Ɨnû 3:7 - Meta’

⁷ Ə̀nùŋɨ̀sɨg nyaʼa bə̀ gha ɨ num ni, “Ŋwaʼnɨ əmbɨ aŋgɨrə̀ we nɨ yeʼ ɨŋga ɨfetɨ bə̂d Kristo we rɨ ə Fìlàdelfià ni, 'Ɨŋgam wɔ̂ yɨ rɨ əmbɨ wə̀d we nɨ zeŋɨ, nɨə bə̀ ghà rəsìʼ. Məd ə berɨ əfiʼ ze nɨ yeʼ əzɨ ɨfɔ̀n Dèvîd. Wɨ̀ mɨ fiʼ nəb, chəi wə̀d nɨ tɨ̀ wɨ̀ wùb. Wɨ̀ mɨ wùb nəb, chəi wə̀d nɨ tɨ̀ wɨ̀ fìʼ.

Ikan feg

⁷ Anɔŋisəg ya bə̀ ghà inum gha: “Ŋwàʼra abə angirə̀ we ne kyèʼè ifeti bəd Kristo we a Fìlàdefìyà gha, ‹Ìngam gho̰ nɔ̀ʼ abə wə̀d ìzḛzḛ we ne yaʼi tesiʼ. Məd bèrì afiʼì ze ne yaʼi àzi ifɔn Dèvid. Wì mə fìʼì nəb, chəyi wə̀d ne tì wì wùbì. Wì mə wùbì nəb, chəyi wə̀d ne tì wì fiʼì.

Ɨnû 3:7 Խաչաձեւ Հղումներ

Matìyò 16:19

Mə bɨrɨ naʼ əfiʼ tɨ ənɨ ənû ɨfɔ̀n rɨkaŋ ɨ ne. Ənû ze nɨ à ton ɨgwɨ ə si, Ŋwìə̀ bɨrɨ bɨ ton ɨkaŋ. Ənû ze nɨ à ben ɨgwɨ ə si, Ŋwìə̀ bɨrɨ bɨ ben ɨkaŋ.”

Matìyò 24:35

Ɨkaŋ fɔrɨ si bɨrɨ chè, àyɨə chəi mɨ ɨŋgam bɨrɨ nɔ che ətu ə̀kǒ.

Mk 1:24

Wɨ̀ nyaʼa kɔ kyeŋ rɨ̀kǎ ghàə̀ ni, “Yeso rɨ ə Nazàret! À berɨ ənû ə ye nɨ ghɨ̀ mbɨ nà ə? À wa yeʼe ɨmbə̀ʼ nimnɨ əwa ə? Mə kyerɨ wə̀d we nɨ à yeʼ wɨwən. Àwɔ̀ yɨə Wə̀d Zeŋɨ we nɨ Ŋwìə̀ tomɨ.”

Lk 1:32

Wɨ̀ bɨrɨ yeʼ ədabɨ ə wə̀d. Mbɨ bɨrɨ tɔŋ əməd ənɨ Wan Ə̀chè-ɨsɨg. Ə̀nùŋɨ̀sɨg Ŋwìə̀ bɨrɨ nuŋ əməd ənɨ ɨfɔ̀n ɨchî nɨ wɨ̀ nyaʼa nuŋ ə Dèvîd nɨ nyaʼə mbǎʼ məd rəŋwe.

Lk 4:34

“Aa! Yeso rɨ ə Nazàret! À berɨ ənû ə ye nɨ ghɨ̀ mbɨ na ə? À wa fə yeʼe ɨmbə̀ʼ nimnɨ əwa ə? Mə kyerɨ wə̀d we nɨ àwɔ̀ yeʼ wɨwən. Àwɔ̀ yɨə Wə̀d Zeŋɨ we nɨ Ŋwìə̀ tomɨ.”

Jn 14:6

Yeso nyaʼa wììrɨ̀ ɨ bɔ ni, “Mɔ̌ yɨə ɨnə̂njɨ̀ fɔrɨ rəsìʼ bə̀ fɔrɨ ɨ̀tènɨ̀. Chəi wə̀d mɔʼɔ nɨ tɨ̀ wɨ̀ wò əsɨ mɨ Mbǎʼ kɨrɨ ənɨ wɨ̀ che ənɨ mɨ njìm.

Ɨ̀fàʼì 3:14

Mbə nyaʼa ton Wə̀d Zeŋɨ nɨ Təm Kùʼnɨ̀, sɨ ghà yeʼ ni mbɨ naʼ mbaŋə̀ ze nɨ nyaʼa zwiirɨ wə̀d ɨ nən.

1 Jɔn 5:20

Tɨ̀ bə̀ kyerɨ ni Wan Ŋwìə̀ fə yeʼe. Wɨ̀ fə ghɨ̀ ni tɨ̀ kyerɨ ɨnû, ɨmbə̀ʼ tɨ̀ kyerɨ Ŋwìə̀ we nɨ yeʼ wɨ rəsìʼ. Tɨ̀ wɨ ənɨ ɨfɔtɨ mbɨ Ŋwìə̀ we nɨ yeʼ wɨ rəsìʼ. Tɨ̀ wɨə bə̀ ənɨ ɨfɔtɨ mbɨ Wan məd Yeso Kristo. Məd yɨə Ŋwìə̀ rəsìʼ we nɨə ghɨ̀ ni bə̂d jɨg ɨ̀tènɨ̀ rɨ mì.

Ɨnû 1:11

ni, “Ŋwaʼnɨ ɨnû mbe nɨ àwɔ̀ ə zəə. À mɨ ŋwàʼnɨ̀, à tom əmbɨ rɨfetɨ bə̂d Kristo te sambe: əmbɨ ɨfetɨ wɨ rɨ ə Efesùs, əmbɨ we rɨ ə Smainà, əmbɨ we rɨ ə Pegamùm, əmbɨ we rɨ ə Tìatirà, əmbɨ we rɨ ə Sadìs, əmbɨ we rɨ ə Fìlàdelfià fɔrɨ əmbɨ we rɨ ə Laodisià.”

Ɨnû 1:18

Mɔ̌ yɨə we nɨ yeʼ ɨkǎ. Mə nyaʼa kwɨ, àyɨə zə, mə wɨ ɨkǎ koŋ. Mə berɨ ɨka ɨgwɨ ɨvɨ bə̀ fɔrɨ ɨgwɨ əbeŋ ɨvɨ bə̂d.

Ɨnû 1:5

Yeso Kristo we nɨə ghà rəsìʼ, nɨ yeʼ wə̀d rɨtu nɨ nyaʼa zwemə mbɨ ni à yɨə məd ə tùmbɨ̀ mɨfɔ̂n mɨ̀jìm rɨ ɨgwɨ ə si, ghɨ ɨ̀chɔ̀m ənɨ ə nən bə̀ nàʼ əbɔrəbɔd ɨ nən. Yeso ə ghaʼ əwa, əne wɨ̀ nyaʼa chè ənjìm ənəm ze nɨ wɨ̀ nyaʼa chəmnɨ, chɨ̀ əwa rɨ əton ɨka we nɨ ɨnû rɨbɔ̀ŋ berɨ ɨgwɨ na.

Ɨnû 15:3

Ɨ mbɨə nyaʼə kwerɨ ɨkyî we nɨ wə̀d ə̀fàʼì Ŋwìə̀ Mose nyaʼa kwerɨ. Ɨ mbɨə nyaʼə bə̀ kwerɨ we nɨ Wan njɨ̀g nyaʼa bə kwerɨ. Ɨkyî we yɨ ni, “Ə̀nùŋɨ̀sɨg Ŋwìə̀kɔʼ! Ɨnû mbe nɨ àwɔ̀ ghɨ̀ə̀ mbɨ chè əbɔ. Mbe mɨchî ə kàŋ kùʼ. À yɨə bə̀ mɨchî rəsìʼ. Àwɔ̀ yɨ ɨfɔ̀n ɨgwɨ ɨbeŋ jìm!

Ɨnû 16:7

Mə nyaʼa zu gɨ̂ nɨ nyaʼə kyeŋə rɨ ənɨ ɨkwi ɨjə̀ŋ ə̀fààrɨ̀. Zɨ̀ nyaʼə kyeŋə ghàə̀ ni, “Ee, Ə̀nùŋɨ̀sɨg Ŋwìə̀kɔʼ, ɨchî nɨ àwɔ̀ ə saʼə bə̂d ə kàŋ kùʼ. À yɨə bə̀ ɨchî rəsìʼ!”

Ɨnû 19:11

Mə nyaʼa zə ɨkaŋ əfìʼə, bə̀ zə ngyǐ rɨ̀fɨ əŋgu. Ɨ mbɨə nyaʼə tɔŋə mbaŋə̀ ze nɨ nyaʼa kɔʼ ngyǐ ze ni Wə̀d nɨə ghà rəsìʼ bə̀ tɔŋə ni Wə̀d nɨə ghɨ̀ ɨnû mbe nɨ wɨ̀ ghǎ. Ɨ wɨə saʼə bə̂d bə̀ màʼə̀ bid ɨchî nɨ kuʼnɨ.

Ɨnû 19:2

Tɨ̀ ghɨ̀ əne ɨmbə̀ʼ ɨghəm nɨ ɨchî nɨ məd ə chəə bə̂d ə kaŋ kùʼ. À yɨə bə̀ ɨchî rəsìʼ. Wɨ̀ fə zɨ̀ ɨchə ɨgwɨ ə̀kùnɨ̀ əka ze nɨ nyaʼə chə̀kɨ̀ ɨsɨg ɨchî nɨ wɨ̀ nyaʼə niirɨə mbaŋə̀ əbəŋ əbəŋ. Ŋwìə̀ fə zɨ̀ ɨchə ɨgwɨ məd ɨmbə̀ʼ ɨghəm nɨ wɨ̀ nyaʼa zwiirɨ bə̂d ə̀fàʼì məd.”

Ɨnû 2:1

Ə̀nùŋɨ̀sɨg Yeso nyaʼa gha ɨ num ni, “Ŋwaʼnɨ əmbɨ aŋgɨrə̀ we nɨə nəŋgɨ ɨfetɨ bə̂d Kristo we rɨ ə Efesùs ni: “Wə̀d we nɨ yim rɨtəmɨ te sambe ɨŋga e əbɔ ə jɨgɨ, nɨə yèn əkaʼ ɨghɨ mbe sambe nɨ mbɨə te ɨnam ɨgun, nɨ mbɨ tekɨ ənɨ ə gôl, ə ghà ni,

Ɨnû 21:5

Məd we nɨ nyaʼa chub ɨgun ətən ɨfɔ̀n ze nyaʼa ghà ni, “Mbə̀ zə, mə wɨə tekɨ ɨghɨjìm ənɨ mbɨ fi!” Wɨ̀ nyaʼa bə̀ ghà ni, “Ŋwaʼnɨ ənû zɔ̂ ɨmbə̀ʼ ɨghəm nɨ mɨŋgam mbɔ̂ yɨ mɨŋgam rəsìʼ nɨ tɨ̀ bə̂d benɨ.”

Ɨnû 3:14

Ə̀nùŋɨ̀sɨg nyaʼa bə̀ ghà ɨ num ni, “Ŋwaʼnɨ əmbɨ aŋgɨrə̀ we nɨ yeʼ ɨŋga ɨfetɨ bə̂d Kristo we rɨ ə Laodisià ni, 'Wɔ̂ yɨ ɨŋgam rɨ əmbɨ À yɨ əne. Məd wɨə ghà rəsìʼ. Ɨ wɨə bə̀ ghɨ̀ ɨnû mbe nɨ wɨ̀ ghǎ. Ŋwìə̀ nyaʼa chè ənjìm məd tekɨ ɨghɨjìm.

Ɨnû 4:8

Ɨghɨ mbe ɨkwè ɨ mɔʼ mɔʼ nyaʼa berɨ tɨbabɨ̀ rɨ̀fuə. Əghə ə nyaʼa swi ɨgun bə̀ swi əton tɨbabɨ te. Ɨghɨ mbe mbɨə nyaʼə kwerɨ ɨkyî əziə mbɨ ɨzimɨ zɨ rɨ sob. Ɨ mbɨə nyaʼə kwerɨə ni, “Ə̀nùŋɨ̀sɨg Ŋwìə̀kɔʼ ə zeŋ, ə zeŋ, ə zeŋ. Məd yɨ we nɨ nyaʼa bei əŋgu, nɨ yeʼ əŋgu rɨ̀nîn, nɨ bɨrɨ wɨrɨ yeʼe!”

Ɨnû 5:9

Mbɨ nyaʼa kwerɨ ɨkyî fi ghà ni, “Àwɔ̀ ə kàŋ kùʼ nɨ nɨŋ ə̀ŋwàʼnɨ̀ ze, kyeʼrɨ mɨneŋ mbe, fiʼi, ɨmbə̀ʼ ɨghəm nɨ mbɨ nyaʼa kyem əwe, əne ənjìm ənəm ze nɨ à nyaʼa chəmnɨ, à fə choʼ bə̂d nàʼ əmbɨ ə Ŋwiə̀ rɨŋga mɨnəbɨ jìm, rɨŋga mɨŋgam jìm, rɨŋga ɨsɨ jìm bə̀ fɔrɨ rɨŋga ɨbeŋ jìm.

Ɨnû 6:10

Mbɨ nyaʼa kyeŋ ənɨ ə gɨ̂ nɨ kǎ ni, “Ə̀tùmbɨ̀ ɨsɨg nɨ zeŋɨ màànɨ̀, nɨə ghɨ̀ ɨnû mbe nɨ wɨ̀ ghǎ, əgha ə kɨə wo sa rɨ ye bɔŋ à sob ɨsaʼi bə̂d mbe nɨ yeʼ ɨgwɨ ə si əne wì ɨchî nɨ mbɨ nyaʼa zwiirɨ əwa ə?”