Lk 12:14 - Meta’

¹⁴ Yeso nyaʼa wììrɨ̀ ɨ bɔ ni, “Mɨ sə̀ʼ, a kɨə we nuŋ əmɨ ənɨ əsaʼ bə̂d, kɨ̀ ənɨ wə̀d nɨə ghàpɨ̀ ɨghɨ ɨ nən ə?”

Ikan feg

¹⁴ Yeso ya ywìtì ibo gha, “Ìmə sə̀ʼ, wə̀d ne chɔʼi amə ane wə̀d ne sàʼa awən kə̀ wə̀d ne ghàpà ighi inən, àkə we?”

Lk 12:14 Խաչաձեւ Հղումներ

Lk 12:13

Mbaŋə̀ mɔʼɔ rɨŋga ɨnɔ̂n bə̂d we nyaʼa ghà əmbɨ Yeso ni, “Əchwiə̀-ɨnû, gha əmbɨ wum aŋgɔb ni wɨ̀ ghapɨ ɨghɨ mbe nɨ a mbǎʼ nyaʼa kwɨ nùŋ ɨ na.”

Lk 22:58

Əmad ə nɨə zombɨ, mbaŋə̀ mɔʼɔ nyaʼa zə Pità ghà ni, “Àwɔ̀ bə̂ yɨ wɨ̀ mɔʼɔ rəbɔʼ mɨ̀mə̌d.” Àyɨə Pità nyaʼa wììrɨ̀ ni, “Mbaŋə̀, ka mɔ̌ yɨ əmɨ wɨ̀ mɔʼɔ rɨ əbɔʼ mɨ̀mə̌d!”

Lk 5:20

Ənɨ Yeso nyaʼa zə ɨchî nɨ bə̂d mbe nyaʼa nuŋ fîŋ ɨgwɨ ni, wɨ̀ nyaʼa ghà əmbɨ ə mbaŋə̀ ze ni, “Mɨ sə̀ʼ, mə fə waʼ mbe ɨnû rɨbɔ̀ŋ.”

Jn 6:15

Yeso nyaʼa kyerɨ ni bə̂d mbe mbɨə nyaʼə kə̀b yeʼe gywɨ əwi ənɨ ɨka ɨmbə̀ʼ zɔʼ ənɨ ɨfɔ̀n, əne wɨ̀ nyaʼa wɨrɨ nɔ̀ʼ wo ɨkaŋ ɨwum tə̀zìʼ wi.

Jn 8:11

Əyi we nyaʼa wììrɨ̀ ni, “Chəi wɨ mɔʼɔ, kyɨə Masà.” Ənɨ wɨ̀ nyaʼa wììrɨ̀ əne, Yeso nyaʼa ghà ɨ bɔ ni, “Chəi mə̀ bə zɨ̀ ɨsaʼi ɨgwɨ ne. Sɨ wo e, àyɨə tɨrə̀ wɨrɨ ghɨ e ənû rɨbɔ̀ŋ.”

Rm 2:1

Kɨ̀ àwɔ̀ kɨə we, tɨrə̀ ghà e ni, “Chəi mə̀ kəʼ kyerɨ” ənɨ àwɔ̀ ə sob mɨsaʼi bə̂d cherə. Àyɨə kyerɨ ni ənɨ àwɔ̀ ə sob ɨsaʼi wə̀d cherə, à wɨə zɨ̀ ɨsaʼi ɨgwɨ ne, ɨmbə̀ʼ ɨghəm nɨ àwɔ̀ we nɨə sob mɨ̀sàʼi wɨə ghɨ̀ àmei ɨnû mbe nɨ məd ə bə̀ ghɨ̀ə̀.

Rm 2:3

Kɨ̀ àwɔ̀ kɨə we, à wa kɔndɨ ni ənɨ àwɔ̀ ə sob mɨsaʼi ɨgwɨ ə bə̂d mbe nɨə ghɨ̀ tɨkwɨrɨ ənû tɔ̂, əne à wɨə bə̀ kɨrɨ ghɨ̀ ɨnû rəŋgu, ni à we tɨ̀ à nòrə̀ tɨ ənɨ ɨchî nɨ Ŋwìə̀ bɨrɨ saʼ əwe ə?

Rm 9:20

Àwɔ̀ wə̀d mɨ̀sɔŋɨchù kɨə kaŋ əwe nɨ bɨrɨ wiirɨ ɨŋgam əmbɨ ə Ŋwiə̀ ə? Tɨ̀ əghɨ ze nɨ mbɨ bɔmɨ wɨrɨ ghà əmbɨ ə wə̀d we nɨ bɔm əməd ni, “À bɔm əmɨ əni ɨmbə̀ʼ ə yè ə?”