Lk 8:21 - Meta’

²¹ Àyɨə wɨ̀ nyaʼa ghà əmbɨ mɨ̀mə̌d ni, “Mɨ nɨ̌ŋ mbɨ mbɨ bɔŋgɔb yɨə bə̂d mbe nɨə zu ɨŋgam Ŋwiə̀ bə̀ ghɨ̀ə̀.”

Ikan feg

²¹ Yeso ya ywìtì inɔb gha, “Ìmə ngɔb tì ìmbum məfi ya bəd mbe ne zùghə Ìngam Ŋwiye bə̀ fàʼà icheg ne we ghà.”

Lk 8:21 Խաչաձեւ Հղումներ

Matìyò 17:5

Ənɨ wɨ̀ nyaʼə kɨrɨ ghàmə̀, pàʼ nɨ nyaʼə fuə bə̀ teə nyaʼa kubrɨ mɨ̀mə̌d mɨjìm. Gɨ̂ mɔʼɔ rɨŋga pàʼ ze nyaʼa ghà ni, “Wɔ̂ yɨ mɨ Wan nɨ mə̀ ghaʼi kwàʼ rɨŋgəʼ, mɨ fîŋ ə bɔ̀ŋ əku ɨmbə̀ʼ əməd. Mbə̀ zu ənû ze nɨ wɨə ghàə̀!”

Matìyò 25:40

Ɨfɔ̂n we bɨrɨ wììrɨ̀ əmbɨ mɨ̀mə̌d ni, 'Mə ghà rəsìʼ ɨ nən ni, ɨchî nɨ mbə̀ nyaʼə ghɨ̀ ɨnû mbɔ̂ ənɨ wɨ kwa mɔʼɔ rəbɔʼ bɔŋgɔb mbɔ̂ num, əne mbə̀ nyaʼa ghɨ yeʼ ənɨ ə num.'

Matìyò 25:45

Wɨ̀ bɨrɨ wiirɨ əmbɨ mɨ̀mə̌d ni, 'Mə ghà rəsìʼ ɨ nən ni, ɨchî nɨ chəi mbə̀ nyaʼa ghɨ ɨnû mbɔ̂ ənɨ wɨ kwa mɔʼɔ rəbɔʼ mbɔ̂, əne chəi mbə̀ nyaʼa bə̀ ghɨ̀ ənɨ ə num.'

Matìyò 28:10

Yeso nyaʼa ghà əmbɨ mɨ̀mə̌d ni, “Tɨ mbə̀ bɔ ə. Mbə̀ wo ghà əmbɨ mbɨ bɔŋgɔb ni mbɨ wo ə Galiliî. Mbɨ bɨrɨ zə əmɨ əŋgu.”

Lk 8:15

Ɨghɨ mbe nɨ nyaʼa feŋ ɨŋga si chɔ̀m, yɨə bə̂d mbe nɨ ənɨ mbɨ zu ɨŋgam we, mbɨ yim wɨ kàànɨ ɨŋga tə fîŋ te nɨ zeŋɨ bə̀ bɔ̀ŋ, əne yim fîŋ pè ənɨ mbɨ ghɨ ɨnû mbe nɨ Ŋwìə̀ kə̀bɨ.

Lk 8:20

Wə̀d mɔʼɔ nyaʼa ghà ɨ bɔ ni, “E nɨŋ mbɨ mbe bɔŋgɔb mbe təmbɨ ɨsɨg. Ɨ mbɨə kə̀b zə əwe.”

Jn 13:17

Tɨ̀nîn nɨ mbə̀ fə kyerɨ ɨnû mbɔ̂, Ŋwìə̀ zɨ əbɔrəbɔd ɨgwɨ nən ənɨ mbə̀ ghɨ mbɨwən!

Jn 20:17

Yeso nyaʼa ghà ɨ bɔ ni, “Tɨrə̀ yim e əmɨ, ɨmbə̀ʼ ɨghəm nɨ chəi mə kɨrɨ wò ɨkaŋ əsɨ mɨ Mbǎʼ. Àyɨə ndə̀ əsɨ mbɨ bɔŋgɔb pè ghà əmbɨ mɨ̀mə̌d ni mə yɨ əni wò ɨkaŋ əsɨ mɨ Mbǎʼ nɨ bə yeʼ ə Mbǎʼ, bə̀ wò əsɨ mɨ Ŋwiə̀ nɨ bə yeʼ ə Ŋwiə̀.”

2 Kɔrèn 5:16

Əne, ɨ kɔ rɨ̀nîn chəi tɨə wɨrɨə neŋə wə̀d ɨchî nɨ wə̀d mɨ̀sɔŋɨchù ə nèŋə̀. Ka à bè yeʼi ni tɨ̀ nyaʼa kweʼ nèŋ ə Kristo ɨchî nɨ bə̂d mɨ̀sɔŋɨchù ə nèŋə̀, àyɨə chəi tɨə wɨrɨə nèŋ əməd əne.

2 Kɔrèn 6:18

Mə bɨrɨ yeʼ Mbǎʼ ɨ nən, əne mbə bɨrɨ yeʼ mbɨ bɔn mbaŋə̀ mbɨ mbɨ bɔn məyi. Əzɔ̂ yɨ ənû nɨ Ə̀nùŋɨ̀sɨg Ŋwìə̀kɔʼ ghǎ.”

Jems 1:22

Tɨ mbə̀ yeʼ ə bə̂d nɨə zu ɨŋgam Ŋwiə̀ zu, əne tambɨ ə ɨnyod. Mbə̀ ghɨ ɨnû mbe nɨ ɨŋgam we gha ni mbə̀ ghɨ̀ ə.

1 Jɔn 2:29

Mbə mɨ kyerɨ ni Kristo wɨə ghɨ̀ ɨnû nɨ kuʼnɨ, njɨ mbə bɨrɨ bɨ kyerɨ ni wə̀d jìm we nɨə ghɨ̀ ɨnû nɨ kuʼnɨ yɨə wə̀d Ŋwìə̀.

3 Jɔn 1:11

Wum aŋgɔb nɨ mə̀ ghaʼi kwàʼ rɨŋgəʼ, tɨrə̀ mɨ̀g e ənû rɨbɔ̀ŋ. Mɨg yeʼ ənû ə chɔ̀m. Wə̀d we nɨə ghɨ̀ ɨ̀chɔ̀m yɨə wə̀d Ŋwiə̀. Chəi wə̀d we nɨə ghɨ̀ ɨnû rɨbɔ̀ŋ kweʼ zə ə Ŋwiə̀.