Ɨnû 2:7 - Meta’

⁷ “Wə̀d we nɨ tɨ̀ wɨ̀ zu ənû, wɨ̀ zu ənû ze nɨ Əzwî ə ghàə̀ əmbɨ rɨfetɨ bə̂d Kristo. Mə bɨrɨ naʼ ɨka əmbɨ ə bə̂d mbe nɨ baŋ ɨnû rɨbɔ̀ŋ ni mbɨ jɨg rɨ ənɨ əzed ze nɨə ghɨ̀ ni bə̂d jɨg ɨ̀tènɨ̀. Əzed ze zɨ ɨŋga paradaìs Ŋwìə̀.”

Ikan feg

⁷ Wə̀d ne tì wì zug anug, wì zug anug ne Azwighi Ŋwiye ze ghà abə tifeti bəd Kristo. Mə biri nàʼ ika abə bəd mbe ne bà̰ inug tibɔ̀ŋ gha mbe jəg ane azed ze ne ghìyə̀ gha bəd jəg ìtḛ̀. Azed ze ya inga Paràdayìs Ŋwiye.”

Ɨnû 2:7 Խաչաձեւ Հղումներ

Matìyò 11:15

Wə̀d we nɨ tɨ̀ wɨ̀ zu ənû, wɨ̀ zu!

Matìyò 13:43

Bə̂d mbe nɨə ghɨ̀ ɨnû nɨ kuʼnɨ bɨrɨ sɨə te ɨghabɨ ə nyumə̀ ɨŋga ənû ɨfɔ̀n ə Mbǎʼ mɨ̀mə̌d. Wə̀d we nɨ tɨ̀ wɨ̀ zu ənû, wɨ̀ zu.

Matìyò 13:9

Wə̀d we nɨ tɨ̀ wɨ̀ zu ənû ə, wɨ̀ zu!”

Mk 4:9

Yeso nyaʼa sɨ nwìə̀ ghà ni, “Wə̀d we nɨ tɨ̀ wɨ̀ zu ənû, wɨ̀ zu!”

Mk 7:15

Chəi əghɨ ə mɔʼɔ əsaŋ nɨ wə̀d mɨ jɨg kɨ̀ nɨ wɨ̀ mɨ nɔ, nɨ tɨ̀ zɨə ghɨ̀ ni tɨ wɨ̀ zeŋ i. À yɨ əghɨ ze nɨə jwɨ̀ rɨŋga wə̀d ə ghɨ̀ ni tɨ wɨ̀ zeŋ i.”

Mk 7:16

[“Wə̀d we nɨ tɨ̀ wɨ̀ zu ənû, wɨ̀ zu.”]

Lk 23:43

Yeso nyaʼa ghà ɨ bɔ ni, “Mə ghà rəsìʼ ɨ ne ni tə̀chɔ̀ŋ à bɨrɨ chubɨ mbɨ num ə Paradaìs. ”

Lk 8:8

Tɨ̀ mɔʼɔ nyaʼa feŋ ɨŋga si chɔ̀m, əne kwi kɔ ɨghəm ɨkɨ fibɨ̀ chè te nɨ wɨ̀ nyaʼa be ŋwì.” Ənɨ Yeso nyaʼa gha ənû zɔ̂ màànɨ̀, wɨ̀ nyaʼa bə̀ yì ghà ni, “Wə̀d we nɨ tɨ̀ wɨ̀ zu ənû, wɨ̀ zu!”

Jn 16:33

Mə fə ghà ɨnû mbɔ̂ ɨ nən ɨmbə̀ʼ mbə̀ chub ənɨ əbɔrəbɔd ɨchî nɨ mbə̀ yeʼ ənɨ ənû ə mɔʼ mbɨ num. Mbə bɨrɨ zə ŋgəʼ ɨŋga ɨsɨg wɔ̂, àyɨə mbə̀ yim fîŋ, mə fə baŋ ɨsɨg!”

1 Kɔrèn 2:10

Àyɨə Ŋwìə̀ fə chwi ɨnû mbe ɨ na ənjìm Əzwî əməd. Əzwî ze ə zɨə kyèʼ ɨnû jìm, ka àbei ɨnû mbe nɨ yeʼ ənə̀mə ɨmbə̀ʼ ə Ŋwiə̀.

2 Kɔrèn 12:4

Mə kyerɨ ni wɨ̀ nyaʼa wò ə Paradaìs pè zu ɨnû nɨ chəi ənɨ tɨ wə̀d ghà, nɨ yeʼ ɨnû nɨ chəi mbɨ ben ni wə̀d mɨ̀sɔŋɨchù wɨrɨ ghà.

1 Jɔn 2:13

Mɨ̀mbǎʼ, mə wɨə ŋwàʼnɨ̀ ɨ nən ɨmbə̀ʼ ɨghəm nɨ mbə̀ kyerɨ məd we nɨ nyaʼa i əŋgu bɔŋ Ŋwìə̀ nyaʼa sɨə tekɨ ɨsɨg. Ŋgwàʼ bə̂d, mə wɨə ŋwàʼnɨ̀ ɨ nən ɨmbə̀ʼ ɨghəm nɨ mbə fə baŋ wə̀d rɨ̀bɔ̀ŋ.

Ɨnû 13:9

Wə̀d we nɨ tɨ̀ wɨ̀ zu, wɨ̀ zu:

Ɨnû 14:13

Ŋwìə̀ zɨ əbɔrəbɔd ɨgun ə bə̂d mbe nɨ kwɨ ənɨ mbɨ yeʼ ənɨ ɨfɔtɨ mbɨ Ə̀nùŋɨ̀sɨg! Əzwî ə ghà ni, “Ee, à yɨə kàŋ əne. Mbɨ bɨrɨ zwiirɨ tɨ ənɨ ɨ̀fàʼì mbe nɨ mbɨə fàʼə̀, ɨmbə̀ʼ ɨghəm nɨ ɨnû mbe nɨ mbɨ fə ghɨ̌ bɨrɨ beenɨ əbɔʼ mɨ̀mə̌d!”

Ɨnû 15:2

Mə nyaʼa zə əghɨ ə mɔʼɔ nɨ nyaʼa ɨghabɨ ə rɨ̀bàà mɨ̀manèm nɨ mbɨ nyamɨ mbɨ ɨwid. Mə nyaʼa bə̀ zə bə̂d mbe nɨ nyaʼa baŋ nyam kyeŋ rɨtu ze, baŋ anèŋ məd bə̀ baŋ ə nombà we nɨ təm ənɨ ɨkum məd. Mbɨ nyaʼa təm ɨban rɨ̀bàà mɨ̀manèm we mbɨ mɨnoŋɨ ŋgyi nɨ Ŋwìə̀ nyaʼa naʼ əmbɨ mɨ̀mə̌d.

Ɨnû 2:11

Wə̀d we nɨ tɨ̀ wɨ̀ zu ənû, wɨ̀ zu ənû ze nɨ Əzwî ə ghàə̀ əmbɨ rɨfetɨ bə̂d Kristo. Kaʼ ɨvɨ we nɨ pe ənɨ wɨ be bɨrɨ betɨ i wə̀d we nɨ baŋ ɨnû rɨbɔ̀ŋ.'”

Ɨnû 2:17

Wə̀d we nɨ tɨ̀ wɨ̀ zu ənû, wɨ̀ zu ənû ze nɨ Əzwî ə ghà əmbɨ rɨfetɨ bə̂d Kristo. Mə bɨrɨ naʼ ə manà mɔʼɔ rəbɔʼ we nɨ yeʼ ənə̀mə əmbɨ wə̀d jìm we nɨ baŋ ɨnû rɨbɔ̀ŋ. Mə bɨrɨ naʼ ɨti rɨ̀fɨ nɨ mbɨ ŋwaʼnɨ ɨkum fi ɨgun ɨ bɔ. Chəi wə̀d mɔʼɔ kyerɨ ɨkum we chè rɨ ənɨ wə̀d we nɨ nɨŋ ɨti we.'”

Ɨnû 21:7

Wə̀d we nɨ baŋ ɨnû rɨbɔ̀ŋ bɨrɨ jɨg ɨghɨ mbɔ̂ jìm. Mə bɨrɨ yeʼ Ŋwìə̀ məd, məd bə̀ yeʼ mɨ wan.

Ɨnû 22:14

Ŋwìə̀ zɨ əbɔrəbɔd ɨgun ə bə̂d mbe nɨ fə so tə ngywɨ tɨ zeŋ, ɨmbə̀ʼ ɨ mbe tɨ mbɨ chè ənɨ mɨchû ɨkam nyɨ ɨŋga əsɨ ze, əne jɨg rɨtam tɨ ənɨ əzed ze nɨə nàʼ ɨ̀tènɨ̀.

Ɨnû 22:17

Əzwî mbɨ Ɨgən ghà ni, “Yeʼe!” Wə̀d jìm we nɨ zu gha ni, “Yeʼe!” Wə̀d jìm we nɨ ədɔʼ ə ne əməd yeʼe. We nɨə kəb mɨnib, yeʼe nɔ mɨnib mbe nɨə nàʼ ɨ̀tènɨ̀, nɨ chəi wɨ̀ bɨrɨ naʼ ɨkab.

Ɨnû 22:2

Ɨ wɨə nyaʼə koŋ ɨŋga mɨgharə̀ ɨnə̂njɨ̀ kyeŋ we rɨŋga əsɨ ze. Əzed ze nɨə nàʼ ɨ̀tènɨ̀ zɨə nyaʼə əŋgo ɨgyɨ̂ kyeŋ we ɨba jìm. Əzed ze zɨə nyaʼə kɔə rɨtam ɨghəm wum chɔ̀b rɨ̀be ɨŋga əghəm əwu. Əne yɨ ɨghəm mɔʼ ɨŋga ɨmɨg. Tɨfuʼ rɨ əzed te tɨə nyaʼə vɨ̀ə̀ bə̂d rɨŋga ɨbeŋ jìm.