Jn 10:4 - Meta’

⁴ Ənɨ wɨ̀ fə chɨ ti njɨ̀g rɨjìm əsaŋ, ɨ wɨə chè ɨmbì, njɨ̀g te sɨə beenɨ əbɔʼ məd. Ɨ tɨə beenɨ ɨmbə̀ʼ ɨghəm nɨ tɨ kyerɨ gɨ̂ məd.

Ikan feg

⁴ Anyumə̀ ne wì nìŋi ìti njə̀g tijìm dù isəg, wì ya yḛ̀ ghò imbìghè, ti bène abɔ̀ʼ məd, icheg ne ti fə kyeri gì məd.

Jn 10:4 Խաչաձեւ Հղումներ

Matìyò 16:24

Yeso nyaʼa ghà əmbɨ mbi mə̀mə̀ə̀nɨ̀-ɨnû ni, “Wə̀d mɔʼɔ mɨ kə̀b yeʼe əbɔʼ num, wɨ̀ ton ɨnû mɔʼɔ mbe nɨ nyamnyod məd ə feenɨə, bèʼ e əzed ə baʼnɨ, beenɨ əbɔʼ num,

Jn 10:16

Mə berɨ njɨ̀g rɨ cherə nɨ chəi ɨŋga əkad ə njɨ̀g zɔ̂. Mə berɨ bɨ nɨŋ njɨ̀g te yeʼe mbɨ rɨwən. Tɨ bɨrɨ zu mɨ gɨ̂, əne njɨ̀g te rɨ̀jìm bɨrɨ fɔtɨ ɨŋga əkad ə mɔʼ. Əne ənə̂ŋgɨ̀-njɨ̀g mɔʼ bɨrɨ nəŋgɨ mɨ̀mə̌d.

Jn 10:27

Tɨ njɨ̀g tɨə zu ənû ze nɨ mɨə ghàə̀. Mə kyerɨ tɨ njɨ̀g. Ɨ tɨə beenɨ əbɔʼ num.

Jn 10:3

We nɨə nəŋgɨ ɨchû ɨkam wɨə fiʼ ɨchû ɨkam we ɨ bɔ. Njɨ̀g te tɨə zuə gɨ̂ məd. Məd ziə wɨə tɔŋə ti njɨ̀g ənɨ rɨkum tɨ mɨ̀mə̌d. Məd wɨə bə̀ nɨŋə njɨ̀g te ni tɨ jwɨ̀ wò kud ɨfu.

Jn 10:5

Chəi tɨ bɨrɨ beenɨ əbɔʼ wə̀d rɨ̀sɔ̀ʼɔ̀. Tɨ bɨrɨ nod wə̀d rɨ̀sɔ̀ʼɔ̀ ɨmbə̀ʼ ɨghəm nɨ chəi tɨ kyerɨ gɨ̂ bə̂d rɨ̀sɔ̀ʼɔ̀.”

Jn 10:8

Bə̂d mɨjìm mbe nɨ nyaʼa be yeʼe bɔŋ mə nyaʼa sɨə yeʼe yɨ mɨjɨ fɔrɨ ɨ̀bàgɨ. Àyɨə chəi njɨ̀g te nyaʼa zwetɨ ɨnû mbe nɨ mbɨ nyaʼə ghàə̀.

Jn 12:26

Wə̀d mɔʼɔ mɨ kəb fàʼ ɨ num, wɨ̀ berɨ beenɨ əbɔʼ num, ɨmbə̀ʼ əsɨ ze nɨ mə yeʼ əŋgu, mɨ wə̀d ə̀fàʼì bɨrɨ bɨ yeʼ əŋgu. Mɨ Mbǎʼ bɨrɨ wumnɨ wə̀d mɔʼɔ we nɨə faʼ ɨ num.‍”

Jn 13:15

Mə fə chwi ənweenɨ ɨ nən ɨmbə̀ʼ mbə̀ sɨə ghɨ̀ àmei ɨchî nɨ mə fə ghɨ ənɨ ə nən.

Jn 18:37

Pailèt nyaʼa biirɨ ɨ bɔ ni, “Əne, àwɔ̀ yɨ ɨfɔ̂n ə?” Yeso nyaʼa wììrɨ̀ ni, “À fə ghà ni mɔ̌ yɨ ɨfɔ̂n. Mbɨ nyaʼa gywɨ əmɨ, mə yeʼe ɨŋga ɨsɨg ɨmbə̀ʼ ənû zɔ̂ ə mɔʼ. Ənû ze yɨ nɨ ghɨ ni bə̂d kyerɨ rəsìʼ. Wə̀d mɔʼɔ we nɨ ben rəsìʼ wɨə zu ənû ze nɨ mɨə ghàə̀.”

Jn 3:29

Wə̀d we nɨ berɨ ɨgən yɨ ɨnom ɨgən. Ɨsə̀ʼ ɨnom ɨgən mɨ təm ɨban zu ənɨ wɨə ghàmə̀, wɨ̀ bɨrɨ kaŋ ghaʼ kwàʼ rɨŋgəʼ ɨmbə̀ʼ ɨghəm nɨ wɨ̀ zu gɨ̂ ɨnom ɨgən we. Əne ɨghaʼi ə kàŋ swi ɨŋga mɨ fîŋ.

1 Kɔrèn 11:1

Mbə̀ beenɨ əbɔʼ mɨ əwu yènɨ̀, ɨchî nɨ mɨə beenɨ əbɔʼ əzɨ ə Kristo.

Efesùs 5:1

Mbə yɨə bɔn Ŋwiə̀ nɨ wɨ̀ ghaʼi kwàʼ rɨŋgəʼ, əne mbə̀ kywɨ ənywɨ nɨ yeʼ ɨghabɨ ə məd.

Mə̀Hibrù 12:2

Tɨ̀ neŋ àmei Yeso we nɨ a ɨbenɨ kɔ bə̀ nwìə̀ àmei ɨgwɨ məd. Wɨ̀ nyaʼa nyìʼ əzed ə baʼnɨ ɨmbə̀ʼ ɨghəm nɨ wɨ̀ nyaʼa kyerɨ ɨghaʼi we nɨ nyaʼa ɨmbì ɨ bɔ. Wɨ̀ nyaʼa bə̀ tə̀ə̀nɨ̀ ɨchî nɨ wɨ̀ nyaʼa wo berɨ tɨ̀nìd ətu ənɨ mbɨ nyaʼa kombɨ əməd əzed ə baʼnɨ. Ɨ wɨə sɨ əbɔ ə jɨgɨ ətən ɨfɔ̀n ə Ŋwiə̀.

Mə̀Hibrù 6:20

nɨ yeʼ əsɨ ze nɨ Yeso nyaʼa nyɨ ɨŋga ɨmbə̀ʼ əwa. Məd fə sɨ ətu ɨgwɨ ə bə̂d mbàn Ŋwìə̀ koŋ ənɨ ɨwaŋ Mèlkizedèk.

1 Pità 2:21

À yɨ ɨmbə̀ʼ ɨkwɨ ŋgəʼ wɔ̂ nɨ Ŋwiə̀ nyaʼa tɔŋ əwən ni mbə̀ yeʼ mbi bə̂d. Mbə̀ kyerɨ ni Kristo nyaʼa bə̀ zə ŋgəʼ ɨmbə̀ʼ əwən. Əne wɨ̀ nyaʼa chwi ənweenɨ ɨ nən ɨmbə̀ʼ mbə sɨə beenɨ əbɔʼ tɨkyerɨ-ɨwu ɨməd.

1 Pità 4:1

Kristo nyaʼa zə ŋgəʼ ənɨ mbɨ nyaʼa kombɨ əməd, əne mbə berɨ bɨ berɨ tɨkwɨ rɨkɔndɨ te nɨ wɨ̀ nyaʼa berɨ, ɨmbə̀ʼ ɨghəm nɨ chəi wə̀d mɔʼɔ we nɨ fə zə ŋgəʼ bɨrɨ wɨrɨ berɨ ənû nɨ ghɨ̀ mbɨ ɨnû rɨbɔ̀ŋ.

1 Pità 5:3

Tɨ mbə̀ nyem ə bə̂d mbe nɨ mbɨ zɨ ɨŋga tə rɨkyerɨ-ɨbɔ, àyɨə mbə̀ yeʼ əmbɨ mɨ̀mə̌d ɨghabɨ əmɨg.