Fìlipì 1:11 - Meta’

¹¹ Àmei Yeso Kristo we tɨ wɨ̀ ghɨ̀ ni mbə̀ ghɨ ɨnû ɨchî nɨ kuʼnɨ, ɨmbə̀ʼ bə̂d wumnɨ ə Ŋwiə̀ bə̀ yiirɨ əməd.

Ikan feg

¹¹ Mə we bə̀ chàʼrà Ŋwiye inən gha Yeso Kristo ghiyə mbə̀ beri ikuchèg we ne təmi kòʼ ni ghì gha bəd taŋ ghùmnə Ŋwiye.

Fìlipì 1:11 Խաչաձեւ Հղումներ

Matìyò 5:16

À yɨə bə̀ ɨchî nɨ ə ɨzeŋɨ zeŋɨ berɨ te ɨfě bə̂d, ɨmbə̀ʼ mbɨ zə ɨnû chɔ̀m mbe nɨ mbə̀ə ghɨ̀ə̀, əne yiirɨ ə Mbǎʼ we nɨ yeʼ ɨkaŋ.”

Jn 15:16

Kaʼi mbə̀nə nyaʼa chɔʼ əmɨ. À yɨə mɔ̌ nyaʼa chɔʼ əwən tom ni mbə̀ wo kɔ rɨtam, nɨ yeʼ rɨtam te nɨ bɨrɨ ten i koŋ. Mbə mɨ ghɨ̀ əne, Mbǎʼ bɨrɨ naʼ əghɨ ə mɔʼɔ ze nɨ mbə̀ biirɨ ɨ bɔ ənɨ mɨ ɨkum.

Jn 15:2

Məd wɨə sopə rɨtəb jìm te nɨ yeʼ ənɨ ə num, nɨ yeʼ te nɨ chəi tɨə kɔ rɨtam. Məd wɨə bə̀ kwə̀ŋgɨ̀ rɨtəb jìm te nɨə kɔ rɨtam ɨmbə̀ʼ tɨ kɔ nɔʼrɨ.

Jn 15:8

Ənû ze nɨ bɨrɨ nàʼ ɨwumnɨ əmbɨ mɨ Mbǎʼ yɨ ni mbə̀ kɔ rɨtam nɔnɔʼ. Əze ə bɨrɨ chwi ni mbə̀ yɨ mbɨ mə̀mə̀ə̀nɨ̀-ɨnû.

Rm 15:28

Ənɨ mə fə maanɨ ə̀fàʼì zɔ̂, nàʼ ɨkab we nɨ mə̀ fetɨ əmbɨ mɨ̀mə̌d, mə bɨrɨ che mo əwən bɔŋ sɨə wò ə Speìn.

Rm 6:22

Tɨ̀nîn nɨ chəi ɨnû rɨbɔ̀ŋ wɨrɨ berɨ ənû ə mɔʼɔ nɨ ghɨ mbɨ nən, mbə̀ yɨ sɨ ɨ̀bòʼò əmbɨ ə Ŋwiə̀. Əghɨ ze nɨ mbə̀ bɨrɨ jɨg yɨ ɨzeŋɨ zeŋɨ, əne ɨnwǐ yɨ ɨ̀tènɨ̀ rɨ mì,

1 Kɔrèn 10:31

Əne, kɨ̀ à jɨg, kɨ̀ à nɔ, kɨ̀ à ghɨ ənû ə mɔʼɔ, ghɨ ɨnû mbe jìm ɨmbə̀ʼ wumnɨ ə Ŋwiə̀.

2 Kɔrèn 9:10

Ŋwiə̀ we nɨə nàʼ ɨghɨ ŋgwèd əmbɨ wə̀d we nɨə fàʼə̀ mbeŋ, bə̀ nàʼə̀ ŋgə̀ŋ ni bə̂d jɨg, bɨrɨ naʼ ɨghɨjìm mbe nɨ mbə̀ kəbɨ mbɨ nɔʼ. Əne bə̂d mɨ̀nɔnɔʼ bɨrɨ jɨg tɨ ənɨ ɨchî nɨ mbə̀n ə sàŋnə.

Efesùs 1:12

Wɨ̀ nyaʼa ghɨ̀ əne ɨmbə̀ʼ mbà mbe nɨ tɨ̀ nyaʼa bə̂d rɨtu nɨ nùŋ ɨkɔndɨ ɨgun ə Kristo yiirɨ ə Ŋwiə̀.

Efesùs 1:14

Əzwî ə Zeŋɨ ze yɨ ənweenɨ nɨ chwiə ni tɨ̀ bɨrɨ kɔ berɨ ɨghɨ mbe nɨ Ŋwiə̀ kaʼ əmbɨ mbi bə̂d wò pè ənɨ wɨ̀ choʼ ətu mɨ̀mə̌d. Tɨ̀ yiirɨ ə Ŋwiə̀.

Efesùs 2:10

Tɨ̀ yɨ əbɔ ə̀fàʼì ə Ŋwiə̀ nɨ wɨ̀ nyaʼa tekɨ ɨmbə̀ʼ tɨ chubɨ ənɨ ɨfɔtɨ mbɨ Kristo Yeso sɨə ghɨ̀ ɨnû chɔ̀m mbe nɨ Ŋwìə̀ nyaʼa fə be tekɨ rɨmbì ni tɨ̀ sɨə ghɨ̀ə̀.

Efesùs 5:9

ɨmbə̀ʼ ɨghəm nɨ ɨzeŋɨ zeŋɨ mɨ yeʼə te ɨgun ə bə̂d, mbɨ bɨrɨ ghɨ ɨnû nɨ bɔŋɨ bə̀ kuʼnɨ bə̀ yeʼ mbɨ rəsìʼ.

Fìlipì 4:17

Chəi mə̀ gha əne ɨmbə̀ʼ ɨghəm nɨ mə̀ kəb ni mbə naʼ ɨghɨ ɨ num. Mə kə̀b yeʼ ni Ŋwìə̀ chwɨ əwən ɨchî nɨ mbə̀ weerɨ əmɨ.

Kòlosè 1:10

Tɨ̀ wɨə kɔ̀ŋgɨ̀ əməd ɨmbə̀ʼ wɨ̀ ghɨ ni mbə̀ chub ɨchî nɨ Ə̀nùŋɨ̀sɨg kəbɨ. Tɨ̀ wɨə bə̀ kɔ̀ŋgɨ̀ə̀ ni mbə̀ sɨə ghɨ̀ ɨnû jìm mbe nɨ bɨrɨ ghɨ ni fîŋ məd bɔŋ ə. Ɨchî nɨ mbə̀ə chubə bɨrɨ ghɨ ni mbə ghɨ ɨ̀chɔ̀m ənɨ tɨkwɨrɨ ɨnə̂njɨ̀ nɔnɔʼ bə̀ ghɨ̀ ni mbə sɨə jeŋgɨə kyerɨ ə Ŋwiə̀ wò ɨmbì.

Kòlosè 1:6

nɨ fə yeʼe ɨ nən. Ɨkə̂n chɔ̀m wɔ̂ wɨə kwiə bə̀ ghɨ̀ə̀ ni bə̂d mɨ̀jìm ɨŋga ɨsɨg ghɨ ɨnû mbe nɨ Ŋwiə̀ kəbɨ, àmei ɨchî nɨ mbə nyaʼa fə bə̀ fə kɔ ghɨ̌, kɔ rɨ əni ze nɨ mbə̀ nyaʼa zu bə̀ kyerɨ rəsìʼ ɨmbə̀ʼ ɨ̀chɔ̀m Ŋwiə̀.

2 Tès 1:12

Tɨ̀ wɨə kɔ̀ŋgɨ̀ ə Ŋwiə̀ ni bə̂d wumnɨ Ə̀nùŋɨ̀sɨg Yeso ɨmbə̀ʼ əwən. Tɨ̀ wɨə bə̀ kɔ̀ŋgɨ̀ə̀ ni bə̂d bə wumnɨ əwən. Ənû zɔ̂ ə bɨrɨ ghɨ̀ ɨmbə̀ʼ ɨghəm nɨ a Ŋwiə̀ mbɨ Ə̀nùŋɨ̀sɨg Yeso Kristo mbɨə ghɨ̀ ɨ̀chɔ̀m ənɨ ə nən.

Tayitùs 3:14

Bə zə ni mba bə̂d kwembɨ ənû nɨ ghɨ ɨ̀chɔ̀m, ɨmbə̀ʼ mbɨ weerɨ mbe nɨ kwaŋ ɨghɨ. Tɨ mbɨ yeʼ ə bə̂d nɨ chəi mbɨə ghɨ̀ ɨ̀chɔ̀m.

Mə̀Hibrù 12:11

Chəi ənû ze nɨ mbɨə chə əwa ə nyaʼa bɔŋ ənɨ ə nyùmə̀ we. Ə zɨə nyaʼə tɔə kwàʼ rɨŋgəʼ. Àyɨə əmad ə nɨə zombɨ, ɨchə we ghɨ ni bə̂d mbe nɨ mbɨ chə mɨ̀mə̌d ghɨ ɨnû nɨ kuʼnɨ bə̀ ghɨ̀ ni mbɨ chub ənɨ əbɔrəbɔd.

1 Pità 2:12

Mbə mɨchî əkaʼ bə̂d mbe nɨ kaʼi mɨ̀Jû berɨ bɔ̀ŋ, ɨmbə̀ʼ ka mbɨ bè gha ə ni mbə yɨə bə̂d nɨə ghɨ̀ ɨnû rɨbɔ̀ŋ, mbɨ bɨrɨ zə ɨnû chɔ̀m mbe nɨ mbə̀ə ghɨ̀ əne yiirɨ ə Ŋwiə̀ əni ze nɨ wɨ̀ bɨrɨ wɨrɨ yeʼe.

1 Pità 2:5

Mbə yeʼe ɨghabɨ əti nɨ yeʼ ɨka ɨmbə̀ʼ mbɨ nɨŋ əwən bɔm nəb əzwî əŋgu. Mbə mɨ ghɨ̀ əne, mbə bɨrɨ yeʼ bə̂d mbàn Ŋwìə̀ zeŋɨ, əne chè ənjìm ə Yeso Kristo naʼ ɨghɨ ə̀fà əzwî mbe nɨ Ŋwiə̀ benɨ.

1 Pità 2:9

À yeʼ ɨmbə̀ʼ əwən, mbə̀ yɨ ɨnəbɨ nɨ Ŋwiə̀ nyaʼa chɔʼɔ. Mbə yɨə bə̂d mbàn Ŋwìə̀ nɨə fàʼ əmbɨ ɨfɔ̀n kyeŋ. Mbə yɨ əbeŋ nɨ zeŋɨ. Mbə yɨə bə̂d Ŋwiə̀ ɨmbə̀ʼ gha ɨnû yiirɨ mbe nɨ wɨ̀ fə ghɨ̌. À yɨə məd nyaʼa tɔŋ əwən rɨŋga ɨsɨ firɨ əne zɨ̀ ɨŋga əsɨ ə zeŋɨ ze nɨ wɨ̀ naʼ əmbɨ ə bə̂d.

1 Pità 4:14

Bə̂d mɨ yeʼə zɔ̀m əwən ɨmbə̀ʼ ɨchî nɨ mbə̀ ben ə Kristo, Ŋwìə̀ bɨrɨ zɨ əbɔrəbɔd ɨgwɨ nən. Əne yɨ ni Əzwî ə Zeŋɨ ze nɨ yeʼ Əzwî ə Ŋwiə̀ ə fə sɨ i ɨgwɨ nən.