Jn 8:29 - Meta’

²⁹ Məd we nɨ nyaʼa tom əmɨ wɨ i mbɨ num. Chəi wɨ̀ saŋ əmɨ rə̀zìʼ, ɨmbə̀ʼ ɨghəm nɨ mə wɨə ghɨ̀ àmei ɨnû mbe nɨ bɔŋ ɨ bɔ.”

Ikan feg

²⁹ Wə̀d we ne ya cha amə we yi tì inum. Chəyi wì sàŋi mə tèzìʼì imbə̀ʼ icheg ne mə̀ ya ka fàʼà yaʼ anug ze ne bɔŋi ibo.”

Jn 8:29 Խաչաձեւ Հղումներ

Matìyò 17:5

Ənɨ wɨ̀ nyaʼə kɨrɨ ghàmə̀, pàʼ nɨ nyaʼə fuə bə̀ teə nyaʼa kubrɨ mɨ̀mə̌d mɨjìm. Gɨ̂ mɔʼɔ rɨŋga pàʼ ze nyaʼa ghà ni, “Wɔ̂ yɨ mɨ Wan nɨ mə̀ ghaʼi kwàʼ rɨŋgəʼ, mɨ fîŋ ə bɔ̀ŋ əku ɨmbə̀ʼ əməd. Mbə̀ zu ənû ze nɨ wɨə ghàə̀!”

Matìyò 3:15

Yeso nyaʼa wììrɨ̀ ɨ bɔ ni, “Sɨ zɨə yeʼ əne tɨ̀nîn, ɨmbə̀ʼ ɨghəm nɨ zɨə kùʼ ni tɨ̀ ghɨ ɨnû jìm ɨchî nɨ Ŋwìə̀ kəbɨ.” Ənɨ wɨ̀ nyaʼa ghà əne, Jɔ̌n nyaʼa zu benɨ, əne nàʼ mɨnib ɨ bɔ.

Matìyò 3:17

Gɨ̂ nyaʼa ghàm rɨkaŋ ghà ni, “Wɔ̂ yɨ mɨ Wan nɨ mə̀ ghaʼi kwàʼ rɨŋgəʼ, mɨ fîŋ ə bɔ̀ŋ əku ɨmbə̀ʼ əməd.”

Jn 14:31

àyɨə mə wɨə ghɨ̀ àmei ɨchî nɨ Mbǎʼ gha ɨ num, ɨmbə̀ʼ ɨsɨg kyerɨ ni mə ghaʼ ə Mbǎʼ. Mbə̀ nɔʼ tɨ̀ kɔ wo a.”

Jn 15:10

Mbə mɨ nùŋ tum rɨkə, mə bɨrɨ ghaʼ əwən, ɨchî nɨ mə̀ fə bə nùŋ tɨkə tɨ mɨ Mbǎʼ, əne məd ə bə̀ ghaʼ əmɨ.

Jn 16:32

Nyùmə̀ wɨə yeʼe, təsìʼ yɨ ni nyùmə̀ we fə yeʼe i nɨ mbə̀ bɨrɨ jàŋə̀. Wə̀d mɔʼ mɔʼ bɨrɨ wo əkwɨ ni, əne mbə̀n mɨjìm bɨrɨ saŋ əmɨ rə̀zìʼ. Àyɨə chəi əmɨ rə̀zìʼ, ɨmbə̀ʼ ɨghəm nɨ Mbǎʼ wɨ i mbɨ num.

Jn 17:4

Mə fə wumnɨ əwe ɨgwɨ ə si ɨchî nɨ mə fə maanɨ ə̀fàʼì ze nɨ à nyaʼa naʼ ɨ num.

Jn 4:34

Àyɨə Yeso nyaʼa ghà əmbɨ mɨ̀mə̌d ni, “Mɨ əghɨjɨg yɨ nɨ ghɨ ɨnû mbe nɨ wə̀d we nɨ tom əmɨ kə̀bɨ, bə̀ fɔrɨ nɨ maanɨ ɨnû mbe nɨ wɨ̀ nyaʼa naʼ ɨ num.

Jn 5:30

Chəi ənû ə mɔʼɔ nɨ tɨ̀ mə ghɨ̀ ənɨ mɨ ɨka. Mə wɨə saʼə bə̂d àmei ɨchî nɨ Ŋwìə̀ ghà ɨ num, əne mə wɨə saʼə mɨ̀mə̌d ɨchî nɨ kuʼnɨ, ɨmbə̀ʼ ɨghəm nɨ chəi mɨə ghɨ̀ ənû ze nɨ mə kəbɨ. Mə wɨə ghɨ̀ yeʼ əze nɨ wə̀d we nɨ tom əmɨ kəbɨ.”

Jn 6:38

ɨmbə̀ʼ ɨghəm nɨ mə nyaʼa swiʼi rɨkaŋ yeʼe. Chəi mə̀ nyaʼa swiʼi yeʼe ɨmbə̀ʼ ghɨ ɨnû mbe nɨ mə kəbɨ. Mə nyaʼa swiʼi yeʼe ɨmbə̀ʼ ghɨ mbe nɨ wə̀d we nɨ nyaʼa tom əmɨ kəbɨ.

Jn 8:16

Ka mə be yeʼə saʼə bə̂d, mə wɨə saʼ ɨchî nɨ kùʼnɨ̀, ɨmbə̀ʼ ɨghəm nɨ kaʼ i mɔ̌ rə̀zìʼ ə saʼə. Mə wɨə saʼə mbɨ Mbǎʼ we nɨ nyaʼa tom əmɨ.

2 Timotì 4:17

Mbɨ nyaʼa ghɨ̀ əne, àyɨə Ə̀nùŋɨ̀sɨg nyaʼa təm ɨban num, naʼ ɨka ɨ num ni mə gha ɨŋgam Ŋwiə̀ jìm, ɨmbə̀ʼ ə bə̂d mɨ̀jìm mbe nɨ kaʼi mɨ̀Jû zu. Ənɨ mə̀ nyaʼa gha əne, Ə̀nùŋɨ̀sɨg nyaʼa chɨ̀ əmɨ rɨ ɨchû ɨvɨ, ɨchî nɨ mbɨ nyaʼa nɨrə sobə ni mbɨ zwiirɨ əmɨ.

2 Timotì 4:22

Ə̀nùŋɨ̀sɨg chubɨ mbɨ e əzwî. Ŋwìə̀ ghɨ ɨ̀chɔ̀m ənɨ mbə̀n mɨjìm.

Mə̀Hibrù 4:15

Chəi tɨ̀ berɨ ətu ɨgwɨ ə bə̂d mbàn Ŋwìə̀ nɨ chəi ənɨ tɨ̀ wɨ̀ kən ɨmbə̀ʼ ɨchî nɨ tɨ̀ bɔrɨ. Tɨ̀ berɨ yeʼ we nɨ mbɨ nyaʼa numbɨ əməd ənɨ mɨ̀nə̂njɨ̀ jìm ɨchî nɨ mbɨə bə̀ numbɨ əwa, àyɨə chəi wɨ̀ nyaʼa ghɨ̌ ənû rɨbɔ̀ŋ.

Mə̀Hibrù 7:26

Ɨkwɨ ətu ɨgwɨ ə bə̂d mbàn Ŋwìə̀ wɔ̂ fə kàŋ kùʼ ɨ na. Məd ə zeŋ. Chəi ɨgu ənû ɨgwɨ məd. Chəi ɨbə ɨgwɨ məd. Chəi məd əbɔʼ bə̂d mbe nɨə ghɨ̀ ɨnû rɨbɔ̀ŋ. Mbɨ nyaʼa fə bə̀ nɔ̀ əməd ɨkaŋ.

1 Jɔn 2:1

Mbɨ bɔn nɨ mə̀ ghaʼi kwàʼ rɨŋgəʼ, mə wɨə ŋwàʼnɨ̀ ɨnû mbɔ̂ ɨ nən ɨmbə̀ʼ tɨ mbə̀ ghɨ ə ɨnû rɨbɔ̀ŋ. Àyɨə wə̀d mɔʼɔ mɨ ghɨ̀ ənû rɨbɔ̀ŋ, tɨ̀ berɨ wə̀d mɔʼɔ nɨə buʼ ɨbɔ əmbɨ Mbǎʼ ɨgwɨ mba ɨtu. Məd yɨə Yeso Kristo we nɨə ghɨ̀ ɨnû nɨ kuʼnɨ.

1 Jɔn 3:22

Məd wɨə nàʼ ɨghɨjìm mbe nɨ tɨ̀ biirɨ ɨ bɔ. Ɨ wɨə ghɨ̀ əne ɨmbə̀ʼ ɨghəm nɨ tɨ̀ wɨə nùŋ tɨkə rɨ məd bə̀ ghɨ̀ ɨnû mbe nɨ bɔŋ ɨ bɔ.