Lk 2:47 - Meta’

⁴⁷ Bə̂d mɨ̀jìm mbe nɨ nyaʼa zu ɨnû mbe nɨ wɨ̀ nyaʼə ghàə̀, nyaʼa yiirɨ ɨchî nɨ wɨ̀ kyerɨ ɨnû bə̀ yiirɨ ɨchî nɨ wɨ̀ nyaʼə wììrɨ̀ ɨnû.

Ikan feg

⁴⁷ Anug ya chè wə̀d ijìm ne ya zughi icheg ne Yeso yaya ghàmà bə̀ ywìtè tibiri ane iwe.

Lk 2:47 Խաչաձեւ Հղումներ

Matìyò 13:54

Ənɨ wɨ̀ nyaʼa pe ɨŋga e əbeŋ, wɨ̀ nyaʼa chwi ɨnû əmbɨ ə bə̂d ɨŋga nəb ə̀kàtɨ̀ ze nɨ nyaʼa əŋgu. Bə̂d mbe nɨ nyaʼa zu ɨnû mbe nyaʼa yiirɨ, əne biirɨ ni, “Mbaŋə̀ zɔ̂ ə nɨŋ ɨkwɨ ɨwe wɔ̂ mbɨ ɨka nɨ ghɨ ɨnû yiirɨ mbɔ̂ rɨ ə yi ə?

Matìyò 22:33

Ənɨ mɨnɔ̂n bə̂d mbe nyaʼa zu ənû ze, mbɨ nyaʼa yiirɨ ɨnû mbe nɨ wɨ̀ nyaʼə chwiə.

Matìyò 7:28

Ənɨ Yeso nyaʼa fə gha ɨnû mbɔ̂ màànɨ̀, mɨnɔ̂n bə̂d mbe nyaʼa yiirɨ ɨchî nɨ wɨ̀ nyaʼə chwi ɨnû,

Mk 1:22

Bə̂d mbe nɨ nyaʼa zu ɨnû mbe nyaʼa yiirɨ ɨchî nɨ wɨ̀ nyaʼə chwi ɨnû, ɨmbə̀ʼ ɨghəm nɨ ɨ wɨə nyaʼə chwi ɨnû əmbɨ mɨ̀mə̌d ɨghabɨ ə wə̀d nɨ berɨ ɨka nɨ ghɨ əne, kaʼi ɨghabɨ ɨchî nɨ məchwiə̀ rɨ̀kə̌ nyaʼə chwiə.

Mk 11:18

Bə̂d kyeŋ mbe rɨ ə mbàn Ŋwìə̀ mbɨ məchwiə̀ rɨ̀kə̌ nyaʼa zu ənû ze nɨ wɨ̀ nyaʼə ghàə̀ əne mbɨ nyaʼa kə̀b ɨnə̂njɨ̀ nɨ zwiirɨ əməd. Àyɨə ɨ mbɨ nyaʼə bɔ əməd ɨmbə̀ʼ ɨghəm nɨ ɨnɔ̂n bə̂d we jìm wɨə nyaʼə yiirɨ ɨnû mbe nɨ wɨ̀ nyaʼə chwiə.

Mk 6:2

À sɨ əni əkwɨ mɨ̀Jû, wɨ̀ nyaʼa kɔ chwi ɨnû ɨŋga nəb ə̀kàtɨ̀. Bə̂d mɨ̀nɔnɔʼ mbe nɨ nyaʼa əŋgu nyaʼa zu ɨnû mbe yiirɨ, əne biirɨ ni, “Mbaŋə̀ zɔ̂ ə nɨŋ ɨnû mbɔ̂ jìm rɨ əyi ə? Wɨ̀ ə nɨŋ ɨkwɨ ɨwe wɔ̂ rɨ əyi ə? Mbə̀ zə ɨnû yiirɨ mbe nɨ wɨə ghɨ̀ə̀!

Lk 2:18

Bə̂d mɨ̀jìm mbe nɨ nyaʼa zu, nyaʼa yiirɨ ənû ze nɨ mənə̂ŋgɨ̀-njɨ̀g mbe nyaʼa gha əmbɨ mɨ̀mə̌d.

Lk 2:46

Ənɨ ɨni nyaʼa chè tad, mbɨ nyaʼa zə əməd ɨŋga mbàn Ŋwìə̀ nɨ wɨ̀ nyaʼa chub əkaʼ məchwiə̀-ɨnû. Ɨ wɨə nyaʼə zwetɨə ɨnû mbe nɨ mbɨ nyaʼə ghàə̀, bə̀ biirɨ ɨnû rɨ əmbɨ mɨ̀mə̌d.

Lk 4:22

Mɨ̀mə̌d mɨjìm nyaʼa ghà ɨŋgam chɔ̀m ɨmbə̀ʼ əməd, əne yiirɨ ɨŋgam əbɔrəbɔd we nɨ nyaʼa jwɨ rɨ ɨchû məd. Mbɨ nyaʼa yiirɨ əne ghà ni, “Ɨmbə̀ʼ wɔ̂ yɨə wan Jòsêf ə?”

Lk 4:32

Bə̂d mbe nɨ nyaʼa zu ɨnû mbe nyaʼa yiirɨ ɨchî nɨ wɨ̀ nyaʼə chwiə, ɨmbə̀ʼ ɨghəm nɨ ɨ wɨə nyaʼə ghàm ɨghabɨ ə wə̀d nɨ berɨ ɨka nɨ ghɨ əne.

Jn 7:15

Ənû ze ə nyaʼa chè bə̂d mbe nɨ nyaʼə tekɨ ɨnû ɨŋga əbeŋ mɨ̀Jû, əne mbɨ nyaʼa biirɨ ni, “Mbaŋə̀ zɔ̂ ə chè rɨ ye kyerɨ ɨnû əni, nɨ chəi wɨ̀ kweʼ kwembɨ ə̀ŋwàʼnɨ̀ ə?”

Jn 7:46

Mənə̂ŋgɨ̀ mbàn Ŋwìə̀ mbe nyaʼa wììrɨ̀ ni, “Chəi wə̀d mɔʼɔ kweʼ ghàm ɨghabɨ ə mbaŋə̀ zɔ̂!”