Ɨ̀fàʼì 4:29 - Meta’

²⁹ Əne tɨ̀nîn Ə̀nùŋɨ̀sɨg, zə ɨchî nɨ mbɨə fàŋ əwa. Ghɨ ni mbǎ, mbe bə̂d ə̀fàʼì, gha e ɨŋgam mbɨ ə fîŋ nɨ kǎ.

Ikan feg

²⁹ Àghò, Anɔŋisəg, nḛ icheg ne mbe sìbè awa, si nàʼ ika abə ìmbe bəd àfàʼì mbe chete ìwe ìngam ne chəyi mbe bɔ.

Ɨ̀fàʼì 4:29 Խաչաձեւ Հղումներ

Ɨ̀fàʼì 13:46

Ənɨ mbɨ nyaʼa gha əne, Pɔ̂l mbɨ Banabàs nyaʼa ghà mbɨ ə fîŋ nɨ kǎ ni, “Zɨə nyaʼa kùʼ ni tɨ̀ be ghà ɨŋgam Ŋwiə̀ ɨ nən. Àyɨə ɨchî nɨ mbə̀ ton ɨŋgam we, əne zə ni chəi mbə̀ kuʼ nɨ jɨg ɨ̀tènɨ̀ rɨ mì, tɨ̀ fə sàŋ əwən wò əbɔʼ bə̂d mbe nɨ kaʼi mɨ̀Jû,

Ɨ̀fàʼì 14:3

Pɔ̂l mbɨ Banabàs nyaʼa chub ə Ikoniùm əgha ə se. Ɨ mbɨə nyaʼə ghà ɨŋgam Ŋwiə̀ əŋgu ɨmbə̀ʼ Ə̀nùŋɨ̀sɨg mbɨ ə fîŋ nɨ kǎ. Ə̀nùŋɨ̀sɨg nyaʼa chwi ni ɨŋgam we nɨ mbɨ nyaʼə ghà ɨmbə̀ʼ ɨ̀chɔ̀m məd yɨ ənû rəsìʼ ɨchî nɨ wɨ̀ nyaʼa ghɨ ni mbɨ ghɨ ɨnû yiirɨ bə̀ ghɨ̀ ɨnweenɨ-ɨnû.

Ɨ̀fàʼì 19:8

Pɔ̂l nyaʼa wò nyɨ ɨŋga nəb ə̀kàtɨ̀. Ɨ wɨə nyaʼə ghàmə̀ əŋgu əmɨg ətad ənɨ ə fîŋ nɨ kǎ. Ɨ wɨə nyaʼə bə̀ tàŋə̀ mbɨ ə bə̂d mbe nɨ nyaʼa əŋgu. Ɨ wɨə nyaʼə bə̀ kə̀bə̀ ni mbɨ kyerɨ ni ənû ɨfɔ̀n ə Ŋwiə̀ yɨ ənû rəsìʼ.

Ɨ̀fàʼì 26:26

Əton nɨ mɨə ghà ɨnû mbɔ̂ ɨ ne nɨ chəi mɨə bɔə, kyɨ ɨfɔ̂n, yɨ ni à fə kyerɨ e ɨnû mbɔ̂ jìm, ɨmbə̀ʼ ɨghəm nɨ chəi mbɨ nyaʼa ghɨ ɨnû rəŋgu ɨbu əsɨ ə mɔʼɔ.

Ɨ̀fàʼì 28:31

Ɨ wɨə nyaʼə ghà ɨmbə̀ʼ ənû ɨfɔ̀n ə Ŋwiə̀, bə̀ chwi ɨnû ɨmbə̀ʼ Ə̀nùŋɨ̀sɨg Yeso Kristo əsaŋ əsaŋ mbɨ ə fîŋ nɨ kǎ. Chəi wə̀d mɔʼɔ nyaʼa kən əməd.

Ɨ̀fàʼì 4:13

Ənɨ bə̂d mbe nɨə tekɨ ɨnû mbɨ ə bə̂d kyeŋ mbe rɨŋga əbeŋ nyaʼa zə ɨchî nɨ Pità mbɨ Jɔ̌n nyaʼə ghàmə̀ mbɨ ə fîŋ nɨ kǎ, bə̀ kyerɨ ni chəi mbɨ nyaʼa kyerɨ ə̀ŋwàʼnɨ̀ mbɨ ni mbɨ yɨ ɨnatɨ bə̂d, mbɨ nyaʼa yiirɨ. Mbɨ nyaʼa bə̀ kyerɨ ni ɨ mbɨə nyaʼə yènə̀ mbɨ Yeso.

Ɨ̀fàʼì 4:21

Ənɨ mbɨ nyaʼa ghà əne, mə̀saʼ əbeŋ mbe nyaʼa yì patɨ mɨ̀mə̌d kwàʼ rɨ̀kǎ, sàŋ ni mbɨ wo ə. Chəi mbɨ nyaʼa zə ɨnə̂njɨ̀ nɨ chə mɨ̀mə̌d, ɨmbə̀ʼ ɨghəm nɨ bə̂d mɨ̀jìm mbɨə nyaʼə yiirɨ ə Ŋwiə̀ ɨmbə̀ʼ ənû ze nɨ nyaʼa ghɨ̌.

Ɨ̀fàʼì 4:31

Ənɨ mbɨ nyaʼa kɔŋgɨ ə Ŋwiə̀ màànɨ̀, əsɨ ze nɨ mbɨ nyaʼa fetɨ əŋgu ə nyaʼa wùd. Əzwî ə Zeŋɨ ə nyaʼa swi ɨŋga mɨ̀mə̌d mɨjìm, mbɨ gha ɨŋgam Ŋwiə̀ mbɨ fîŋ nɨ kǎ.

Ɨ̀fàʼì 9:27

Banabàs nyaʼa nɨŋ ə Sɔ̂l mbɨ wo əsɨ bə̂d tom mbe, pè tòʼrɨ̀ ɨchî nɨ Sɔ̂l nyaʼa zə Ə̀nùŋɨ̀sɨg ɨnə̂njɨ̀, Ə̀nùŋɨ̀sɨg gham ɨ bɔ. Wɨ̀ nyaʼa bə̀ tòʼrɨ̀ ɨchî nɨ Sɔ̂l nyaʼə ghà ɨŋgam Ŋwiə̀ ə Dàmaskɔ̀s ənɨ ɨkum Yeso ənɨ fîŋ nɨ kǎ.

Ɨ̀fàʼì 9:28

Sɔ̂l nyaʼa chubɨ mbɨ mɨ̀mə̌d ə Jèrusalèm, yènə̀ ghà ɨŋgam Ŋwiə̀ ənɨ ɨkum Ə̀nùŋɨ̀sɨg ənɨ fîŋ nɨ kǎ.

1 Kɔrèn 14:13

Əne, wə̀d we nɨə ghàm ɨŋgam rɨsɔ̀ʼɔ̀ berɨ kɔŋgɨ ə Ŋwìə̀ ni wɨ̀ naʼ ɨka ɨ bɔ ni wɨ̀ toʼrɨ ɨnû mbe nɨ wɨə ghàə̀,

2 Kɔrèn 3:12

Ɨchî nɨ tɨ̀ nuŋ ta rɨkɔndɨ ɨgun ənû zɔ̂, tɨ̀ wɨə ghɨ̀ ɨnû mbɨ ɨka fîŋ.

Fìlipì 1:14

Ɨchî nɨ mə yeʼ ə nəb ndəŋ ə fə ghɨ̀ ni bɔŋgɔb nɔnɔʼ rəbɔʼ mbe nɨ ben ə Kristo jeŋgɨ ghà ɨŋgam Ŋwiə̀ ənɨ ə fîŋ nɨ kǎ fɔrɨ ənɨ chəi mbɨə bə̀ bɔ ə.

1 Tèsàlonikà 2:2

Bə̂d mbe rɨ ə Filipì nyaʼa ghɨ̀ tɨ̀ zə ŋgəʼ. Mbɨ nyaʼa bə̀ naʼ tɨ̀nìd ətu na ɨchî nɨ mbə̀ kyerɨ. Àyɨə Ŋwìə̀ nyaʼa nàʼ ɨka ɨ na ni tɨ̀ gha ɨkə̂n chɔ̀m ɨ nən, ka à bè yeʼi ni chəi bə̂d mɨ̀nɔnɔʼ nyaʼa kəb ni tɨ̀ gha ɨkə̂n we.

2 Timotì 4:17

Mbɨ nyaʼa ghɨ̀ əne, àyɨə Ə̀nùŋɨ̀sɨg nyaʼa təm ɨban num, naʼ ɨka ɨ num ni mə gha ɨŋgam Ŋwiə̀ jìm, ɨmbə̀ʼ ə bə̂d mɨ̀jìm mbe nɨ kaʼi mɨ̀Jû zu. Ənɨ mə̀ nyaʼa gha əne, Ə̀nùŋɨ̀sɨg nyaʼa chɨ̀ əmɨ rɨ ɨchû ɨvɨ, ɨchî nɨ mbɨ nyaʼa nɨrə sobə ni mbɨ zwiirɨ əmɨ.