Ɨ̀fàʼì 27:18 - Meta’

¹⁸ Əfim ze zɨə nyaʼə kàə̀ wò ɨmbì, əne ɨgwɨ əni ze nɨ nyaʼa beenɨ, mbɨ nyaʼa kɔ chɨ ɨghɨ rɨŋga əbaŋ ze màʼrɨ̀ ɨgyɨ̀.

Ikan feg

¹⁸ Afim ze yaya kà yi ka ghò imbìghè. Ane, igun aneg ze ne ya beni abɔ̀ʼ, mbi ya ko se chìyè ighi inga abaŋ ze màʼrà inga igyi.

Ɨ̀fàʼì 27:18 Խաչաձեւ Հղումներ

Matìyò 16:26

Njìm nɨ wə̀d bɨrɨ jɨg əwù ze nɨ wɨ̀ berɨ ɨsɨg wɔ̂ jìm əne sam i ɨ̀tènɨ̀ kɨə yè? Kɨ̀ wə̀d bɨrɨ naʼ ye ɨ kob ɨ̀tènɨ̀ we əŋgu ə?

Lk 12:23

ɨmbə̀ʼ ɨghəm nɨ ɨ̀tènɨ̀ ə chè ɨghɨjɨg, nyamnyod ə bə̀ chè ngywɨ̌.

Lk 16:8

“Mbǎʼ ə̀fàʼì we nyaʼa yiirɨ wə̀d kòb we nɨ nyaʼə nəŋgɨ ɨghɨ məd. Wɨ̀ nyaʼa yiirɨ əməd ɨmbə̀ʼ ɨchî nɨ wɨ̀ nyaʼa berɨ ɨwe, ɨmbə̀ʼ ɨghəm nɨ bə̂d rɨŋga ɨsɨg wɔ̂ ə berɨ ɨwe əku nɨ fàʼ mbɨ ə bə̂d mbe nɨ yeʼ ɨghabɨ mɨ̀mə̌d chè mbe nɨ yeʼ ɨŋga ɨzeŋɨ zeŋɨ.”

Ɨ̀fàʼì 27:19

Ənɨ ɨni nyaʼa pè tad, mbɨ nyaʼa chɨ̀ ɨghɨ rɨ ənɨ əbaŋ ze ənɨ mbə ɨbɔ màʼrɨ̀ ɨgyɨ̀.

Ɨ̀fàʼì 27:38

Ənɨ wə̀d jìm nyaʼa fə jɨg kod, mbɨ nyaʼa chɨ̀ kywɨ̀ te nɨ nyaʼa ɨŋga əbaŋ ze màʼrɨ̀ ɨŋga rɨ̀bàà. Əze ə nyaʼa ghɨ̀ əbaŋ ze ə zam.

Mə̀Hibrù 12:1

Ɨchî nɨ mɨ̀zərɨmbin mbɔ̂ ɨnɔ̂n kyeŋ kaŋ kad əwa, əne tɨ̀ waʼ ɨnû jìm mbe nɨə kən ɨnə̂njɨ̀ ɨ na bə̀ waʼ ɨnû rɨbɔ̀ŋ mbe nɨ kod əwa. Tɨ̀ notɨ ə̀nòtɨ̀ ze nɨ yeʼ ɨmbì ɨ na mbɨ ɨnyiʼ fîŋ.