Matìyò 10:3 - Meta’

³ Filip mbɨ Bàtòlòmiù; Tomas mbɨ Matiù we nɨ nyaʼə əfetɨ mɨ̀tagsɨ̀; Jems nɨ nyaʼə wan Alfaùs mbɨ Tàdiòs;

Ikan feg

³ tì Filib tì Bàtòlomìyò tì Tòmas fɔrɔ Matìyò ne ya wə̀dtag tì Jem ŋwan Afòs tì Tàdiyòs

Matìyò 10:3 Խաչաձեւ Հղումներ

Matìyò 18:17

Wɨ̀ mɨ ton zwetɨ i əmbɨ mɨ̀mə̌d, gha ənû rəŋgu əmbɨ ɨfetɨ bə̂d Ŋwiə̀. Wɨ̀ mɨ ton zwetɨ i əmbɨ ɨfetɨ bə̂d Ŋwiə̀, à sɨ ghɨ̀ mbɨ məd ɨghabɨ ni chəi wɨ̀ kyerɨ ə Ŋwiə̀ kɨ̀ ɨghabɨ ni məd yɨ əfetɨ mɨ̀tagsɨ̀.

Matìyò 27:56

Mbɨ mɔʼɔ rɨ əbɔʼ mɨ̀mə̌d yɨə nyaʼə Mèri Màgdàlen, Mèri ɨŋgɔb Jems mbɨ Jòsêf, mbɨ ɨŋgɔb bɔn Zebèdiî.

Matìyò 9:9

Yeso nyaʼa nɔ̀ʼ rɨ əsɨ ze. Ənɨ wɨ̀ nyaʼə yènə̀ wòə̀, wɨ̀ nyaʼa zə mbaŋə̀ mɔʼɔ nɨ mbɨ nyaʼə tɔŋ ənɨ Matiù. Wɨ̀ nyaʼa i ɨŋga nəb nɨ mbɨə fetɨ mɨ̀tagsɨ̀. Yeso nyaʼa ghà ɨ bɔ ni, “Beenɨ əbɔʼ num.” Matiù nyaʼa nɔ̀ʼ beenɨ əbɔʼ məd.

Mk 15:40

Məyi mɔʼɔ nyaʼa bə̀ əŋgu nɨ nyaʼə nèŋə̀ rɨ əsa əgha. Mbɨ mɔʼɔ rəbɔʼ mɨ̀mə̌d yɨə nyaʼə Mèri Màgdàlen, Mèri ɨŋgɔb Jems bɔd mbɨ Josès fɔrɨ ə Sàlomè.

Mk 2:14

Ənɨ wɨ̀ nyaʼə chèə̀, wɨ̀ nyaʼa zə ə Levì, nɨ nyaʼə wan Alfaùs. Wɨ̀ nyaʼa chub ɨŋga nəb ze nɨ wɨ̀ nyaʼə fetɨ mɨ̀tagsɨ̀. Ənɨ Yeso nyaʼa zə əməd əne, wɨ̀ nyaʼa ghà ɨ bɔ ni, “Beenɨ əbɔʼ num.” Levì nyaʼa nɔ̀ʼ beenɨ əbɔʼ məd.

Mk 3:18

Mbɨ cherə yɨə Andrù, Filip, Bàtòlòmiù, Matiù, Tomas, Jems nɨ nyaʼə wan Alfaùs, Tadiòs, Saimòn nɨ mbɨ nyaʼə tɔŋ ənɨ ə mɨ̀taku

Lk 18:10

Wɨ̀ nyaʼa ghà ni, “Mbaŋə̀ mɔʼɔ rɨ̀be nyaʼa kɔʼ wò ɨŋga mbàn Ŋwìə̀ ɨ wo kɔŋgɨ ə Ŋwiə̀. Wɨ fìbɨ̀ yɨə nyaʼə Farisiî, wɨ cherə yɨə nyaʼə əfetɨ mɨ̀tagsɨ̀.

Lk 18:11

Ənɨ mbɨ nyaʼa wò əne, Farisiî we nyaʼa nɔʼ təm kɔ̀ŋgɨ̀ ə Ŋwiə̀ ɨmbə̀ʼ i ɨnyod ghà ni, 'Ŋwìə̀, məben-əwe ni chəi əmɨ ɨghabɨ ə bə̂d cherə mbe nɨə fè ɨghɨ bə̂d ənɨ ɨka, kɨ̀ ɨghabɨ mbe nɨ chəi mbɨə ghɨ̀ ɨnû nɨ kuʼnɨ, kɨ̀ ɨghabɨ mbe nɨə ni məyi bə̂d cherə, kɨ̀ be ɨghabɨ əfetɨ mɨ̀tagsɨ̀ wɔ̂.

Lk 18:13

“Àyɨə əfetɨ mɨ̀tagsɨ̀ we nyaʼa təm əsa əgha. Chəi wɨ̀ nyaʼa be nɔ̀ɔ̀rɨ̀ e ətu ɨkaŋ, àyɨə wɨ̀ nyaʼa nuŋ mbi ɨbɔ ɨgun i fîŋ ghà ni, 'Ŋwìə̀, kən ənɨ ə num. Mə yɨə wə̀d ɨnû rɨbɔ̀ŋ!'

Lk 19:2

Mbaŋə̀ mɔʼɔ nyaʼə əŋgu nɨ ɨkum məd nyaʼə Sàkiò. Wɨ̀ yɨə nyaʼə ətu ɨgwɨ məfetɨ mɨ̀tagsɨ̀. Wɨ̀ yɨə nyaʼə bə̀ ə wə̀d mbɔ̂n.

Lk 5:27

Ənɨ ənû ze ə nyaʼa chě, Yeso nyaʼa jwɨ̀, əne zə əfetɨ mɨ̀tagsɨ̀ mɔʼɔ nɨ ɨkum məd nyaʼə Levì. Wɨ̀ nyaʼa chub ɨŋga nəb ze nɨ wɨ̀ nyaʼə fetɨ mɨ̀tagsɨ̀ ɨŋga. Əne Yeso nyaʼa ghà ɨ bɔ ni, “Beenɨ əbɔʼ num.”

Jn 1:48

Natanaèl nyaʼa biirɨ ɨ bɔ ni, “À che rɨ ye kyerɨ əmɨ ə?” Yeso nyaʼa wììrɨ̀ ni, “Mə kə̀ʼ zə əwe ənɨ à kəʼ chub əton əzed ə fîg, bɔŋ Filip nyaʼa sɨə tɔŋ əwe.”

Jn 11:16

Tomas, nɨ mbɨ nyaʼə bə̀ tɔŋ ənɨ ə Didimùs, əne yɨ ni, wan ŋwìə̀, nyaʼa ghà əmbɨ mə̀mə̀ə̀nɨ̀-ɨnû mbə ni, “Tɨ̀ bə wò mbɨ Ə̀nùŋɨ̀sɨg, ɨmbə̀ʼ à mɨ yeʼ ənû nɨ wɨ̀ bɨrɨ kwɨ, tɨ̀ bə̀ kwɨ mbɨ məd!”

Jn 14:22

Judàs mɔʼɔ we nɨ kaʼi Judàs Iskàriɔ̀t, nyaʼa ghà ɨ bɔ ni, “Ə̀nùŋɨ̀sɨg, à kɨə wo chwi e ɨnyod ɨ na nɨ chəi à chwi əmbɨ ɨsɨg rɨ ye?”

Jn 14:5

Tomas nyaʼa ghà ɨ bɔ ni, “Ə̀nùŋɨ̀sɨg, chəi tɨ̀ kyerɨ əsɨ ze nɨ àwɔ̀ ə wò əŋgu. Tɨ̀ kɨə wo kyerɨ ɨnə̂njɨ̀ we rɨ ye ə?”

Jn 14:9

Yeso nyaʼa wììrɨ̀ ni, “Ɨmbə̀ʼ mə fə chubɨ mbɨ nən əgha ə se, àyɨə chəi àwɔ̀, Filip, kaŋ kɨrɨ kyerɨ əmɨ ə? Wə̀d jìm we nɨ zə əmɨ fə bə̀ zə ə Mbǎʼ. Àwɔ̀ wɨrɨ che rɨ ye ghà ɨ num ni, 'Chwiə Mbǎʼ ɨ na ə'?

Jn 21:2

Saimon Pità mbɨ Tomas, nɨ mbɨ nyaʼə bə̀ tɔŋ ənɨ ə Didimùs, əne yɨ ni wan ŋwìə̀, mbɨ Natanaèl, nɨ nyaʼa rɨ ə Kanà ə Galiliî, mbɨ ə bɔn Zebèdiî mbɨ mə̀mə̀ə̀nɨ̀-ɨnû Yeso cherə be nyaʼa əsɨ ə mɔʼ.

Ɨ̀fàʼì 1:13

Ənɨ mbɨ nyaʼa nyɨ ə Jèrusalèm, mbɨ nyaʼa kɔʼ wò nyɨ ɨŋga ətu ə nəb ze rɨkaŋ, nɨ yeʼ əsɨ ze nɨ mbɨ nyaʼə chub əŋgu. Mbɨ yɨə nyaʼə: Pità, Jɔ̌n, Jems, Andrù, Filip, Tomas, Bàtòlòmiù, Matiù, Jems nɨ nyaʼə wan Alfaùs, Saimòn nɨ nyaʼə mɨ̀taku mbɨ Judàs nɨ nyaʼə wan Jems.

Ɨ̀fàʼì 12:17

Pità nyaʼa mə̀ ənɨ e əbɔ ni mbɨ kəm rəziə. Ənɨ mbɨ nyaʼa kəmɨ, wɨ̀ nyaʼa tòʼrɨ̀ ɨchî nɨ Ə̀nùŋɨ̀sɨg kəʼ chɨ əməd rɨ ə ndəŋ. Wɨ̀ nyaʼa ghɨ̀ əne ghà ni, “Mbə̀ gha ənû zɔ̂ əmbɨ Jems fɔrɨ əmbɨ ə bɔŋgɔb mbə.” Ənɨ wɨ̀ nyaʼa ghà əne, wɨ̀ nyaʼa nɔ̀ʼ wò əsɨ ə cherə.

Ɨ̀fàʼì 15:13

Ənɨ mbɨ nyaʼa fə ghamɨ màànɨ̀, Jems nyaʼa ghà ni, “Bɔŋgɔb, mbə̀ zwetɨ mə ghamə.

Ɨ̀fàʼì 21:18

À nyaʼa əni ze nɨ beenɨ, mbǎ mbɨ Pɔ̂l nyaʼa wò zə ə Jems. Bə̂d mɨjìm mbe nɨ nyaʼə chà ɨfetɨ bə̂d Kristo mbɨə nyaʼə bə̀ əŋgu.

Gàlesìyà 1:19

Chəi mə nyaʼa zə wə̀d tom cherə chè rɨ ənɨ ə Jems we nɨ yeʼ aŋgɔb Ə̀nùŋɨ̀sɨg Yeso.

Gàlesìyà 2:9

Ənɨ ə Jems mbɨ Pità fɔrɨ ə Jɔ̌n, nɨ nyaʼə təʼ ɨŋga ɨfetɨ we, nyaʼa zə ɨ̀chɔ̀m we nɨ Ŋwìə̀ nyaʼa ghɨ̌ ənɨ ə num, mbɨ nyaʼa te əbɔ ə jɨgɨ mbɨ num mbɨ Banabàs ɨ chwi ni tɨ̀ wɨ ənɨ ənû ə mɔʼ mbɨ mɨ̀mə̌d. Mbɨ nyaʼa ghɨ̀ əne ɨmbə̀ʼ tɨ̀ wo əsɨ ə bə̂d mbe nɨ kaʼi mɨ̀Jû, mɨ̀mə̌d sɨ wò əsɨ mɨ̀Jû.

Jems 1:1

À yɨə mɔ̌ Jems, nɨ mə̀ yeʼ wə̀d ə̀fàʼì Ŋwìə̀ mbɨ wɨ Ə̀nùŋɨ̀sɨg Yeso Kristo, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ mbə̀n mɨnəbɨ mɨ̀Jû mbe wum chɔ̀b rɨ̀be nɨ jaŋ ɨŋga ɨsɨg jìm. Mə chàʼrɨ̀ əwən.

Jûd 1:1

À yɨə mɔ̌ Jûd, nɨ mə̀ yeʼ wə̀d ə̀fàʼì Yeso Kristo bə̀ yeʼ aŋgɔb Jems, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ ə bə̂d mbe nɨ Ŋwìə̀ Mbǎʼ nyaʼa ghaʼi kwàʼ rɨŋgəʼ, əne tɔŋ mɨ̀mə̌d ni mbɨ yeʼ mbi bə̂d, bə̀ nùŋ mɨ̀mə̌d wòm nyùmə̀ we nɨ Yeso Kristo bɨrɨ wɨrɨ yeʼe.