Ɨnû 2:3 - Meta’

³ Mə kyerɨ ni à wɨə nyìʼə̀ bə̀ zəə ŋgəʼ əku ɨmbə̀ʼ əmɨ, àyɨə chəi à kɨrɨ bɔd.

Ikan feg

³ Mə bə̀ kyèri gha chəyi àghò kiri bɔri ni nyìʼ inug bə̀ zə̰ ngəʼ ka ka imbə̀ʼ amə.

Ɨnû 2:3 Խաչաձեւ Հղումներ

Mk 15:21

Mɨ̀sɔgyɨ̀ mbe nyaʼa pè ɨnə̂njɨ̀ zə mbaŋə̀ mɔʼɔ nɨ nyaʼa rɨ ə Sìrin nɨ ɨkum məd nyaʼə Saimòn. wɨ̀ nyaʼə che i che. Wɨ̀ nyaʼa nɔ̀ʼ rɨ ə mbeŋ sɨə wò ə Jèrusalèm. Əne mbɨ nyaʼa nyèŋ əməd ni wɨ̀ nɨŋ əzed ə baʼnɨ ze rɨ əmbɨ ə Yeso bèʼ. Saimòn yɨə nyaʼə mbǎʼ Àlèzandà mbɨ Rufùs.

Lk 14:27

Wə̀d mɔʼɔ we nɨ chəi wɨ̀ beʼ e əzed ə baʼnɨ beenɨ əbɔʼ num, rɨka kùʼi nɨ yeʼ mɨ ə̀mə̀ə̀nɨ̀-ɨnû.

Lk 18:1

Yeso nyaʼa ghà ənû ə mɨgɨ əmbɨ mbi mə̀mə̀ə̀nɨ̀-ɨnû ɨ chwi ni mbɨ berɨ kɨə kɔ̀ŋgɨ̀ ə Ŋwiə̀ zɨ rɨ bɔd.

Lk 21:19

Mbə mɨ nyìʼ, mbə bɨrɨ jɨg ɨ̀tènɨ̀ rəsìʼ.

Lk 5:5

Saimòn nyaʼa wììrɨ̀ ɨ bɔ ni, “Masà, tɨ̀ fàʼ kwàʼ rɨ̀kǎ ɨzimɨ wɔ̂ jìm, àyɨə chəi tɨ̀ gywɨ əghɨ ə mɔʼɔ. Àyɨə ɨchî nɨ à ghǎ əne, mə bɨrɨ màʼ.”

Lk 8:15

Ɨghɨ mbe nɨ nyaʼa feŋ ɨŋga si chɔ̀m, yɨə bə̂d mbe nɨ ənɨ mbɨ zu ɨŋgam we, mbɨ yim wɨ kàànɨ ɨŋga tə fîŋ te nɨ zeŋɨ bə̀ bɔ̀ŋ, əne yim fîŋ pè ənɨ mbɨ ghɨ ɨnû mbe nɨ Ŋwìə̀ kə̀bɨ.

Jn 15:21

Bə̂d rɨŋga ɨsɨg bɨrɨ ghɨ ɨnû mbɔ̂ jìm ənɨ ə nən ɨmbə̀ʼ ɨghəm nɨ mbə̀ yeʼ mbɨ bə̂d, ɨmbə̀ʼ ɨghəm nɨ chəi mbɨ kyerɨ məd we nɨ nyaʼa tom əmɨ.

Rm 12:12

Mbə̀ ghaʼrɨ əwən ɨmbə̀ʼ ɨghɨ mbe nɨ mbə̀ nuŋ rɨkɔndɨ ɨ wòm, yim fîŋ ənɨ mɨ̀nyùmə̀ jìm mbe nɨ mbə̀ə zəə ŋgəʼ bə̀ kɔŋgɨ ə Ŋwiə̀ ənɨ mɨ̀nyùmə̀ jìm.

Rm 16:12

Mbə̀ chaʼrɨ ə Trifenà mbɨ Trifosà. Mɨ̀mə̌d mbɨə fàʼ əmbɨ Ə̀nùŋɨ̀sɨg. Mbə̀ chàʼrɨ̀ ə Pesì nɨ yeʼ mɨ sə̀ʼ nɨ mə̀ ghaʼi kwàʼ rɨŋgəʼ. Məd fə fàʼ kwàʼ rɨ̀kǎ əmbɨ Ə̀nùŋɨ̀sɨg.

Rm 2:7

Wɨ̀ bɨrɨ naʼ ɨ̀tènɨ̀ rɨ mì əmbɨ ə bə̂d mbe nɨə yimə fîŋ ghɨ̀ ɨ̀chɔ̀m, nɨə kə̀b ɨzeŋɨ zeŋɨ mbɨ ɨwumnɨ fɔrɨ ənû nɨ chəi bə̂d bɨrɨ nɔ kwɨ.

Rm 8:25

À mɨ yeʼ nɨ tɨə nùŋ ɨkɔndɨ wòm əghɨ ze nɨ chəi tɨə zəə, njɨ tɨ̀ bɨrɨ wòm mbɨ ɨyim fîŋ.

1 Kɔrèn 13:7

Ɨghaʼi wɨə kə̀bə̀ ni bə̂d yim fîŋ ənɨ ɨnû jìm. Ɨ wɨə ghɨ̀ ni bə̂d nùŋ fîŋ ɨgwɨ ɨghɨjìm. Ɨ wɨə ghɨ̀ ni bə̂d nuŋ ɨkɔndɨ wom ɨnû jìm mbe nɨ tɨ̀ benɨ. Ɨ wɨə bə̀ ghɨ̀ ni bə̂d chi ɨnû jìm.

1 Kɔrèn 16:16

mbə̀ zuunɨ bə̂d ɨghabɨ mbɔ̂, bə̀ zuunɨ wə̀d jìm we nɨə fàʼə̀ bə̀ nwìʼ ɨnyod mbɨ na ənɨ ə̀fàʼì zɔ̂.

2 Kɔrèn 10:15

Chəi tɨ̀ bɨrɨ goŋ ɨgɔ̂ ɨmbə̀ʼ ə̀fàʼì ze nɨ bə̂d cherə faʼi. À ɨkɔndɨ yɨ ni ɨchî nɨ ə ɨbenɨ ə kwiə, a ə̀fàʼì əkaʼ nən ə bɨrɨ bə̀ sɨə nɔʼə wò ɨmbì,

2 Kɔrèn 11:23

Mbɨ wa kɨə bə̂d ə̀fàʼì Kristo ə? Mə wɨə ghàm ɨghabɨ ətəd. Mə chè mɨ̀mə̌d. Mə fə fàʼ rɨ̀kǎ chè mɨ̀mə̌d, mə fə nyɨ ndəŋ ɨghəm nɔnɔʼ, mbɨ fə som əmɨ ɨghəm nɨ chəi ənɨ tɨ̀ mbɨ taŋ, mə fə jwɨ̀ rɨ ɨchû ɨvɨ ɨghəm nɔnɔʼ.

2 Kɔrèn 4:1

Ŋwìə̀ fə diirɨ əwa nàʼ ə̀fàʼì zɔ̂ ɨ na, əne chəi ta fîŋ bɨrɨ bɔd.

2 Kɔrèn 4:16

Chəi ta fîŋ ə bɔrə. Ka à bè yeʼi ni ta nyamnyod tɨə chə̀ə̀rɨ̀ə̀ wòə̀, àyɨə Ŋwìə̀ wɨə nàʼ ɨ̀tènɨ̀ fi ɨ na ɨni jìm.

2 Kɔrèn 5:9

Əne, kɨ̀ tɨ kɨ ɨŋga nyamnyod zɔ̂, kɨ̀ ənɨ tɨ fə saŋ nyamnyod zɔ̂, ənû nɨ tɨ̀ kə̀bɨ yɨ ni fîŋ Ə̀nùŋɨ̀sɨg bɔŋ ə.

2 Kɔrèn 6:5

Ɨ mbɨə som əwa. Ɨ mbɨ zɨə əwa ə ndəŋ. Ɨ mbɨə bù əchɔb kəb zwiirɨ əwa. Tɨ̀ wɨə nwìʼ ɨnyod mbɨ ɨ̀fàʼì. Tɨ̀ wɨə ni ɨzimɨ mɔʼɔ zɨ rɨ gwenɨ. Tɨ̀ wɨə chubə njì.

Gàlesìyà 6:2

Wə̀d mɔʼɔ mɨ yeʼ ə ŋgəʼ, mbə̀ weerɨ əməd. Mbə mɨ ghɨ̀ əne, njɨ mbə fə nùŋ ɨkə we nɨ Kristo nyaʼa naʼ ɨ na.

Gàlesìyà 6:9

Tɨ rɨ̀ bɔd əwa nɨ ghɨ ɨ̀chɔ̀m. Tɨ̀ mɨ ton bɔd əwa, tɨ̀ bɨrɨ kwəŋ ɨghɨ nɔnɔʼ ənɨ ə nyùmə̀ kuʼu.

Fìlipì 2:16

Mbə̀ yim ɨŋgam we nɨə nàʼ ɨ̀tènɨ̀, ɨmbə̀ʼ mə̀ goŋ ɨgɔ̂ əni ze nɨ Kristo bɨrɨ wɨrɨ yeʼe ni chəi mə̀ nyaʼa notɨ ətu ə̀kǒ kɨ̀ bə̀ fàʼ ətu ə̀kǒ.

Fìlipì 4:3

Mə wɨə bə̀ gha ɨ ne, àwɔ̀ nɨə fàʼə̀ mbɨ num ənɨ e fîŋ jìm, ni à weerɨ məyi mbɔ̂ ghɨ̀ mbɨ chub ənɨ əbɔrəbɔd, ɨmbə̀ʼ ɨghəm nɨ mɨ̀mə̌d, Klemèn mbɨ ə bə̂d cherə fə fàʼ rɨkǎ mbɨ num nɨ ghà ɨkə̂n chɔ̀m. Tɨkum tɨ mɨ̀mə̌d tɨ ɨŋga ə̀ŋwàʼnɨ̀ ze nɨ mbɨ ŋwaʼnɨ rɨkum bə̂d mbe nɨ bɨrɨ jɨg ɨ̀tènɨ̀.

Kòlosè 1:11

Ŋwiə̀ we nɨ berɨ ɨka nɨ chè ɨka jìm ghɨ ni mbə̀ jeŋgɨ təm kàànɨ̀ ɨmbə̀ʼ mbə̀ sɨə nyìʼ əton ə ŋgəʼ, sɨə yimə fîŋ, sɨə ghaʼə bɔŋgɔb,

1 Tèsàlonikà 1:3

Ənɨ tɨə kɔŋgɨ Ŋwiə̀ a Mbǎʼ, tɨ̀ wɨə kɔndɨ ɨnû mbe nɨ mbə̀ə ghɨ̀ə̀ ɨchî nɨ mbə̀ nuŋ fîŋ ɨgun ə Yeso. Tɨ̀ wɨə bə̀ kɔndɨ ɨchî nɨ mbə̀ə fàʼə̀ rɨ̀kǎ ɨmbə̀ʼ weerɨ bə̂d ɨmbə̀ʼ ɨghəm nɨ mbə ghaʼ mɨ̀mə̌d. Tɨ̀ wɨə bə̀ kɔndɨ ɨchî nɨ mbə̀ə nyìʼə̀ fîŋ wòm ɨchî nɨ a Ə̀nùŋɨ̀sɨg Yeso Kristo bɨrɨ chɨ əwən rəŋgəʼ.

1 Tèsàlonikà 2:9

Mba bɔŋgɔb, mbə̀ kyerɨ ə ɨchî nɨ tɨ̀ nyaʼə fàʼ əkaʼ nən kwàʼ rɨ̀kǎ. Tɨ̀ wɨə nyaʼə fàʼ əziə mbɨ ɨzimɨ ɨmbə̀ʼ tɨ rɨ̀ chə a wə̀d mɔʼɔ rəbɔʼ nən ɨmbə̀ʼ ənû rɨjɨg ənɨ tɨ̀ nyaʼə ghà ɨkə̂n chɔ̀m ɨmbə̀ʼ ə Ŋwiə̀ ɨ nən.

1 Tèsàlonikà 5:12

Mba bɔŋgɔb, tɨ̀ wɨə buʼ ɨbɔ ɨ nən ni mbə naʼ ɨwumnɨ əmbɨ ə bə̂d mbe nɨə fàʼ rɨ̀kǎ ɨ nən, chà əwən bə̀ kəərɨ əwən.

2 Tès 3:13

Mba bɔŋgɔb, tɨ mbə̀ bɔd ə nɨ ghɨ ɨnû nɨ kuʼnɨ.

2 Tès 3:5

Ə̀nùŋɨ̀sɨg ghɨ ni mbə̀ jeŋgɨ kyerɨ ɨchî nɨ Ŋwìə̀ ghaʼ əwən, bə̀ ghɨ̀ ni mbə nyiʼ ənɨ bə̂d ə nwèndɨ̀ tə rɨkyerɨ-ɨwu àmei ɨchî nɨ Kristo ziə nyaʼa bə nyìʼ.

2 Tès 3:8

Chəi tɨ̀ nyaʼa jɨg tɨjɨg wə̀d mɔʼɔ nɨ chəi tɨ̀ nyaʼa chwɨ. Tɨ̀ wɨə nyaʼə fàʼə̀ kwàʼ rɨkǎ əziə mbɨ ɨzimɨ ɨmbə̀ʼ tɨ rɨ̀ chə a wə̀d mɔʼɔ rəbɔʼ nən.

1 Timotì 4:10

Tɨ wɨə kywɨ ənywɨ nɨ faʼ rɨkǎ ɨmbə̀ʼ ɨghəm nɨ tɨ nuŋ ta rɨkɔndɨ ɨgun ə Ŋwìə̀ we nɨ yeʼ ɨkǎ. Məd wɨə chɨ̀ə̀ bə̂d mɨjìm mbe nɨ kəb ni mbɨ chɨ əwən rəŋgəʼ, màànɨ̀ mba mbe nɨ nuŋ ta rɨkɔndɨ ɨgwɨ məd.

1 Timotì 5:17

Zə ni mbɨ naʼ ɨwumnɨ əmbɨ ə bə̂d mbe nɨə chà ɨfetɨ bə̂d Kristo bə̀ jeŋgɨ chɔʼ ə̀fàʼì mɨ̀mə̌d, maanɨ mbe nɨə fàʼ rɨkǎ nɨ ghà ɨŋgam Ŋwiə̀ bə̀ fɔrɨ ni chwi ɨnû ɨmbə̀ʼ ə Kristo.

Mə̀Hibrù 10:36

Mbə berɨ nyiʼ, ɨmbə̀ʼ mbə ghɨ ənû ze nɨ Ŋwìə̀ kə̀bɨ. Mbə mɨ ghɨ̀ əne, mbə bɨrɨ berɨ əghɨ ze nɨ Ŋwìə̀ kaʼ ɨ nən.

Mə̀Hibrù 12:1

Ɨchî nɨ mɨ̀zərɨmbin mbɔ̂ ɨnɔ̂n kyeŋ kaŋ kad əwa, əne tɨ̀ waʼ ɨnû jìm mbe nɨə kən ɨnə̂njɨ̀ ɨ na bə̀ waʼ ɨnû rɨbɔ̀ŋ mbe nɨ kod əwa. Tɨ̀ notɨ ə̀nòtɨ̀ ze nɨ yeʼ ɨmbì ɨ na mbɨ ɨnyiʼ fîŋ.

Mə̀Hibrù 13:13

Əne tɨ̀ wo əsɨ məd ənjìm əsɨ ze nɨ mbɨ chubɨ, bə̀ nɨŋ tɨ̀nìd ətu we nɨ mbɨ nyaʼa zɨ ɨgwɨ məd.

Mə̀Hibrù 6:10

Ŋwìə̀ wɨə ghɨ̀ àmei ɨnû nɨ kuʼnɨ. Kaʼ məd bɨrɨ neb i ɨnû mbe nɨ mbə̀ fə ghɨ. Kaʼ məd bɨrɨ bɨ neb i ɨghaʼi we nɨ mbɨə chwi ɨ bɔ ənɨ mbə̀ nyaʼə weerɨ bə̂d məd bə̀ kɨrɨ wò ɨmbì wèèrɨ̀ə̀.

Mə̀Hibrù 6:12

Chəi tɨ̀ kəb ni mbə̀ ghɨ ɨgwed. Mbə̀ ghɨ yeʼ ɨnû mbe nɨ bə̂d mbe nɨ ənjìm ɨbenɨ fɔrɨ ənjìm ɨyim fîŋ nyaʼə ghɨ̀ə̀. Mbɨ nyaʼə ghɨ̀ əne ɨmbə̀ʼ jɨg ɨghɨ mbe nɨ Ŋwìə̀ nyaʼa kaʼi.

Mə̀Hibrù 6:15

Abràham nyaʼa yim fîŋ bə̀ wòm, əne wɨ̀ nyaʼa berɨ əghɨ ze nɨ Ŋwìə̀ nyaʼa kaʼ ɨ bɔ.

2 Pità 1:6

Ɨchî nɨ mbə̀ kyerɨ ə Ŋwiə̀ ə ghɨ ni mbə̀ yimbɨ ɨnyod. Ɨchî nɨ mbə̀ə yimbɨ ɨnyod ə ghɨ ni mbə̀ chi ɨnû. Ɨchî nɨ mbə̀ə chì ɨnû ə ghɨ ni mbə̀ wumnɨ ə Ŋwìə̀.

Ɨnû 1:9

Mɔ̌, Jɔ̌n we nɨ yeʼ wən aŋgɔb, wɨ ənɨ ɨfɔtɨ mbɨ nən ɨchî nɨ tɨə zəə ŋgəʼ, ɨchî nɨ tɨ̀ chub ɨŋga ənû ɨfɔ̀n ə Ŋwiə̀ bə̀ fɔrɨ ɨchî nɨ tɨə yimə fîŋ nyìʼ əton ə ŋgəʼ. Ɨnû mbɔ̂ yɨ ɨmbə̀ʼ ɨghəm nɨ tɨ̀ yeʼ ənɨ ɨfɔtɨ mbɨ Yeso. Mbɨ nyaʼa chà əmɨ ɨŋga əkəm əsɨ ə si nɨ mɨnib karɨ, nɨ mbɨ nyaʼə tɔŋ ənɨ ə Patmòs. Mbɨ nyaʼa chà əmɨ əŋgu ɨmbə̀ʼ ɨghəm nɨ mə̀ wɨə nyaʼə ghà ɨŋgam Ŋwiə̀ mbɨ ni mə wɨə nyaʼə ghà rəsìʼ ɨmbə̀ʼ ə Yeso.

Ɨnû 3:10

Ɨchî nɨ à fə yim fîŋ nyìʼ ɨchî nɨ mə nyaʼa gha ɨ ne, mə bɨrɨ nəm əwe ənɨ ə nyùmə̀ we nɨ ŋgəʼ bɨrɨ yeʼe ɨgwɨ ɨsɨg jìm ɨmbə̀ʼ kwaʼnɨ bə̂d mbe nɨ yeʼ ɨgwɨ ə si.