɨ əbɔrəbɔd ɨgun ənû ɨfɔ̀n ze nɨə yeʼe, nɨ yeʼ əzɨ a mbǎʼ Dèvîd. Tɨ̀ yiirɨ ə Ŋwìə̀ we nɨ yeʼ ɨkaŋ!”

Mk 3:35

Wə̀d mɔʼɔ we nɨə ghɨ̀ ənû ze nɨ Ŋwìə̀ kəbɨ yɨ wum aŋgɔb, yɨ mɨ njàbɨ bə̀ fɔrɨ mɨ nɨ̌ŋ.”

Lk 19:11

Ənɨ bə̂d mbe nyaʼə zwetɨ ənû ze, Yeso nyaʼa wò ɨmbì ghà ənû ə mɨgɨ əmbɨ mɨ̀mə̌d, ɨmbə̀ʼ ɨghəm nɨ mbɨ nyaʼa fə sɨə tiinɨ ɨban ə Jèrusalèm. Wɨ̀ nyaʼa bə̀ ghà ɨmbə̀ʼ ɨghəm nɨ bə̂d mɔʼɔ mbɨə nyaʼə kɔndɨə ni ənû ɨfɔ̀n ə Ŋwiə̀ bɨrɨ yeʼe əwu əwən.

Lk 19:38

Mbɨ nyaʼə yiirɨə ghàə̀ ni, “Ŋwìə̀ zɨ əbɔrəbɔd ɨgun ɨfɔ̀n we nɨə yeʼe ənɨ ɨkum Ə̀nùŋɨ̀sɨg! Əbɔrəbɔd ə zɨ ɨkaŋ, bə̂d bə wumnɨ ə Ŋwìə̀ we nɨ yeʼ ɨkaŋ!”

Lk 22:42

“Mɨ Mbǎʼ, à mɨ ghaʼ, tɨrə̀ ben e ni mə̀ zə ŋgəʼ zɔ̂, àyɨə ghɨ yeʼ ənû ze nɨ à kə̀bɨ, kà i əze nɨ mə̀ kəbɨ.” [

Jn 4:34

Àyɨə Yeso nyaʼa ghà əmbɨ mɨ̀mə̌d ni, “Mɨ əghɨjɨg yɨ nɨ ghɨ ɨnû mbe nɨ wə̀d we nɨ tom əmɨ kə̀bɨ, bə̀ fɔrɨ nɨ maanɨ ɨnû mbe nɨ wɨ̀ nyaʼa naʼ ɨ num.

Jn 6:40

Ənû ze nɨ mɨ Mbǎʼ kəbɨ yɨ ni bə̂d mɨ̀jìm mbe nɨ zə Wan, ben əməd, bɨrɨ jɨg ɨ̀tènɨ̀ rɨ mì. Mə bɨrɨ zwemnɨ mɨ̀mə̌d əni ze nɨ sɨ nwìə̀.”

Jn 7:17

Wə̀d mɔʼɔ mɨ kə̀b ghɨ ɨnû mbe nɨ Ŋwìə̀ kəbɨ, wɨ̀ bɨrɨ kyerɨ ni ɨnû mbe nɨ mɨə chwiə yɨ rɨ əmbɨ ə Ŋwiə̀, kɨ̀ ni mə wɨə ghàə̀ yeʼ ənɨ mɨ ɨka.

Ɨ̀fàʼì 13:22

Ənɨ Ŋwiə̀ nyaʼa swi əməd rɨ ɨgwɨ ətən, wɨ̀ nyaʼa nùŋ Dèvîd ənɨ ɨfɔ̀n. Wɨ̀ nyaʼa ghà ɨmbə̀ʼ ə Dèvîd ni, 'Mə fə zə ni Dèvîd, wan Jesè, yɨ ɨkwɨ wə̀d we nɨ mə̀ ghaʼi. Wɨ̀ bɨrɨ ghɨ ɨnû jìm mbe nɨ mə̀ kəbɨ.'

Ɨ̀fàʼì 21:14

Ɨchî nɨ chəi ənɨ tɨ̀ rɨ̀ nyaʼa kwepɨ ənû ze nɨ nyaʼa ɨŋga fîŋ məd, tɨ̀ nyaʼa sàŋ, əne ghà ni, “Ə̀nùŋɨ̀sɨg ghɨ̀ ənû ze nɨ wɨ̀ kəbɨ.”

Ɨ̀fàʼì 22:14

Wɨ̀ nyaʼa ghà ni, 'Ŋwìə̀ mba mɨ̀mbǎʼ rəŋwe fə chɔʼ əwe ni à kyerɨ ɨnû mbe nɨ wɨ̀ kə̀bɨ, ni à zə Wə̀d məd we nɨə ghɨ̀ ɨnû nɨ kùʼnɨ̀ mbɨ ni à zu ɨŋgam rɨ ɨchû məd,

Rm 12:2

Tɨ mbə̀ beenɨ ə əbɔʼ ɨnû mbe nɨ bə̂d ɨŋga ɨsɨg wɔ̂ ə ghɨ̀ə̀, àyɨə mbə̀ saŋə ni Ŋwìə̀ beŋ əwən ɨchî nɨ wɨə nàʼ rɨkɔndɨ fi ɨ nən, ɨmbə̀ʼ mbə kyerɨ ənû ze nɨ wɨ̀ kə̀bɨ. Əne yɨ ni mbə̀ kyerɨ ɨnû mbe nɨ yeʼ mbɨ chɔ̀m, kyerɨ mbe nɨ wɨ̀ ghaʼi bə̀ kyerɨ mbe nɨ kuʼnɨ.

Efesùs 6:6

Mbə ghɨ əne, kaʼ àmei ənɨ mbɨə nèŋ əwən, kɨ̀ ni mbɨ ghaʼ ə̀fàʼì ze nɨ mbə̀ə fàʼə̀. Mbə̀ faʼ ənɨ tə fîŋ rɨjìm ɨghabɨ ni mbə̀ yɨ ɨ̀bòʼò Kristo, nɨə ghɨ̀ ɨnû mbe nɨ Ŋwiə̀ kəbɨ.

Kòlosè 1:13

Wɨ̀ fə chɨ əwa rɨŋga tɨkyerɨ-ɨbɔ məd we nɨə tùmbɨ̀ ɨsɨ firɨ, əne zɨ̀ ɨŋga ənû ɨfɔ̀n ə Wan məd we nɨ wɨ̀ ghaʼi kwàʼ rɨŋgəʼ.

Kòlosè 1:9

À yɨ əton nɨ tɨ əni ze nɨ tɨ̀ nyaʼa zu ɨmbə̀ʼ əwən, chəi tɨ̀ kɨrɨ sob nɨ kɔŋgɨ ə Ŋwiə̀ ɨmbə̀ʼ əwən. Tɨ̀ wɨə kɔŋgɨə ni Əzwî əməd ə ghɨ mbə̀ jeŋgɨ kyerɨ ɨnû mbe nɨ wɨ̀ kəbɨ. Mbə ɨtu bɨrɨ zeŋ mbə kyerɨ ɨnû mbe ənjìm ɨwe we nɨ Əzwî ə nàʼə̀.

1 Tèsàlonikà 4:3

Ənû ze nɨ Ŋwìə̀ kəbɨ yɨ ni mbə̀ chub ɨzeŋɨ zeŋɨ ɨmbə̀ʼ tɨ mbə̀ ni ə məyi kɨ̀ mbaŋə̀ əbəŋ əbəŋ.

1 Tèsàlonikà 5:18

bə̀ nàʼ məben-əwe əmbɨ ə Ŋwiə̀ ɨmbə̀ʼ ɨnû jìm. Mbɔ̂ yɨ ɨnû mbe nɨ Ŋwiə̀ kəbɨ rɨ nən ɨchî nɨ mbə̀ yeʼ ənɨ fɔtɨ mbɨ Kristo Yeso.

Mə̀Hibrù 1:14

Ɨmbə̀ʼ mbɨ̀aŋgɨrə̀ mɨ̀jìm yɨ ɨzwî nɨə fàʼə̀, nɨ Ŋwìə̀ nyaʼa tom ni mbɨ weerɨ bə̂d mbe nɨ bɨrɨ jwɨ̀ rəŋgəʼ ə?

Mə̀Hibrù 10:36

Mbə berɨ nyiʼ, ɨmbə̀ʼ mbə ghɨ ənû ze nɨ Ŋwìə̀ kə̀bɨ. Mbə mɨ ghɨ̀ əne, mbə bɨrɨ berɨ əghɨ ze nɨ Ŋwìə̀ kaʼ ɨ nən.

Mə̀Hibrù 10:7

Əne mə nyaʼa ghà ni, 'Ŋwìə̀ zə, mə fə yeʼe ɨmbə̀ʼ ghɨ ənû ze nɨ à kə̀bɨ,' àmei ɨchî nɨ mbɨ ŋwàʼnɨ̀ ɨmbə̀ʼ əmɨ ɨŋga ə̀ŋwàʼnɨ̀ rɨkə.”

Mə̀Hibrù 13:21

naʼ ɨghɨ chɔ̀m jìm ɨ nən ɨmbə̀ʼ mbə ghɨ ɨnû mbe nɨ wɨ̀ kəbɨ. Wɨ̀ che ənjìm ə Yeso Kristo ghɨ̀ ɨnû mbe nɨ bɔŋ ɨ bɔ ɨŋga na. Tɨ̀ wumnɨ ə Yeso Kristo koŋ koŋ. À yɨ əne.

1 Pità 2:15

Ŋwìə̀ nyaʼa kə̀b yeʼ ni mbə̀ ghɨ ɨnû nɨ kuʼnɨ ɨmbə̀ʼ kubrɨ mɨchû ɨneŋ bə̂d mbe nɨə ghà ɨnû nɨ chəi mbɨ kyerɨ.

1 Pità 4:2

Əne mbə̀ nɨŋ nyùmə̀ we nɨ buʼ ɨ nən ɨgwɨ ə si ghɨ̀ ɨnû mbe nɨ Ŋwiə̀ kəbɨ, kaʼi mbe nɨ bə̂d rɨ ɨgwɨ ə si ə kə̀bə̀.

Ɨnû 11:15

Aŋgɨrə̀ we nɨ pe ənɨ mbɨ sambe nyaʼa fə i tàŋ, əne gɨ̂ rɨ kǎ kǎ mɔʼɔ tɨə nyaʼə gham rɨkaŋ ghàə̀ ni, “Ənû ɨfɔ̀n rɨ ɨgwɨ ɨsɨg fə bèŋ sɨ ənû ɨfɔ̀n a Ə̀nùŋɨ̀sɨg mbɨ əzɨ wə̀d məd we nɨ wɨ̀ zɔʼɔ. Əne məd bɨrɨ tumbɨ ɨsɨg koŋ koŋ.”

Ɨnû 12:10

Mə nyaʼa zu gɨ̂ nɨ kǎ ɨkaŋ. Gɨ̂ ze zɨə nyaʼə ghàə̀ ni, “Tɨ̀nîn Ŋwìə̀ fə chɨ̀ mbi bə̂d rəŋgəʼ, wɨ̀ fə chwi i ɨka. Ɨ wɨə tùmbɨ̀ə̀ bə̂d mɨ̀jìm ɨghabɨ ɨfɔ̀n! Tɨ̀nîn wə̀d we nɨ Ŋwìə̀ zɔʼɔ fə chwi i ɨka, ɨmbə̀ʼ ɨghəm nɨ mbɨ fə chɨ̀ wə̀d we nɨ nyaʼə təm ɨfě a Ŋwiə̀ màʼ ɨgwɨ ə si. Məd wɨə nyaʼə chuʼə mba bɔŋgɔb mbe nɨ nyaʼa ben ə Kristo. Ɨ wɨə nyaʼə chuʼə mɨ̀mə̌d əziə mbɨ ɨzimɨ.

Ɨnû 19:6

Mə nyaʼa zu əghɨ ə mɔʼɔ nɨ nyaʼa ɨghabɨ ə gɨ̂ ɨnɔ̂n bə̂d nɨ nyaʼa kwàʼ wɨ kyeŋ. Gɨ̂ ze zɨə nyaʼa ɨghabɨ ɨchî nɨ mɨgyɨ̂ nɔnɔʼ ə jùʼə̀ bə̀ fɔrɨ ɨghabɨ ɨchî nɨ mbə̀ŋ ə kùmə̀. Zɨ̀ nyaʼə ghàə̀ rɨ̀kǎ ni, “Tɨ̀ yiirɨ ə Ŋwiə̀! Ə̀nùŋɨ̀sɨg a Ŋwìə̀kɔʼ wɨə sɨə tùmbɨ̀ə̀ mbi bə̂d.

Ɨnû 20:4

Mə nyaʼa zə ɨtən ɨfɔ̀n. Mbɨ nyaʼa nàʼ ɨka əmbɨ ə bə̂d mbe nɨ nyaʼa chub ɨgun ɨtən mbe ni mbɨ saʼ ɨsɨg. Mə nyaʼa bə̀ zə ɨ̀tènɨ̀ bə̂d mbe nɨ mbɨ nyaʼa sopɨ ɨtu mɨ̀mə̌d ɨmbə̀ʼ ɨghəm nɨ mbɨ nyaʼə ghà rəsìʼ ɨmbə̀ʼ ə Yeso bə̀ fɔrɨ ɨmbə̀ʼ ɨghəm nɨ mbɨ nyaʼə ghà ɨŋgam Ŋwiə̀. Chəi mbɨ nyaʼa wumnɨ nyam kyeŋ rɨtu ze kɨ̀ bè ə anèŋ məd. Chəi mbɨ nyaʼa zɨ ənweenɨ ə nyam kyeŋ ze ənɨ ɨkəŋ ɨsɨ mɨ̀mə̌d, kɨ̀ ɨgun ɨbɔ mɨ̀mə̌d. Mbɨ nyaʼa zwemə əne tùmbɨ̀ ɨsɨg mbɨ Kristo ɨghəm ɨwu chuʼ fibɨ̀.