Jn 7:30 - Meta’

³⁰ Ənɨ wɨ̀ nyaʼa gha əne, mbɨ nyaʼa kə̀b gywɨ əməd, àyɨə chəi wə̀d mɔʼɔ nyaʼa yim əməd, ɨmbə̀ʼ ɨghəm nɨ chəi nyùmə̀ nɨ mbɨ nyaʼa berɨ gywɨ əməd nyaʼa kɨrɨ kuʼ.

Ikan feg

³⁰ Anyumə̀ ne mbi ya zughi ane, mbi ya kirə ika ni gwì aməd. Si ya gha, chəyi wə̀d mɔ̀ʼɔ ne ya bètì aməd ane abo imbə̀ʼ icheg ne chəyi nyùmə̀ məd ni ku icheg ne Ŋwiye ya chuʼri nɔ̀ŋì, ya kiri koʼi.

Jn 7:30 Խաչաձեւ Հղումներ

Matìyò 12:14

Ənɨ mɨ̀Farisiî mbe nyaʼa zə əne, mbɨ nyaʼa jwɨ̀ wò taŋ ɨchî nɨ mbɨ bɨrɨ zwiirɨ ə Yeso.

Matìyò 21:46

Əne ɨ mbɨ nyaʼa kəb gywɨ əməd, àyɨə ɨ mbɨ nyaʼa bɔ ɨnɔ̂n bə̂d we, ɨmbə̀ʼ ɨghəm nɨ mbɨ nyaʼa ben ni məd yɨə wə̀d ɨ̀kə̀n Ŋwìə̀.

Mk 11:18

Bə̂d kyeŋ mbe rɨ ə mbàn Ŋwìə̀ mbɨ məchwiə̀ rɨ̀kə̌ nyaʼa zu ənû ze nɨ wɨ̀ nyaʼə ghàə̀ əne mbɨ nyaʼa kə̀b ɨnə̂njɨ̀ nɨ zwiirɨ əməd. Àyɨə ɨ mbɨ nyaʼə bɔ əməd ɨmbə̀ʼ ɨghəm nɨ ɨnɔ̂n bə̂d we jìm wɨə nyaʼə yiirɨ ɨnû mbe nɨ wɨ̀ nyaʼə chwiə.

Lk 20:19

Məchwiə̀ rɨ̀kə̌ mbɨ ə bə̂d kyeŋ mbe rɨ ə mbàn Ŋwìə̀ mbɨə nyaʼa kə̀b ni njɨ mbə gywɨ̀ ə Yeso ənɨ nyùmə̀ we, àyɨə ɨ mbɨ nyaʼə bɔə ni bə̂d bɨrɨ bu əchɔb. Ɨ mbɨə nyaʼa kəb gywɨ̀ əməd ɨmbə̀ʼ ɨghəm nɨ mbɨ nyaʼa kyerɨ ni ɨ wɨə nyaʼə ghà ənû ə mɨgɨ ze ɨmbə̀ʼ əwən.

Lk 22:53

Mə wɨə nyaʼa mbɨ nən ɨni jìm ɨŋga mbàn Ŋwìə̀. Chəi mbə nyaʼa gywɨ əmɨ. Àyɨə ə nyùmə̀ fə kuʼi, nɨ wə̀d we nɨə tùmbɨ̀ ɨsɨ firɨ fə naʼ ɨka ɨ nən.”

Jn 10:31

Mɨ̀Jû nyaʼa wɨrɨ gwe əti ɨmbə̀ʼ tumbɨ əməd.

Jn 10:39

Mbɨ nyaʼa wɨrɨ kəb nɨ gywɨ əməd, àyɨə wɨ̀ nyaʼa vɨ rɨŋga tɨkyerɨ-ɨbɔ mɨ̀mə̌d.

Jn 11:57

Bə̂d kyeŋ mbe rɨ ə mbàn Ŋwìə̀ mbɨ mɨ̀Farisiî nyaʼa fə ghà ni wə̀d mɔʼɔ mɨ kyerɨ əsɨ ze nɨ Yeso yeʼ əŋgu, wɨ̀ ghɨ mbə̀ kyerɨ, ɨmbə̀ʼ mbə̀ gywɨ əməd.

Jn 7:19

Ɨmbə̀ʼ Mose nyaʼa nàʼ tɨkə ɨ nən ə? Àyɨə chəi wə̀d mɔʼɔ rəbɔʼ nən ə nùŋ rɨkə te. Mbə̀ kɨə kə̀b zwiirɨ əmɨ ɨmbə̀ʼ ə yè ə?”

Jn 7:32

Mɨ̀Farisiî nyaʼa zu ɨchî nɨ ɨnɔ̂n bə̂d we nyaʼə chùmbɨ̀ ɨnû ɨmbə̀ʼ ə Yeso, əne mɨ̀mə̌d mbɨ ə bə̂d kyeŋ mbe rɨ ə mbàn Ŋwìə̀ nyaʼa tom Mənə̂ŋgɨ̀ mbàn Ŋwìə̀ ni mbɨ wo gywɨ̀ əməd.

Jn 7:6

Yeso nyaʼa ghà əmbɨ mɨ̀mə̌d ni, “Chəi mɨ nyùmə̀ kɨrɨ kuʼ, àyɨə nyùmə̀ jìm ə kùʼ ɨ nən.

Jn 7:8

Mbə̀ wo ənɨ əchwɨ̂ ze. Chəi mə bɨrɨ kɨrɨ wo ɨmbə̀ʼ ɨghəm nɨ chəi mɨ nyùmə̀ kɨrɨ kuʼ.”

Jn 8:20

Yeso nyaʼa ghà ənû zɔ̂ ənɨ wɨ̀ nyaʼə chwi ɨnû ɨŋga mbàn Ŋwìə̀, əsɨ ze nɨ mbɨ nyaʼə màʼ ɨkab. Chəi wə̀d mɔʼɔ nyaʼa gywɨ əməd, ɨmbə̀ʼ ɨghəm nɨ chəi nyùmə̀ we nɨ njɨ mbɨ nyaʼa gywɨ̀ əməd nyaʼa kɨrɨ kuʼ.

Jn 8:37

Mə kyerɨ ni mbə̀ yɨə bɔn tɨ ənɨ əghaŋ ə Abràham, àyɨə mbə mbɨə kə̀b zwiirɨ əmɨ ɨmbə̀ʼ ɨghəm nɨ chəi ɨnû mbe nɨ mɨə ghàə̀ kɨrɨ nyɨ ɨŋga mbə ɨtu.

Jn 8:59

Ənɨ wɨ̀ nyaʼa gha əne, mbɨ nyaʼa gwe əti ni mbə bɨrɨ tumbɨ əməd əŋgu, àyɨə wɨ̀ nyaʼa nə̀mbɨ̀ i, əne jwɨ̀ i rɨŋga mbàn Ŋwìə̀.

Jn 9:4

Tɨ̀ berɨ faʼ ə̀fàʼì ze nɨ wə̀d we nɨ nyaʼa tom əmɨ naʼ ɨ na. Àyɨə tɨ̀ berɨ fàʼ ənɨ ɨsɨ ə kɨrɨ zeŋə. Ɨzɨmɨ wɨə yeʼe nɨ chəi ənɨ tɨ̀ bə̂d wɨrɨ fàʼ.