Jn 11:41 - Meta’

⁴¹ Mbɨ nyaʼa chɨ̀ ɨti we. Əne Yeso nyaʼa neŋ ɨkaŋ ghà ni, “Mɨ Mbǎʼ, məben-əwe ɨchî nɨ à fə zu ənû ze nɨ mə̀ gha ɨ ne.

Ikan feg

⁴¹ Mbi ya chì iteg we. Ane, Yeso ya nɔ̀rì atog, nèn ikaŋ, gha, “Ìmə Mbaʼ, mə nàʼ məyakà ine, icheg ne àghò fə zug anug ne mə̀ gha ine.

Jn 11:41 Խաչաձեւ Հղումներ

Matìyò 11:25

À nyaʼa ənɨ ə nyùmə̀ we, Yeso nyaʼa ghà ni, “Mɨ Mbǎʼ, Ə̀nùŋɨ̀sɨg ɨkaŋ fɔrɨ ɨgwɨ ə si, məben-əwe ni à fə nə̀m ɨnû mbɔ̂ rɨ əmbɨ ə bə̂d ɨwe bə̀ fɔrɨ rɨ əmbɨ məkyerɨ-ɨnû, sɨ chwiə yeʼ əmbɨ ə bɔn bɔd.

Matìyò 11:26

Ee, kyɨə mɨ Mbǎʼ, à yɨ ɨchî nɨ à kəbɨ we.

Matìyò 27:60

əne wò boŋ ɨŋga ɨ̀sì məd nɨ nyaʼa wɨ fi, nɨ wɨ̀ nyaʼa chəb ɨŋga ɨwɔ̌. Wɨ̀ nyaʼa boŋ əne, biŋ ɨti kyeŋ kubrɨ ɨchû ɨ̀sì we əŋgu, nɔ̀ʼ wò i.

Mk 15:46

Jòsêf nyaʼa wò zon ngywɨ̌ linen, wò swi əvɨ ə Yeso, nib ɨŋga ngywɨ̌ linen ze, wò boŋ ɨŋga ɨ̀sì nɨ mbɨ nyaʼa chəb ɨŋga ɨwɔ̌. Wɨ̀ nyaʼa boŋ əne, biŋ ɨti kubrɨ ɨchû ɨ̀sì we əŋgu.

Lk 10:21

À nyaʼa ənɨ ə nyùmə̀ we, Əzwî ə Zeŋɨ ə nyaʼa ghɨ̀ ɨghaʼi swi ɨŋga fîŋ Yeso. Əne wɨ̀ nyaʼa ghà ni, “Mɨ Mbǎʼ, Ə̀nùŋɨ̀sɨg rɨkaŋ fɔrɨ ɨgwɨ ə si, məben-əwe ni à fə nə̀m ɨnû mbɔ̂ rɨ əmbɨ ə bə̂d ɨwe bə̀ fɔrɨ rɨ əmbɨ məkyerɨ ɨnû, sɨ chwiə yeʼ əmbɨ ə bɔn bɔd. Ee, kyɨ mɨ Mbǎʼ, à yɨ ɨchî nɨ à kəbɨ we.

Lk 18:13

“Àyɨə əfetɨ mɨ̀tagsɨ̀ we nyaʼa təm əsa əgha. Chəi wɨ̀ nyaʼa be nɔ̀ɔ̀rɨ̀ e ətu ɨkaŋ, àyɨə wɨ̀ nyaʼa nuŋ mbi ɨbɔ ɨgun i fîŋ ghà ni, 'Ŋwìə̀, kən ənɨ ə num. Mə yɨə wə̀d ɨnû rɨbɔ̀ŋ!'

Lk 24:2

Mbɨ nyaʼa pè zə ni mbɨ fə biŋ ɨti we nɨ mbɨ nyaʼa kən ɨchû ɨsì we əŋgu.

Jn 11:22

Àyɨə mə kyerɨ ni ka à bei tɨ̀nîn, ənû ə mɔʼɔ ze nɨ à biirɨ əmbɨ ə Ŋwiə̀, wɨ̀ bɨrɨ ghɨ ɨ ne.”

Jn 17:1

Ənɨ Yeso nyaʼa fə gha ɨnû mbɔ̂, wɨ̀ nyaʼa nèŋ ɨkaŋ ghà ni, “Mɨ Mbǎʼ, nyùmə̀ fə kuʼi. Wumnɨ e Wan, ɨmbə̀ʼ e Wan bə̀ wumnɨ əwe.

Jn 20:1

À nyaʼa kwàʼ ɨzimɨ zimɨ əni ə Sɔndè, Mèri Màgdàlen nyaʼa wò ətu ɨsì ze nɨ mbɨ nyaʼa chəb ɨŋga ɨwɔ̌, pè zə ni mbɨ nyaʼa fə chɨ̀ ɨti we rɨ ɨchû ɨsì we.

Ɨ̀fàʼì 7:55

Àyɨə Stɨfɨ̀n, nɨ Əzwî ə Zeŋɨ ə nyaʼa swi ɨŋga məd, nyaʼa neŋ ɨkaŋ zə ɨzeŋɨ zeŋɨ Ŋwiə̀ bə̀ zə ə Yeso nɨ nyaʼa təm əbà əbɔ ə jɨgɨ ə Ŋwiə̀.

Fìlipì 4:6

Tɨ mbə̀ nwìʼ ə ɨnyod ɨmbə̀ʼ ənû ə mɔʼɔ, àyɨə mbə kɔŋgɨ ə Ŋwiə̀ ɨmbə̀ʼ ɨnû jìm, nɔn ɨnû jìm mbe nɨ mbə kwaŋɨ bə̀ nàʼ məben-əwe ɨ bɔ.